历代志下 21章2节 到 21章11节   背景资料  上一笔  下一笔
Chit章记载约沙法ê大kiáⁿ约兰继承王位统治犹大ê事迹。伊做王ê时间是tī主前848到841年,前后共计八年。可惜ê是,伊并无照老父约沙法留落来hō͘伊ê好模样,谨守上帝ê诫命、规章,反tńg是去跟tòe上帝siōng无欢喜ê亚哈王之pháiⁿ模样,结果hō͘ kui个有上帝看顾ê犹大王国,tùi án-ne开始衰败。虽然有上帝ê先知去劝勉伊,m̄-koh伊犹原无愿意听从。虽然用重病打击伊,伊却iáu-koh m̄知悔改。真可惜。

	因为约沙法往生,伊共有七个kiáⁿ,由大kiáⁿ约兰继承王位。M̄-koh约兰并无亲像in老父约沙法hit种敬畏上帝,反tńg是弃sak上帝,去拜偶像神明。上帝因为有应允大卫王,beh hō͘伊ê后代kiáⁿ孙继承王位,这tú好表明上帝是信实ê。M̄-koh上帝hō͘以东、立拿城等,tī约兰统治ê时期,脱离犹大ê统治独立伊去。

	第2到4节,约沙法因为对上帝忠实,因为án-ne得tio̍h上帝特别ê厚爱,赏赐hō͘伊真chē财宝。约沙法kā chiah-ê财宝分hō͘伊ê这七个gín-á,并且派in镇守设防城。这是为tio̍h beh防范外族人入侵ê国防政策,m̄-koh无想tio̍h约兰生惊伊ê兄弟会夺取伊ê王位,竟然kā伊ê六个小弟全部lóng刣死à。M̄-nā án-ne,mā同时杀害真chē以色列ê官员。结果,当非利士人kah阿拉伯人入侵ê时,伊就顿失了其他领袖协助防卫工作,致使约兰厝里ê kiáⁿ、宫里ê妃嫔lóng受掠伊去(第16到17节)。

    第5到7节,chit段经文thang看出约兰ê bó͘,mā就是亚哈ê cha-bó͘-kiáⁿ,对约兰有真正影响,hō͘伊tùi亚哈学习了真chē上帝看做邪恶ê行为,这mā是上帝非常无欢喜约沙法kah亚哈结为姻亲ê关系ê原因。M̄-koh上帝并无因为án-ne hō͘犹大王国改朝换代,因为上帝持守kah大卫所立ê约,就是beh hō͘伊ê后代永远掌权。

	第8到12节,chit段经文真重要,说明约兰因为不听从上帝ê旨意,上帝虽然无hō͘外族人来侵犯,致使国家灭亡。M̄-koh上帝hō͘原本tī in老父亲自治理之下ê以东,原本是属tī犹大国ê附庸(参考撒母耳记下八:13—14),taⁿ上帝是以东人宣告独立,当做惩罚犹大王约兰。虽然约兰bat想beh拦阻以东人叛离,准备出兵惩罚以东人,m̄-koh上帝伸手帮助以东人,hō͘ in thang tī约兰军队ê包围下,会得thang逃脱独立而去。另外一个独立伊去ê是立拿城。上帝用chit种方式当做惩罚约兰背叛上帝ê方式。

重新查询 专卷研经 历代志下系列
错误回报,请联系