历代志上 15章1节 到 15章24节   背景资料  上一笔  下一笔
Tùi chit章直到第十六章7节,lóng是有关搬运约柜进入耶路撒冷城ê记事,第十六章5到36节是歌颂约柜进入耶路撒冷城ê诗歌。

Chit段经文是关系大卫tī建造家己ê宫殿完工了后,mā准备ài kā顶pái搬运无成功ê约柜,koh一pái搬入耶路撒冷ê情形。

第1节,chit节开始就讲大卫已经tī耶路撒冷建造完成家己khiā起ê宫殿。伊tī建造宫殿ê同时,mā搭一座帐棚,准备用来安置约柜。这已经说明伊chit pái beh kā约柜搬运到耶路撒冷,并无准备同时会幕搬运过来,却是搭一座新ê会幕。

第2到10节,chit pái kah顶pái大无相仝ê所在,是伊请利未人来担任chit项工作,免得重蹈顶pái意外ê覆辙。伊除了召集所有ê以色列人民聚集tī耶路撒冷外,mā同时kā利未各宗族ê代表chhōe来,总数共计八百七十人,负责chit pái搬运约柜ê工作。

第11到13节,tī chit段经文中,大卫讲出顶pái运送约柜出问题ê原因,伊承认是家己潜jú了利未人ê职分,chit pái伊知影一定tio̍h尊重利未祭司职责。因为án-ne,伊kā利未各宗族代表chhōe来,hō͘ in知影tio̍h负起运送约柜ê责任。

第14到15节,当大卫kā chit-ê重要ê责任交带利未人ê后,chiah-ê祭司kah利未族ê代表就lóng洁净家己,chit种洁净ê礼仪非常繁复,一定tio̍h先进行献祭ê礼仪(参考出埃及记廿九:1—37),然后tio̍h洗涤家己ê脚手(参考出埃及记三十:17—21)。并且遵照摩西命令有关扛约柜ê规矩,就是kā约柜扛tī肩胛头壳顶,却m̄是亲像顶pái kā约柜khǹg tī车运行。

第16到24节,chit段经文说明搬运约柜进入耶路撒冷ê途中,是有专门ê乐师陪伴,而chit种工作mā是tùi利未人担任,m̄-nā有各种乐器,mā包括真chē声乐家吟唱诗歌。

重新查询 专卷研经 历代志上系列
错误回报,请联系