历代志下 12章1节 到 12章16节   背景资料  上一笔  下一笔
Chit章描述罗波安统治之下ê犹大。Kui个经文看起来,罗波安对上帝并无够忠实,ê时而遵行上帝ê旨意,ê时而弃sak上帝ê诫命。

第1节,chit节讲出人siōng大ê软弱,就是tī巩固地位,á是事业有成后,bē记得伊ê能力、财富lóng是tùi上帝来ê赏赐,成功后就藐视á是弃sak了上帝,直到tú-tio̍h困境ê时,chiah会koh一pái想起上帝chiah是性命ê主。罗波安就是一个真典型ê例。因为国王弃sak上帝,人民mā就跟tòe弃sak了上帝。

    第2到4节,chit三节讲罗波安治理犹大chiah第五年,就因为弃sak上帝而遇tio̍h上帝ê惩罚。上帝惩罚ê方式ná亲像士师记作者所用ê句话,历代志作者mā是ài用chit种句话――弃sak上帝,形容以色列民族去敬拜偶像神明。上帝对弃sak他ê子民采取ê方式,mā是仝款,以「弃sak」他ê子民作回应。所谓上帝「弃sak」,指ê就是无koh kā它保护、带领,则上帝ê子民就真紧会tú-tio̍h困境。chit-má上帝ê作法是hō͘埃及国王示撒领兵kah附近族群联合来攻打犹大,而且占领了真chē边防城镇,进逼耶路撒冷。

    第5到6节,先知示玛雅,伊mā是当年获上帝ê启示,去阻止罗波安去攻打分裂伊去ê北国以色列ê先知。Chit pái,伊tī得tio̍h上帝启示去对罗波安kah伊ê大臣讲话,清楚kā in讲会tú-tio̍h灾难,就是因为弃sak上帝ê结果。结果罗波安kah伊ê大臣lóng承认家己犯罪,得罪上帝。

	第7到8节,上帝koh一pái透过示玛雅传出信息,讲已经看见罗波安kah伊ê大臣认罪,因为án-ne,上帝只hō͘埃及ê联军搜刮财物,m̄-koh bē伤害in ê性命。上帝iáu koh khah继续观察犹大人民是m̄是愿意顺服上帝。

    第9到12节,果然,埃及联军虽然攻入了耶路撒冷,而且搜刮了圣殿kah王宫内ê财宝,m̄-koh犹大人民并无受tio̍h甚么重大伤害。因为án-ne,罗波安tī埃及联军退出ê时chūn,伊明白只有顺服上帝,谦卑ê认罪,chiah ē-tàng hō͘上帝ê忿怒消失,无koh降灾难,mā hō͘犹大有重新整顿ê机会。

    第13到16节,对照第九章29节ê记载,chia koh加出了「示玛雅史」chit本册。Á「罗波安kah耶罗波安之间不时有战事」,chit句话讲出分裂后ê两国统治者,lóng bē记得示玛雅先知所教导in ê话,m̄-thang phah家己ê同胞。

    罗波安死ê时chūn chiah只有五十八岁而已,伊ê晚年kah in老父所罗门仝款,并无确实地遵行上帝ê旨意,却是去拜偶像神明。伊kā王位交hō͘ kiáⁿ亚比雅。

重新查询 专卷研经 历代志下系列
错误回报,请联系