亚哈求问先知米该雅有关出兵攻打拉末城ê事。米该雅就讲上帝ê天使故意hō͘亚哈ê御用先知lóng讲出欺骗、不诚实ê话。结果chit群御用假先知ê代表，就是基拿拿 ê kiáⁿ西底家真受气，认为先知米该雅侮辱了伊，phah了先知米该雅一巴掌，而亚哈王则认为米该雅是故意用chit种方式teh挫（chhò）伊ê锐气，因为án-ne下令kā先知米该雅关tī监狱里，等伊phah赢tńg来beh审问先知米该雅。结果tú亲像先知米该雅所预言，亚哈王出战to̍h是死tī战场。

第14到17节，当先知米该雅来到亚哈kah约沙法ê面前，亚哈就问伊是m̄是thang去攻打拉末城。先知米该雅mā故意讲和御用先知仝款ê话。M̄-koh亚哈知影一定m̄是án-ne。因为过去先知米该雅讲ê信息，lóng是会kah伊ê御用先知大无相仝。Taⁿ讲出仝款ê话，倒hō͘伊感觉m̄-tio̍h。因为án-ne，亚哈命令先知米该雅既然奉上帝ê名讲话，就该讲诚实话。因为án-ne，先知米该雅真清楚讲出若是chit pái出兵，必定ē-sái以色列ê军队ná亲像无顾羊人ê羊群仝款，m̄-nā危险，mā会四散去。亚哈一听chit种话，就知影先知米该雅koh讲对伊不吉利ê话。

第18到21节，chit段经文是先知米该雅用譬喻ê方式，讲出天顶开会讨论亚哈beh出兵去攻打拉末城ê事。天使决定用假先知ê话来欺骗亚哈ê御用先知，而且上帝表示欺骗亚哈ê话会成功。

第22到24节，当米该雅讲chit-ê比喻后，就警告亚哈若是chiâⁿ实出兵，一定会「遭遇灾祸」。M̄-koh御用先知ê代表基拿拿 ê kiáⁿ西底家狠(hiông)狠phah了上帝ê先知米该雅一巴掌，认为这是对伊siōng大ê侮辱。西底家会用chiah-ni̍h激动ê方式回应上帝ê先知米该雅，是希望亚哈ē-tàng信任伊。因为若是亚哈听从先知米该雅ê信息，hit-ê西底家kah所有御用先知ê工作lóng会失去，甚至可能会因为国王而遇tio̍h死刑。因为án-ne，伊m̄-nā phah了先知米该雅，mā质疑地上帝无可能离开家己身上。M̄-koh先知米该雅讲上帝ê灵已经无koh kah西底家同在。

第25到27节，亚哈一看见西底家án-ne激烈ê反应，就信任西底家而对先知米该雅感觉愤怒，因为án-ne，下令kā先知米该雅关tī监狱里，并且虐待伊，等伊phah赢tńg来了后chiah处理伊。M̄-koh先知米该雅表示亚哈无可能koh再tńg来。因为伊会战死战场。

第28到29节，就án-ne决定了，南北两国同时出兵去攻打拉末城。可能因为米该雅ê话，hō͘亚哈感觉心内不安。因为án-ne，伊卸掉国王ê王袍，希望án-ne thang闪过叙利亚军队ê注意。M̄-koh却要求约沙法iáu-koh穿插国王ê王袍，其实，这是真有心机ê想法，认为án-ne，约沙法会成做叙利亚军队注目、攻击ê对象。

第30到34节，果然，亚哈原本存心不良，想beh藉chit-ê机会害死约沙法，当tī战场ê时，叙利亚军队lóng会攻击对象khǹg tī tio̍h王袍ê约沙法身上，m̄-koh约沙法知影tī危急ê时chūn，喊叫上帝ê帮助。果然，上帝垂听约沙法ê呼求声音，出手改变了叙利亚军队攻击ê对象，tùi约沙法身上转移离开。M̄-koh却有一位叙利亚小兵随便射箭，就射中了亚哈身上，而且箭头tú好落tī盔甲ê连接缝处，亚哈因为án-ne受了重伤，就án-ne死去。Tú好应验ā先知米该雅ê预言。