历代志上 4章24节 到 4章43节   背景资料  上一笔  下一笔
Chit段经文是记载西缅ê后代。Tùi chit段族谱记录mā thang对照创世记第四十六章10节;出埃及记第六章15节;民数记第廿六章12到13节等等。

第24到27节,chit段经文是西缅ê儿孙。特别tio̍h注意ê是第27节,chia讲「西缅支族无亲像犹大支族hiah-ni̍h人丁旺盛」chit句话,其实chit句话说明一个事实,ná亲像头前已经有提起过ê,西缅支族后来被并入了犹大支族中,因为in有真chē kiáⁿ孙lóng是khiā起tī犹大ê土地顶面。

Tī chit段经文中,siōng需要注意ê是第25节ê「少罗」,chia记载kúi-nā世代ê kiáⁿ孙,mā thang看出少罗这宗族可能是西缅支族中siōng强壮ê一个家族。

第28到33节,chit段经文thang参考约书亚记第十五章26到32、42节、第十九章2到9节,以及尼希米记第十一章25到29节等等处经文ê资料,就thang发见犹大支族后来有真chē人lóng进入西缅支族ê区域、村镇khiā起,而犹大支族庞大,无形中就kā西缅支族hō͘弱化到渐渐没落、消失。

第34到43节,chit段经文是关系「宗族族长领袖ê名」。

Tī chit段经文中特别指出chit支族群向西边扩展差不多到à基拉耳(基多)这区域,mā bat tī犹大希西家王时代,扩张到以东地区,并且tī hit-pêng对亚玛力人造成ê伤害。后来tī波斯帝国时代,哈曼chit位宰相就是亚玛力人,试图为祖先ê惨遭屠杀进行仝款ê报复手段(参考以斯帖记第三章)。

重新查询 专卷研经 历代志上系列
错误回报,请联系