Chit章主要讲述两件事，一是提起所罗门一生中，kah上帝赏赐hō͘伊智慧有关ê事，除了分辨两个妓女ê kiáⁿ以外，koh来就是有远远tī非洲ê示巴女王不辞千里之遥，来像伊请益ê记事。另外一件，就是讲述所罗门ê财富chē到bē-tàng数。M̄-koh若是kui个记事来看，伊虽然真富有，却iáu tī晚年人民课重税，tī伊死后，kiáⁿ罗波安mā m̄听北方人民请求减少税赋ê请愿，导向国家分裂ê结果出现。

Chit段有关示巴女王ê拜访ê记事，mā tī说明所罗门时代ê以色列国，达tio̍h siōng颠峰ê境界，国家ê财富、政治版图等等lóng成做当时左右邻国羡慕ê对象。比较特别ê所在，就是Tī chit段经文中，thang清楚看tio̍h「智慧」kah「财富」是结合做伙ê，这tī古代人ê观念中，此二者是分bē开ê。聪明有智慧者，往往真有财富，此二项mā带来强大ê统御力。

第1到4节，chit段经文开始，就讲远远tī非洲ê示巴女王听tio̍h了所罗门ê智慧，比起当时kui个中东地带任何君王lóng会khah受有份量。真可能因为第八章18节记载ê所罗门船队到俄斐，mā kā所罗门ê名声远播出去。示巴女王因为án-ne慕名而来，同时带怀疑ê心，想beh测试所罗门是m̄是ná亲像传说中ê hit种有智慧。伊带真chē贵重礼物送hō͘所罗门，mā提出真chē问题，所罗门lóng hō͘了伊满意ê回答。免不了ê，所罗门会带领伊参观圣殿kah富丽堂皇ê宫殿等建筑，chiah-ê lóng hō͘示巴女王见识到所罗门ê财富kah智慧。

第5到9节，chit段经文是示巴女王所讲客套礼貌性ê官方话，o-ló所罗门，mā o-ló伊治理之下ê人民是非常幸福ê。示巴女王同时kā伊带来ê礼物送hō͘所罗门，包括有大约「四千公斤ê黄金，真chē香料kah珠宝」等。其中高贵ê香料，是所罗门从来无收过ê。

第10到12节，chit三节讲所罗门kah希兰合作开发ê海运船队，确实是thàn了真chē财富。Á所罗门mā 回报hō͘示巴女王相对ê财宝，因为所罗门比示巴女王koh khah富有，因为án-ne，tńg来赠ê必定比伊送ê koh-khah chē。