使徒行传 16章1节 到 16章10节   背景资料  上一笔  下一笔
Tī chit pái ê传道旅行中,「提摩太」加入了chit pái传道ê行列。使徒保罗一直kā提摩太看作是siōng好ê同工,甚至看伊有ná家己ê gín-á一般(参考腓立比书二:22,提摩太前书一:2,提摩太后书一:2)。

第3到5节,chia特别提起使徒保罗为提摩太行割礼,这kah-ná kah伊过去ê态度真无仝款。因为仝款是希腊人ê提多却无行割礼。Mā允准以án-ne了解:提摩太ê老母是犹太人,犹太人ê cha-bó͘人一向扮演家庭教育ê主要工作,因为án-ne,提摩太必定知影真chē关系犹太人ê风俗、礼节。Á因为伊老母是犹太人,tī外邦人ê眼中,伊被看做是犹太人。M̄-koh因为老父是希腊人,所以tī犹太人看起来,提摩太却是外邦人。Á使徒保罗带tio̍h伊去传道,有真chē时chūn,in是beh到犹太人ê会堂去对犹太人传讲耶稣ê信息。因为án-ne,提摩太若是有受割礼,tī以后对犹太人ê工作上确实会有帮助。因为in努力见证福音,上帝赏赐hō͘ in路过ê教会「人数mā一工比一工chē起来」。

第6到10节,chit段经文tī基督教历史上是一个重要ê转折点。使徒保罗原本beh北上亚细亚地区,m̄-koh kah-ná tú-tio̍h困难soah无法度顺利北上,因为án-ne,in就「se̍h过每西亚,到特罗亚去」。

第9节是真关键ê一节,因为使徒保罗tī hit暗「得tio̍h一个异象」,伊看见一个马其顿人向伊恳求去帮助in。就án-ne,hō͘伊决定beh前往马其顿。Mā因为chit项决定,基督福音ê信息就此传入了欧洲。

重新查询 专卷研经 使徒行传系列
错误回报,请联系