[ 條列 | 表格 ] 全本聖經 舊約 新約 摩西五經 歷史書 詩歌書 先知書 福音書 保羅書信 其他書信 重新查詢

總共 390 筆資料，目前由第 201 筆開始印
撒上 23:13 大衛kah toe3伊e5人差不多有六百，to̍h tùi基伊拉出發，去in所beh去e5所在。有人ka7掃羅講：「大衛已經tui3基伊拉逃走。」掃羅to̍h無出去。
撒上 23:14

大衛ti7曠野

大衛toa3 ti7荒野e5城堡，tiāⁿ-tiāⁿ ti7 西弗曠野e5山地。掃羅tak8日chhoe7伊，總是，上帝無ka7大衛交ti7伊e5手中。
撒上 23:15 大衛知影掃羅已經出來teh siau3想伊e5性命。Hit時，大衛ti7西弗e5曠野，toa3 ti7樹林內。
撒上 23:16 掃羅e5 kiaN2約拿單出發，去hitê樹林內見大衛，hou7伊靠上帝來堅固。
撒上 23:17 to̍h kā伊講：「M7免驚！我e5老父掃羅e5手chhoe7你be7 tioh8；你ē做以色列王，我ē做你e5二手。Chitê tāichì我e5父掃羅已經知影」
撒上 23:19 西弗人上去基比亞見掃羅，講：「大衛kam2 m7是toa3 ti7阮hia，bih ti7樹林內e5城堡，ti7 Ia5-si7-bun5南peng5 e5 Hap-ki-lah8山？
撒上 23:21 掃羅講：「願上主賜福hou7 lin2，因為lin2可憐我。
撒上 23:24 Into̍h出發，tai7先掃羅去到西弗。大衛kah toe3伊e5人toa3 ti7瑪雲e5曠野，ti7 Ia5-si7-bun5南peng5 e5亞拉巴。
撒上 23:25 掃羅kah toe3伊e5人去chhoe7伊；有人ka7大衛講，伊to̍h落去到石磐，toa3 ti7瑪雲e5曠野。掃羅聽tioh8，to̍h tī瑪雲e5曠野jiok大衛。
撒上 23:26 掃羅行ti7山e5 chit peng5，大衛kah toe3伊e5人行ti7山e5 hit-peng。大衛緊急行，閃避ti7掃羅e5面前，因為掃羅kah toe3伊e5人teh四面圍大衛kah toe3伊e5人，beh掠in。
撒上 23:27 有使者來報掃羅講：「你tioh8趕緊tng2來，因為腓利士人侵犯咱e5境界。」
撒上 23:28 就ánne，掃羅無koh jiok大衛，tng2去抵敵腓利士人。因為ánne，hitê所在e5名叫做Se-lah8-hap-ma2-hi-lo5-kiat（註：希伯來文發音，意思是：「隔離e5石磐」。）。
撒上 24:1

大衛無beh傷害掃羅

掃羅jiok腓利士人tng2來e5時，有人ka7伊講：「你看，大衛toa3 ti7隱基底e5曠野。」
撒上 24:2 掃羅to̍h chhōa tui3以色列中揀選e5兵三千，去chhoe7大衛kah toe3伊e5人，去到「野山羊e5石磐」。
撒上 24:3 來到路邊e5羊椆，ti7 hia有洞，掃羅入去beh大便。大衛kah toe3伊e5人bih ti7洞內khah深e5所在。
撒上 24:4 跟toe3大衛e5人ka7伊講：「上主bat ka7你講：『我beh ka7你e5對敵交ti7你e5手中，照你所看做好e5 ka7伊款待。』你看，hitê日到a3！」大衛to̍h起來，偷偷a2割掃羅外服e5衫a2裾。
撒上 24:5 後來，大衛心內kakī 責備，因為伊割掃羅e5衫a2裾。
撒上 24:7 大衛用chiahê話阻止toe3伊e5人，m7准in起來攻擊掃羅。掃羅起來，tui3洞內出去，照ánne行伊e5路。
撒上 24:8 後來，大衛ma7起來，tui3洞內出去，ti7掃羅e5後面大聲hoah：「我e5主，我e5王。」掃羅oat8頭看，大衛就屈身仆ti7土腳拜。
撒上 24:9 大衛對掃羅講：「你na2 e7聽人e5話，講大衛想beh害你？
撒上 24:16 大衛ka7 chiahê話對掃羅講soah，掃羅講：「我e5 kiaN2大衛，這是你e5聲？」掃羅to̍h出聲啼哭，
撒上 24:22 大衛就ng3掃羅chiùchōa。掃羅to̍h tńg去伊e5厝，大衛kah toe3伊e5人上去城堡。
撒上 25:44 掃羅已經ka7伊e5 chabó͘ kiaN2米甲，to̍h是大衛e5 bou2，hou7 Ka-lim5人拉億e5 kiaN2 PhaN3-the5做bou2。
撒上 26:1

大衛koh再無thâi掃羅

西弗人到基比亞來見掃羅，講：「大衛kam2 m7是kakī bih ti7 Ia5-si7-bun5頭前e5 Hap-ki-lah8山？」
撒上 26:2 掃羅to̍h起來，chhoa7以色列中揀選e5兵三千，落去到西弗e5曠野，beh ti7西弗e5曠野chhoe7大衛。
撒上 26:3 掃羅ti7 Ia5-si7-bun5頭前e5 Hap-ki-lah8山，紮營ti7路裡。大衛toa3 ti7曠野，知影掃羅來曠野beh jiok伊。
撒上 26:4 大衛to̍h差幾na7个偵探，chiah知掃羅真正來。
撒上 26:5 大衛to̍h起來，來到掃羅紮營e5所在，大衛看tioh8掃羅kah伊e5軍長尼珥e5 kiaN2押尼珥睏e5所在，掃羅睏ti7排列車e5內面，人民紮營ti7伊e5四箍圍。
撒上 26:6 大衛對赫人亞希米勒kah洗魯雅e5 kiaN2約押e5兄弟亞比篩講：「啥人beh kah我落去，到營房，到掃羅hia？」亞比篩講：「我kah你落去。」
撒上 26:7 大衛kah亞比篩透暝來到人民hia，看tioh8掃羅倒ti7排列車e5內面teh睏；伊e5鎗ti7頭殼邊，插ti7地裡。押尼珥kah人民睏ti7伊e5四箍圍。
撒上 26:12 大衛tui3掃羅e5頭殼邊ka7伊取鎗kah水瓶，兩人to̍h去，無人看tioh8，無人知，ma7無人醒，是in long2 teh睏，因為上主hou7 in睏重眠。
撒上 26:17 掃羅認得是大衛e5聲，to̍h講：「我e5 kiaN2大衛，這是你e5聲？」大衛講：「王—我e5主，是我e5聲。」
撒上 26:21 掃羅講：「我有罪a3！我e5 kiaN2大衛，你thang tng2來，我無beh koh害你，因為你今a2日看我e5性命做寶貝。你看，我所做e5是真戇，錯誤到極。」
撒上 26:25 掃羅ka7大衛講：「我e5 kiaN2大衛，願你受祝福！你ē做出大e5 tāichì，ma7穩當會khah贏。」大衛to̍h做伊行去。掃羅tng2去伊e5本所在。
撒上 27:1

大衛ti7腓利士

大衛心內想講：ē有一日，我死ti7掃羅e5手，不如走去腓利士e5地。掃羅對我to̍h絕望，無koh ti7以色列e5境內來chhoe7我；ánne我to̍h thang脫離伊e5手。
撒上 27:4 有人ka7掃羅講：「大衛走去迦特。」掃羅to̍h無koh去chhoe7伊。
撒上 28:3

掃羅去問紅姨

Hit時，撒母耳已經死，以色列人民為tioh8伊哀哭，ka7伊埋葬ti7 拉瑪，to̍h是ti7伊e5本城。掃羅bat趕逐鬼附身e5 kah行邪術e5離開伊e5境內。
撒上 28:4 腓利士人聚集，紮營ti7書念；掃羅聚集以色列人民，紮營ti7基利波。
撒上 28:5 掃羅看tioh8腓利士e5軍兵，to̍h真驚，心肝phok8-phok8-chheng2到極。
撒上 28:6 掃羅問上主，上主long2無用眠夢，a2是烏陵，a2是先知來ka7伊應答。
撒上 28:7 掃羅吩咐伊e5奴僕講：「你tioh8 ka7我chhoe7尪姨，hou7我thang去伊hia問伊。」奴僕講：「Ti7 Ian-tol有一个尪姨。」
撒上 28:8 掃羅就改換伊e5容貌，穿別種e5衫，有兩 个人kah伊去，暗時去hitê chabó͘人hia。掃羅講：「請你用附你e5身e5神，ka7我行法術，我所ka7你講e5人，你ka7我牽伊出來。」
撒上 28:9 Cha-bou2人對伊講：「你看，你知掃羅e5所做，伊tui3境內剪除chiahê鬼附身e5，kah行邪術e5。你na2 e7設計beh害死我e5性命？」
撒上 28:10 掃羅ki2上主對她chiùchōa講：「我ki2永遠活e5上主來chiùchōa，你be7因為chitê tāichì受刑罰。」
撒上 28:11 Cha-bou2人講：「我tioh8 ka7你牽啥人起來？」掃羅講：「Ka7我khan撒母耳起來。」
撒上 28:12 Cha-bou2人看tioh8撒母耳，to̍h大聲叫，chabó͘人ka7掃羅講：「你na2 e7騙我，因為你是掃羅。」
撒上 28:13 王對她講：「M7免驚，你看tioh8啥物？」Cha-bou2人ka7掃羅講：「我看tioh8神明tui3地裡起來。」
撒上 28:14 掃羅講：「伊e5形狀an2怎？」她講：「有一个老人起來，身軀moa長衫。」掃羅知是撒母耳，to̍h仆ti7土腳ka7伊拜。
撒上 28:15 撒母耳ka7掃羅講：「你na2 e7 ka7我攪擾，牽我起來？」掃羅講：「我困苦到極；因為腓利士人kah我交戰，上帝ma7離開我，無koh用先知a2是眠夢來應答我，所以，我請你來，thang指示我tioh8 an2怎行。」
撒上 28:20 掃羅忽然身軀倒直直ti7地裡，因為撒母耳e5話，to̍h真驚，致到long2無力，因為伊一日一暝long2無食啥物。
頁次：   1   2   3   4   5  6   7   8 

[ 條列 | 表格 ] 全本聖經 舊約 新約 摩西五經 歷史書 詩歌書 先知書 福音書 保羅書信 其他書信 重新查詢