使徒行传 3章11节 到 3章26节 背景资料 上一笔 下一笔 |
因为彼得kah约翰行医神迹,tī耶路撒冷圣殿造成真大ê反应kah震撼。彼得就趁 chit-ê机会见证耶稣就是大家所期待ê基督。Chit段见证词主要ê内容teh说明:耶稣乃是上帝tī以色列先祖时代,就已经预定beh来ê基督(弥赛亚)。 整段见证词中siōng重要ê是tī第15节,人kā性命ê主―耶稣刣死了,m̄-koh上帝hō͘他tùi死里koh活。彼得讲伊kah其他使徒就是为tio̍h án-ne事做见证ê人。 第17节,chia所讲ê「无知」,thang对照路加福音第廿三章34节,耶稣tī十字架上所讲ê:「老父,赦免in,因为in m̄知家己teh做甚么。」人m̄知家己teh做甚么,这就是「无知」。 值得注意ê是第22到24节,彼得tùi摩西讲tio̍h「所有传信息ê众先知」,就是teh宣布耶稣是上帝差派来到世间ê基督chit-ê信息。换句话讲,耶稣就是kui本旧约讲述上帝拯救工作ê总结。 彼得ê chit段见证词,真明显ê mā是teh劝大家一定会悔改,转向上帝。Án-ne chiah ē-tàng得tio̍h上帝ê赦免。耶稣就是为tio̍h赦免kah拯救人类来到chit世界上。 |