创世记 31章14节 到 31章21节 背景资料 上一笔 下一笔 |
拉结kah利亚两位姊妹听家己ê丈夫雅各讲述了后,mā同意雅各ê讲法,in仝款认为老父贪爱钱财,甚至kā in当做「外人」,m̄是当做cha-bó͘-kiáⁿ。因为án-ne,in支持丈夫雅各脱离老父ê厝ê计画。 第17到18节,雅各利用拉班去剪羊毛ê庆祝季节,偷偷á准备好所有ê家伙,带tio̍h bó͘、kiáⁿ,kah所有ê牲畜、奴仆离开伊寄居长到二十年ê丈人mā是阿舅拉班ê厝。 第19节,chit节真重要,说明拉结kā老父拉班厝里ê一kóa「家族神像」mā偷the̍h去à。Chiah-ê神像其实mā是teh代表守护神。这会引起拉班ê恐慌kah不安。另外一方面,这mā是用来占卜用,偷the̍h chiah-ê神像,就会hō͘拉班无法度测知in逃亡ê方向。 第20到21节,就án-ne雅各带tio̍h家己身上所有ê一切,离开拉班ê厝。 |