以弗所书 4章1节 到 4章16节   背景资料  上一笔  下一笔
Tī chit段经文中,使徒保罗开始讲tio̍h有关信仰kah实际生活ê关系,这mā是使徒保罗写书信ê特色之一,伊lóng是先谈些信仰理念ê问题,先kā信仰观念厘清,然后koh再论到怎样tī生活中活出信仰内涵。

使徒保罗会án-ne要求信徒tī教会生活上有美好ê见证,主要是认为:如果教会是teh见证koh活ê耶稣,是用耶稣做存在ê基石,是beh宣扬耶稣tī十字架上拯救ê疼,án-ne,信徒就应该负起见证ê使命。M̄-koh,chit-ê见证koh活ê信仰使命绝对m̄-nā是用讲ê,mā m̄是用想ê,koh khah无应停止teh空谈,却是一定tio̍h确确实实在信仰生活中见证出来。因为án-ne,伊写phoe hō͘罗马、哥林多、加拉太、腓立比等教会ê书信中,lóng会用一kóa篇幅谈论有关基督徒信仰生活ê准则,这mā是伊ê书信siōng可爱ê所在,因为án-ne thang帮助信徒明明确知影,身为耶稣ê信徒应该有ê教会生活态度是甚么。

Teh谈论信徒ê教会生活规律chìn前,使徒保罗先讲tio̍h有关教会ê根本问题,就是所有ê信徒一定tio̍h tī耶稣内面有合一ê认bat。Ài有合一ê信仰,一定tio̍h有正确ê信仰认知,若无,必定会造成分裂。Chit种正确信仰ê基础,就是耶稣做中心,大家lóng向伊学习,thang hō͘信仰生活达tio̍h像基督hit种完美ê境界。

第1到3节,使徒保罗koh一pái提起家己是因为「事奉主而成做囚徒」。M̄-koh tī第三章13节,伊bat表示过,ē-tàng为福音ê缘故受难,这是一件荣耀ê事。然后,使徒保罗kā以弗所教会ê信徒讲,一定tio̍h tī信仰上符合上帝对in ê呼召。伊认为上帝呼召一个人来认bat他tī耶稣ê救恩,就是为tio̍h hō͘ koh khah chē人知影这救恩ê福音,进一步koh接受福音。伊一再强调ê:一个人得救,并m̄是靠行为,却是靠信心。M̄-koh,信心一定tio̍h用生活见证出来。Tī chia使徒保罗提起身为基督徒,应该有ê五项基本教会生活态度:一、谦逊。这是基督徒信仰生活真重要ê一门功课,因为「谦逊」是teh说明人知影家己是一个罪人,无完美。二、温柔。希腊文「温柔」ê意思,是teh指对家己应该负ê责任,会恬恬接受,而且心甘情愿ê态度。另外一方面,温柔,mā是teh指会控制家己ê性情,bē滥情,koh khah bē任意制造事端。三、忍耐。是teh指一个人thang报仇á是有能力报仇,m̄-koh,伊却无愿意án-ne做。四、用疼心互相宽容。这除了会帮助人知影家己ê软弱,mā学习容忍别人ê缺陷,并且会以khah宽阔ê心看待别人。五、以和平彼此联系。「和平」ê另外一个意义mā thang讲是合一。因为大家lóng是用耶稣基督做教会ê基石。

第4到6节,chia使徒保罗用「七」个重要ê观念谈「合一」ê内容:1.独独一个身躯。Chia ê「身躯」是teh指教会。2.独独一个圣神。圣神,是上帝ê气力。上帝既然是一位,bē有另外一位圣神出现tī咱中间。3.仝一个ǹg望。基督徒性命siōng大ê ǹg望就是得救。4.独独一位主。非常清楚,「主」是teh指耶稣讲ê。5.一个信仰,这是teh指相信耶稣就是性命ê基督(救主)。6.一个洗礼。早期ê教会为tio̍h beh hō͘ chiah-ê外邦人有一个公开宣认信仰ê机会,就透过洗礼做信仰公开告白ê方式。7.独独一位上帝。对犹太人来讲,chit种信仰观念是非常清楚ê,m̄-koh,对外邦人来讲往往是真困难ê,因为外邦人过去ê信仰通常是多神论ê。使徒保罗ài信徒清楚认bat:只有一位上帝,就是天父,万物ê创造者。

第7到8节,使徒保罗讲每一个人lóng领受上帝赏赐ê特别恩赐。换句话讲,「合一」并m̄是teh走chhōe仝款性,mā m̄是teh走chhōe「一元化」,颠倒,使徒保罗hō͘咱知影「合一」是tī「多样性」ê中间chhōe-tio̍h共同ê焦点。Chit点是非常重要ê,ná亲像身躯有各种无仝器官,分担无仝ê功能仝款。

第8节是引用自诗篇第六十八篇18节ê诗歌,诗人teh说明上帝如仝一个位战胜ê指挥官一般,进入占领ê城镇接受民众ê进贡。M̄-koh使徒保罗引用chit句诗有意表明:耶稣ná亲像一位战胜ê指挥官,m̄-koh,伊并m̄是接受人民ê「进贡」,却是kā恩典赐福hō͘人。这恩典乃是hō͘人kā罪所带来ê惩罚消除掉,并且kā永活ê性命注入人ê性命里。

第9到10节,这是针对第8节作解释ê;说明耶稣是先降生tī土脚,然后因为被钉十字架,死去koh活并升天à。耶稣是tùi天顶降到人间,通过死亡ê道路koh koh活升天,án-ne描述耶稣是非常特别ê,主要目的teh讲述因为耶稣,一切受造物lóng会因为为伊ê救赎看见上帝ê慈爱。

第11到14节,使徒保罗进一步讲tio̍h有关大家领受无仝ê恩典,主要ê目的mā是为tio̍h beh hō͘福音ê事工koh khah广传。Tùi chit段经文看tio̍h早期教会ê组织型态:包括有使徒、先知、传福音、牧师、教师等。Chia讲tio̍h所有chiah-ê无仝恩赐ê人,主要ê目的就是在tī「建立教会—基督ê身躯」。这mā是使徒保罗ê kui个思想中心,就是用基督耶稣做性命siōng koân、最终极ê目标,除了这以外,别无所求。Mā因为kā耶稣khǹg tī siōng中心ê所在,所以无论一个人所得tio̍h ê恩赐是甚么,大家lóng应该kā焦点khǹg tī仝一个处上尽心尽力,chit种信仰chiah会成长,性命chiah会丰富、完整。Chit时,就bē受tio̍h诱惑á是受欺骗而失迷正确ê道路。

第15到16节,是chit段经文ê结论,tī chit两节经文内底,使徒保罗koh一pái强调:耶稣就是教会ê「头」(元首ê意思)。这mā是伊tī第一章22节已经讲过ê。所有ê信徒lóng是朝向chit-ê「头」连结做伙。

另外一方面,既然教会是结连tī基督耶稣内面,ài怎样做chiah ē-tàng真正结连tī耶稣基督内面?使徒保罗用一个非常重要却容易bat ê道理:用疼心讲诚实话。Chit句话是kah hiah-ê「编造巧妙ê诡计」,á是「异端邪讲」相对立ê。如果信仰无诚实ê心,就是表明:心中无上帝。Chit种信仰不属tī用耶稣基督ê血所建立ê信仰团契。


重新查询 专卷研经 以弗所书系列
错误回报,请联系