以斯拉记 4章11节 到 4章24节   背景资料  上一笔  下一笔
这是顶面所讲chiah-ê反对犹太人重建圣殿ê所在人物所写hō͘波斯皇帝ê奏本内容,以及皇帝答覆in申诉ê内容。

第11到12节,开始就说明in是khiā起tī「河西省ê居民」beh上书皇帝。Chia ê「河西省」,指ê是巴勒斯坦、亚兰、腓尼基等地。Mā就是幼发拉底河以外地区lóng thang kā它称做「河西省」ê范围。In讲ná耶路撒冷ê犹太人当teh兴建看起来非常可恶ê「城」,而且就teh要完工à。这mā就是头前提起ê,in控诉ê并m̄是圣殿,却是针对耶路撒冷城ê围墙。

第13到14节,in控告ê主要理由,认为犹太人若是kā耶路撒冷城围墙造好,就会拒绝缴税,án-ne会影响tio̍h国库ê收入。In自认是公务员,有义务检举chiah-ê不法ê行为。Thang tùi chia看tio̍h以色列人重建耶路撒冷城墙ê事件,hō͘ in看做是图谋独立,想背叛ê举动。

第15到16节,in认为过去tòa tī耶路撒冷城ê居民lóng是真叛逆ê,真oh管辖。这mā是为甚么顶pái入侵者会kā hit-ê城拆毁。In相信若是随在chit-ê城ê居民kā hit-ê城重建起来,就真oh控制à。意思是teh指趁chit-má in iáu未完成,赶紧阻止chit项工程ê进行。Tio̍h注意ê,in是上奏文提醒皇帝,ài伊查阅过去先王ê记录,却m̄是去实地调查。

第17到23节,chit段经文是亚达薛西皇帝ê回覆讲in所上呈ê奏本已经有翻译hō͘伊知影à。伊mā下令调查,m̄-koh chit种调查却是根据in上奏ê查阅先王记录,却m̄是去实地调查。Teh过去记录上lóng有记载hit-ê城ê人,自古以来就反叛王权,而且「充满造反kah捣乱ê人」。M̄-koh伊却mā承认先王bat统治过,而且徵收过各种税捐,这表示in ê奏文中提起可能抽bē-tio̍h税,会影响tio̍h国库收入ê收法并无真实chiah-tio̍h。M̄-koh亚达薛西皇帝却iáu是下令tio̍h阻止hit-ê城ê重建,直到伊下令thang重建ê时chiah thang koh再继续。

注意第23节特别提醒是由亚达薛西皇帝下命令,beh「用武力逼kah犹太人停工」。尼希米书第一章3节讲:「Hiah-ê 受掠ê tńg 来所chhun 落来留teh ê 人,tī 省内tú-tio̍h大患难,受凌辱,而且耶路撒冷ê 城墙受拆毁,城门 hō͘ 火烧烧去。(全民版)」可见是因为有士兵军队(武力ê意思)参与chit-ê tāi-chì,单是暴民无可能án-ne顺利达成,因为犹太人必定会全力维护。

第24节应该是衔接第5节后面chiah-tio̍h。头前已经有提过,chit项重建圣殿工程被阻止了长到十六年时间。



重新查询 专卷研经 以斯拉记系列
错误回报,请联系