耶利米书 32章36节 到 32章44节   背景资料  上一笔  下一笔
Chit段经文thang讲是先知文献中「希望信息」典型ê句话。Chit种「希望信息」充分表明几点特色:

   一、失散ê人民kā koh再聚集起来,过安居乐业ê生活(第37节b句)。

   二、上帝beh koh一pái作in ê上帝(第38节)。

   三、重新立约,无koh改变(第40节)。

M̄-koh chiah-ê lóng有一个非常重要ê基本前提,就是以色列人民一定tio̍h悔改、回转归向上帝,否则无法度看tio̍h「希望信息」ê机会来临。因为慈悲ê上帝siōng重视ê就是听tio̍h以色列人民忏悔ê声音,并看见in真实悔改ê态度。因为án-ne,先知耶利米传出这「希望信息」ê时chūn,已经说明一点:犹大国人民因为受掠为奴tī亡国ê奴隶生活中,in非常艰苦心,而且做深切ê反省,chiah tùi先知耶利米得tio̍h这可贵ê信息。

第36节,chit节已经看见耶路撒冷城内,以及tī犹大国境内有「战争、饥荒,kah瘟疫」肆虐,chiah hō͘巴比伦帝国轻易ê掌握、控制犹大国人民。

第37到38节,chit节thang看tio̍h「希望信息」,因为上帝beh kā他「放ta̍k到各国」ê以色列人民,重新带领tńg来。领in tńg来到故乡重建家园了后,thang「安居乐业」。并且真清楚讲出上帝beh kah他子民立约(参考三十一:31、33)。

第39到41节,thang参考第廿四章7节,以西结书第十一章19节、第三十六章26节等等。

Chit段经文讲出上帝赐hō͘以色列人民有「专一」ê心thang终生敬畏上帝,遵守所立ê约。Á上帝mā会用对等而且koh khah丰富ê疼,回应以色列人民。

第42节,过去因为悖逆上帝而遭遇极大ê「灾难」,chit-má则悔改归向上帝,而要领受上帝赏赐hō͘ in ê「一切幸福」。

第43到44节,chit两节是对应句。说明上帝ài先知耶利米kā伊亲戚哈拿默ê土地买落来ê原因,就是用来譬喻过去荒废ê田园,kā重新看见生机。用这表示上帝已经赦免以色列人民,beh重新建造in。过去大灾难来临ê时,大家过逃走,甚至受掠、丧失一切ê苦难生活,chit-má是呈现出一片繁荣而且有充沛活力ê景象,大家ài tī「耶路撒冷」等各地「买卖田地」,为tio̍h是beh「重整家园」。

重新查询 专卷研经 耶利米书系列
错误回报,请联系