以弗所书 3章1节 到 3章13节   背景资料  上一笔  下一笔
使徒保罗teh处理以弗所教会信仰问题ê时,第一个是kā家己ê损失pái出来,宁可hō͘家己受tio̍h犹太人ê攻击,家己承担chit种辱骂、排斥。第二是肯定外邦人kah犹太人同齐享受上帝tī基督耶稣内面ê救恩。第三是伊kā耶稣khǹg tī性命ê siōng koân位阶看待。伊一再强调ê是:只有tī koh活ê耶稣内面,人ê性命chiah有ǹg望kah意义thang讲。

Tī chit段经文中,使徒保罗讲tio̍h伊蒙呼召成做耶稣使徒ê奥秘,chit种奥秘m̄是一般人所了解ê。M̄-koh伊beh kā chit奥秘传讲hō͘外邦人,hō͘所有外邦人lóng因为chit奥秘而蒙上帝ê救恩。这奥秘其实就是有关耶稣ê福音,这福音mā同时beh hō͘犹太人。因为án-ne,所有信耶稣ê人lóng ē-tàng因为án-ne而tńg来到上帝面前。

第1到4节,使徒保罗tī chia用一个全新ê名词「囚徒」。伊讲家己是耶稣ê「囚徒」。伊写此书信ê时,真可能是关tī罗马监狱中,伊是为tio̍h beh上诉罗马皇帝,因为án-ne被押解到罗马去,伊本来是ē-tàng得tio̍h无罪释放,ē-sái讲是伊拒绝chit种机会(参考使徒行传廿六:31—32),宁可被押到罗马去,主要目的就是为tio̍h beh tī罗马皇帝面前见证耶稣ê救恩,为tio̍h传福音ê缘故。另外一点,伊会án-ne被犹太人掠,其实就是kah伊到外邦人地区去传福音,都无强调割礼chit件事,而且mā为tio̍h chit件事,犹太人bat组成暗杀团beh刣伊(参考使徒行传廿三:12—13),因为án-ne,伊自称是耶稣ê「囚徒」。Koh讲,古代ê囚犯kah今á日仝款,lóng是无自由ê人。使徒保罗用chit-ê词,mā是teh表示伊是hō͘耶稣「掠」到ê,表示伊并m̄是真正囚犯,却是为tio̍h福音ê缘故,伊看家己ná亲像一个囚犯仝款。

第4到5节,chia使徒保罗真清楚说明一个基本信仰认知:人ē-tàng认bat上帝tī耶稣内面ê救恩,m̄是tùi人ê能力来得tio̍h,却是因为圣神作工ê结果。所以使徒保罗tī chia讲是因为圣神启示使徒kah先知。咱是tùi in传扬上帝ê救恩得tio̍h ê。

第7到10节,tī chit段经文中,thang看tio̍h使徒保罗谦卑ê态度,伊自认是所有信徒中siōng无tap-sap ê人,m̄-koh因为上帝特别ê恩赐,拣选伊当使徒,hō͘伊thang见证福音ê信息hō͘外邦人。Á上帝chit种拣选,其实就是一项特别ê奥秘,beh hō͘一切受造ê对象,lóng知影上帝ê救恩。

第11到13节,使徒保罗讲上帝拯救ê计画,并m̄是chit-má chiah有,却是tùi人类犯罪之初,上帝就已经开始了他拯救ê工作,而chit项拯救计画,就是tī耶稣身上显现出来。因为án-ne,所有信耶稣ê人lóng是hông拯救ê人,lóng thang坦然面对上帝ê审判。因为án-ne,伊kā以弗所教会信徒讲,m̄-thang因为伊被囚禁tī罗马监狱而灰心,因为ē-tàng得tio̍h福音拯救信息,就是一项特殊荣耀。

重新查询 专卷研经 以弗所书系列
错误回报,请联系