马太福音 12章33节 到 12章37节 背景资料 上一笔 下一笔 |
耶稣用当时流行ê俗语,清楚地表达出善kah恶之间ê差别,伊指出法利赛人tī信仰上ê基本认知有问题,chiah会án-ne。 第34节thang比较马太福音第三章7节,行洗礼约翰bat称呼hiah-ê想beh接受伊洗礼ê法利赛人kah撒都该人为「毒蛇」。蛇,tī创世记第三章1节被当做是siōng狡猾ê受造物,mā是诱惑人犯罪ê气力。毒蛇,则表示koh khah厉害。 第35节thang对照第33节看。一个人是m̄是善良,thang tùi伊外在ê行为举止看出来。因为外在行为kah内心ê意念相配合。 第36到37节,讲话mā会列入审判ê证据。换句话讲话不诚实,mā等于是害人,甚至会诱惑人弃sak上帝。Tī审判ê日子来临ê时,大家lóng beh向上帝交帐,而且会赤the̍h-the̍h呈现tī上帝面前,无任何thang隐藏ê空间(参考希伯来书四:13)。 |