利未记 21章10节 到 21章15节 背景资料 上一笔 下一笔 |
Chit段经文是特别针对大祭司ê规定,比起一般祭司是beh严格koh khah chē。 第10节chia开始就规定大祭司就算亲人往生,mā bē-tàng随便,仪容一定tio̍h保持和平时仝款。因为「蓬头散发、撕裂衫裤」等等chiah-ê举动lóng teh表示高度哀伤。 第11到12节,chia规定就算家己ê到亲往生mā是仝款,bē-tàng tī圣幕轮值ê时chūn,tńg去奔丧,因为大祭司tī轮值期间是属tī上帝ê。保持圣洁之身,bē-tàng接触tio̍h往生者ê身躯,siōng好ê方式,就是不tńg去。这主要观念teh表明:大祭司m̄是属tī家己,却是属tī上帝。因为伊穿tī身上ê衫裤有分别为圣ê油膏过。 第13到15节,大祭司tī婚姻上一定tio̍h顶真,结婚ê对象一定tio̍h是处女,简单来讲,就是bē-tàng是寡妇、离过婚ê cha-bó͘人、被玷污过ê cha-bó͘人,á是妓女。只有án-ne,chiah bē hō͘家己ê kiáⁿ成做hō͘人闲言闲语ê对象。 |