以赛亚书 37章1节 到 37章20节   背景资料  上一笔  下一笔
亚述帝国西拿基立皇帝是tī主前第705年登基,m̄-koh伊登基无久,境内各地就纷纷背叛、闹独立,犹大ê希西家王就是其中之一(参考列王记下十八:7)。为tio̍h án-ne缘故,西拿基立为tio̍h beh展示伊ê权威,就亲自率兵直驱耶路撒冷,沿途攻占真chē犹大城镇。Chiah-ê被攻陷城镇ê人民lóng被西拿基立流放á是贩卖为奴。

为tio̍h beh保护耶路撒冷城免遭仝款ê惨状,希西家王特别差遣使者到靠近耶路撒冷城无远ê 拉吉城kah亚述皇帝西拿基立谈判,为tio̍h án-ne付出了chē kah一万公斤ê银、一千公斤ê黄金(参考列王记下十八:14—16),以及其它真chē珍贵珠宝ê代价,m̄-koh并无满足西拿基立ê心。伊the̍h-tio̍h chiah-ê「军费赔偿金」了后,iáu是继续领兵到耶路撒冷城外扎营,对耶路撒冷城官员、人民造成非常大ê震撼、威胁。希西家王特别派出三位大臣kah亚述大将谈判。M̄-koh in三人出去谈判m̄-nā无成果,反tńg是被chit位亚述大臣侮辱到极点。In只有ē-tàng「悲痛地拆裂衫裤」,表示极大ê哀伤tńg来到城内向希西家王报告。以赛亚书第三十七章就是teh描述当希西家王听tio̍h报告后,感觉无助、m̄知如何是好ê时,上帝ê奴仆先知以赛亚传出上帝ê信息,除了鼓励犹大人民外,mā hō͘ in希西家王极大ê鼓舞,坚定伊对上帝ê信心。

Chit段经文是记载chit三位犹大代表出去kah亚述大将谈判失败后,tńg来报hō͘希西家王,王知影了后反应。Chit段经文mā有一重要ê讯息,就是埃及派兵驰援犹大,亚述帝国只好将军队转向应付埃及ê威胁,不过亚述皇帝西拿基立mā同时警告犹大,m̄-thang认为就án-ne thang高枕无忧,伊iáu是会koh一pái tńg来。希西家王iáu是只有ē-tàng祈求上帝ê庇护。
第1节,希西家王听tio̍h chit三位大使ê报告后,非常悲愤,伊「拆裂衫裤,moa麻衣」来表示心内ê高度哀伤。然后「进入上主ê殿」向上帝哭诉来自亚述大将ê侮辱。这表示希西家王确实ná亲像亚述大将所讲ê,伊确实是óa靠上帝ê保护(参考以赛亚书三十六:15、18)。

第2到4节,希西家王ài chiah-ê大使kah「一kóa资深ê祭司去见亚摩斯ê kiáⁿ以赛亚先知」,这表示希西家王心中犹原以上帝ê话语做中心。因为先知siōng重要ê使命,就是传达上帝ê信息。因为án-ne,chhōe先知,就是想beh知影上帝ê旨意。伊吩咐chiah-ê去见先知以赛亚ê使者,一定tio̍h谈起几件事:

一是chit-má国家面临灾难―亚述大军包围耶路撒冷城,当teh国家存亡ê时刻,所有国民会面临「耻辱kah惩罚」。

二是亚述皇帝差伊ê大将来侮辱上帝。

三是犹大已经chhōe bē-tio̍h脱离灾难ê路径―ná亲像「临盆ê产妇,因身躯虚弱而难产」。

四是请求先知以赛亚为「残存之民」求告上帝。Chia用「残存之民」,意思是亚述帝国已经攻占了犹大四十六座城,只chhun耶路撒冷而已。因为án-ne,chia ê「残存之民」,就是teh指耶路撒冷城ê居民。

第5到7节,先知以赛亚kā希西家王ê臣仆讲上帝已经启示伊,ài in「m̄免因为亚述人讲了侮辱」上帝ê话而惊惶。上帝已经计画好,beh hō͘亚述皇帝「听信谣言,赶tńg去本国,tī本土被刣」,chit件事tī本章第38节应验。

第8到9节,亚述皇帝西拿基立率领大军带离「拉吉,去攻打附近ê立拿城」,为甚么会án-ne?原因是tī第9节提起埃及ê「古实王特哈加领了埃及军队来攻打in」,因为án-ne西拿基立一定tio̍h先转回头北上去应付埃及王「特哈加」派出大军救援犹大ê威胁。M̄-koh后来埃及ê救援军无为耶路撒冷ê危机解围,因为后来西拿基立iáu是iáu-koh率领大军回头来包围耶路撒冷。

第10到13节,这是亚述皇帝西拿基立写hō͘希西家王之信最后通牒ê主要内容。亚述皇帝西拿基立koh一pái kā希西家王讲,伊会koh再tńg来,并且用真强硬ê语气讲无任何一个国家ē-tàng tùi伊决定「毁灭」ê名单中「佳哉免得」。然后伊讲述已经占领ê几个出名ê城镇,包括有:「歌散」、「哈兰」、「利色」、「提拉撒」等,其实亚述帝国已经占领了犹大附近共计chē kah四十六个城市。因为án-ne,伊真狂妄地问希西家王,有toh一kóa神明thang庇护得了伊想beh攻取ê城市?chit种讲法是beh打击希西家王对上帝ê信心,不beh期待耶和华上帝会来救耶路撒冷城。

第14节,希西家王kah第1节所提起ê动作仝款,tī siōng无助kah孤单ê时chūn,chhōe上帝ê帮助。伊kā西拿基立hō͘伊ê信「展开」khǹg tī「上主面前」,表示beh hō͘上帝亲自看tio̍h西拿基立是án-ne teh侮辱他。

第15到20节,这是希西家王向上帝祈祷ê内容。Chit篇简短ê祈祷文,充分显示希西家王对上帝有绝对ê信心。伊ê祈祷内容mā表明伊ê信仰告白,讲上帝是「惟一ê」、「永远活ê上帝」,而且是「创造天地」ê神,然后伊讲亚述皇帝西拿基立「侮辱」了上帝ê神圣,而且kā真chē国家「夷为平地」,残害了真chē人民ê性命,因为án-ne,伊恳求上帝来拯救。

重新查询 专卷研经 以赛亚书系列
错误回报,请联系