短短几节经文，讲述挪亚对上帝ê敬虔。

第20节，挪亚表示对上帝救恩ê感谢，就「建造一座祭坛」，用洁净ê动物献祭hō͘上帝，表示感恩。献祭就是敬拜，表示人ê心中有上帝。Bē敬拜ê人，心是远离上帝ê，因为献祭mā是teh表示感恩。知影感恩ê人，chiah会知影谦卑。挪亚深深知影，伊kah全家以及所有ê动物之所以ē-tàng保存性命，乃是因为上帝怜悯ê缘故。伊用献祭表明kah上帝之间有密切ê关系。

第21到22节，上帝知影「人自细汉就心思邪恶」，chit句话表示人ê软弱kah有限。因为án-ne，上帝决定绝对无koh亲像chit-pái仝款，毁灭大地。M̄-nā án-ne，四季ê 替换lóng会照原本创造ê样式，真有秩序流转。