耶利米书 46章13节 到 46章28节   背景资料  上一笔  下一笔
Chit段诗歌ê历史背景kah前段相差有将近有40年ê时间。因为前段诗歌提起埃及攻打巴比伦是tī主前605年,而chit段诗歌描述ê是巴比伦军队攻击埃及,he是tī主前568 á是567年之间。整段诗歌描述巴比伦军队进攻埃及,致使埃及严重受创,差不多无法度khiā立,tùi chit-ê蹶不振。

M̄-koh Tī两强中间苟延残喘ê犹大人民,上帝iáu是会照顾,上帝提出他ê应允,他beh带领犹大kah以色列人民tńg去故乡重建家园。这说明上帝ê慈爱,他虽然用严厉ê手路惩罚背叛ê以色列人民,m̄-koh他并无弃绝in,因为上帝乃是个信实ê上帝,他遵守kah以色列人民祖先所立ê约,beh成做in ê上帝,永bē改变kah他ê子民之间所立ê约,因为chit-ê约是永远ê约,mā是性命ê约。

第13节,「巴比伦王尼布甲尼撒进攻埃及ê时chūn」,这是发生tī主前568年á是主前567年ê时chūn,mā就是尼布甲尼撒在位ê第37年,hit时埃及国王名叫亚马西士二世。Chit时chūn,上帝ài先知耶利米传出他ê信息。

第14到16节,chia讲埃及全国lóng武装起来,准备防御巴比伦来入侵。

「密夺」,这是埃及ê军事要塞。

「答比匿」,这是设tī尼罗河下游三角洲东部孟沙乐湖口以南ê所在,mā是当时埃及重要ê港口城市。

「挪弗」,是下埃及ê siōng重要城市。

Chia指出chit三个城市beh「起来,准备作战」,真清楚表是巴比伦军队会用猛烈ê战火攻击这三座重要城市。M̄-nā án-ne,而且讲出这三座城市会遇tio̍h「吞灭」。这是连埃及人所崇拜、óa靠ê「大牛神亚比士」,mā被phah倒「仆倒」tī土脚,亚比士并bē-tàng保护埃及ê安全,因为上帝「Kā它击倒了」。因为连守护神lóng无法度自保,埃及军人为tio̍h beh自保,大家lóng纷纷「tńg来到老家去」避难,好远离「敌人ê刀剑」。

第17 kah 18节,chit两节诗歌tú好成对应句;第17节提起埃及王是一个「phòng风王」,意思是teh指伊所夸耀ê武力并m̄是真实ê,是不堪一击ê。M̄-koh相对ê,耶和华上帝是「万军ê统帅」,包括巴比伦ê军队ê皇帝「尼布甲尼撒」lóng是tī他ê指挥下行事、用兵。先知耶利米就bat指出尼布甲尼撒王就是上帝拣选ê奴仆(参考廿五:9、廿七:9、四十三:10),而奴仆只有ē-tàng听从主人ê指挥。Á tī上帝指挥下ê巴比伦军队之阵容,比「伊泊山」kah「迦密山」iáu koh khah雄伟,埃及ê军队根本不堪打击。

第19到24节,chit段诗歌lóng是teh描述埃及tī强大ê巴比伦攻击之下,显露出来ê惨败景况。

Chia讲「挪弗会变成废墟」,头前有提过chit-ê城市是下埃及ê首都,若是变成废墟,表示已经被攻落、摧毁了。因为巴比伦帝国ná亲像依附tī牛只身上ê一种吸血虫「牛虻」仝款。埃及ná亲像一只肥壮ê牛,mā会因为牛虻ê攻击,致使死亡、毁灭。Á埃及雇用来相战ê「佣兵」tī大难来临ê时,「个个转身逃走,无一个挺身作战」,án-ne,埃及根本lóng无抵抗巴比伦军队攻击、蹂躏ê能力。Á巴比伦军队ê人数是远比「草蜢koh khah chē」,而且是chē到「bē-tàng胜数」,结果是phah败仗ê埃及人只有ē-tàng「蒙羞受辱」。

第25到26节,chit两节是散文体,lóng是关系埃及ê神明kā lóng被消灭,所有ê贵族,包括国王kah领导者lóng会hō͘巴比伦帝国所消灭。

「底比斯」,这是设tī埃及南部ê城市。Á「亚扪」是chit-ê城市敬拜ê主要神明,ē-sái讲是埃及人认为siōng伟大ê神。

Chit两节经文mā有一个特点:埃及thang得tio̍h复兴ê机会。为甚么上帝会hō͘埃及有机会得tio̍h复兴?Chia并无说明,不过有可能chit两节经文是属tī khah后期ê作品,主要teh说明埃及后来并无被巴比伦帝国hō͘完全消灭。

第27到28节,chit两节讲出慈悲上帝对以色列民族ê特别厚爱。当tī巴比伦kah埃及相战中,siōng担忧ê就是hō͘统治ê弱小国家、族群。Chia讲上帝hō͘犹大kah以色列人民一份特别ê恩典,就是ài in「m̄免惊」,mā「m̄-thang惊惶」,上帝beh「抢救」in,并带领in「tńg去故乡」,hō͘ in thang「安居乐业,无所惊惶」。因为会有上帝kah in同在。

重新查询 专卷研经 耶利米书系列
错误回报,请联系