以赛亚书 49章8节 到 49章26节   背景资料  上一笔  下一笔
Chit段首诗kah第四十章1到11节ê诗歌内容有真chē类似ê所在,是koh一pái确定上帝beh伸出救助ê手,带领以色列人民重头tńg来已经荒废好许久ê家园,而这mā是hō͘掠到异乡去过奴隶生活ê以色列人民日瞑所ǹg望ê大事。

Tùi chit章第14节开始直到第五十章,lóng是teh说明以色列人对上帝无koh心存ǹg望,m̄-koh,上帝却一再表明无bē记得他ê子民,一定会拯救in,chit两种无仝ê反应交织做伙。Tī chia ê诗歌中,作者有三pái提出问题,就是第14节、第21节,kah第24节。然后第15到20节回答第一个问题;第22到23节回答第二个问题;第25到26节回答第三个问题。

第8节,chit节ê诗歌真清楚,表明上帝会重新kah伊ê子民和好,beh「垂听」、「帮助」、「保护」in,并且beh重新带领in tńg来到故乡去「重建家园」。

第9到10节,chit两节thang参考诗篇第廿三篇,以及以赛亚书第四十三章19到20节。

第9节,对hiah-ê「被俘ê讲:lín自由了」chit句话是极大ê好消息,这kah「对乌暗中ê人讲:lín重见光明pah!」仝款,有重要ê意义。Á这mā是上帝奴仆被派出去ê任务,以及tio̍h传扬ê信息内容(参考四十二:7)。行洗礼约翰ê门徒被派去问耶稣ê身分ê时,耶稣mā是án-ne回答(参考路加福音七:21—22)。

第11到13节,chit三节真清楚讲tio̍h上帝拯救他ê子民,为tio̍h beh hō͘他ê子民顺利tńg去故乡,上帝特别「tī高山顶开辟道路,造一条大道」hō͘他ê子民行。因为án-ne,他ê子民会tùi「tùi西,tùi北,koh tùi南方ê希尼来」,mā就是teh指来自世界各地。因为性命得tio̍h拯救,真自然tek就会唱出颂赞上帝ê诗歌,而且是会「大声颂赞」,表示对上帝ê感恩。

第14节,mā是tùi chit节开始,直到第五十章是关系in对上帝有两种矛盾ê心境不断交织ê描述,to̍h是对上帝ê拯救失去信心,á是对上帝有绝对ê信心。

Chia诗人讲「上主已经遗弃阮」,类似chit种失志ê话,tī第四十章27节,以及耶利米哀歌第五章20到22节mā出现过。以色列人民认为上帝已经无koh看顾、保守in。

第15到20节,chit段诗歌是teh回答第14节提出疑问,认为上帝「已经遗弃」他ê子民。

Chia一开始就用「老母」kah「食奶」、「亲生ê婴á」来做譬喻,表明上帝kah他ê子民之间,就ná亲像母亲和食奶ê新生婴á仝款,是一种bē-tàng割舍ê性命关系。诗人用chit种方式teh对「耶路撒冷」ê子民,mā就是犹大国ê以色列人民讲,上帝绝对无可能bē记得in,因为上帝lóng kā in ê「名刻tī手心上」,表示永远bē bē记得,mā抹bē掉。上帝beh来重建in ê家园,而侵占in ê人会真紧离开,上帝beh用他ê「性命保证」,mā因为án-ne,tńg去故乡ê人kan-taⁿ会jú来jú chē,chē到「需要koh khah大ê所在」Chiah容纳得下。

第21节,chit节ē-sái讲是对19到20节ê具体回应,mā是以色列人民发出ê疑问。会发生chit种疑问,是因为所看tio̍h ê远大大超过in ē-tàng了解ê现象。因为án-ne,提出三个bē了解ê现象:

第一个现象是人口增加真chē。第二个现象是ná会有人扶养chiah-ê幼儿长大成做少年一代,而且是有非常活力ê一代。第三个现象是过去「孤苦伶仃」,chit-má则看tio̍h下一代出现,无koh是绝望,却是性命出现新ê希望。

第22到23节,chit两节是teh回应第21节ê疑问kah惊kah gāng去。

上帝「向列国示意」,意思是teh指上帝beh向hiah-ê bat买卖á是掳行以色列人民做奴隶ê国家、族群讲话。上帝ài in kā以色列人民ê下一代送还hō͘以色列人民。Chiah-ê国家、族群ná亲像以色列人民ê「养父」á是「奶妈」一般(第23节)。M̄-nā án-ne,因为in知影这是上帝ê命令,而且上帝会赏赐hō͘他ê子民极大荣耀,因为án-ne,chiah-ê族群、国家ê代表lóng会来「跪拜」,iáu会用「舐(chīⁿ)你脚上ê飞尘」,表示回乡后ê以色列人民,teh beh tī众国家、族群chìn前拥有尊严,无koh hō͘人看做是卑贱ê奴隶,大家会尊敬in,这是上帝奇妙ê作为。因为án-ne,tio̍h对上帝有坚定ê信心。

第24节,这是第三个疑问句,m̄-koh却是带肯定ê句型。过去巴比伦帝国ná亲像「勇士」、「征服者」,怎样可能tùi它ê手中「夺行战利品」、「抢救俘掳」?

第25到26节,chit两节是teh回答第24节ê句话。

先知以赛亚讲chit种事teh beh发生,而且是「快发生」,之所以ē-tàng tùi「勇士」á是「征服者」手中抢救俘掳、战利品tńg来,是因为上帝beh kā in看做是「仇敌」,而上帝打击ê方式就是hō͘ in彼此「互相残杀」,án-ne,in就会tùi同齐「压迫」别人,变成彼此伤害。以现代人ê用语来讲,就是「内战」。Chia用「lim家己ê血」来表示。Á这只有tī上帝ê「大能」之下才能成就ê大事。

重新查询 专卷研经 以赛亚书系列
错误回报,请联系