列王紀下 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
10:1 亞哈ê Kiáⁿ孫Hong5thâi死
亞哈有七十個kiáⁿ tī撒馬利亞。耶戶寫phoe寄去撒馬利亞，hō͘耶斯列hiahê首領、長老kah hiahê扶養亞哈ê眾kiáⁿ ê phoe，
10:2 講：「Lín ê主人hiahê kiáⁿ kah lín tī hia，lín koh有車、馬kah堅固ê城，kah器械，
10:3 chit張phoe到lín hia ê時，to̍h tio̍h tī lín主人hiahê kiáⁿ ê中間，揀一个gâu koh妥當ê，hō͘伊坐in老父ê位，lín mā thang為lín主人ê家交戰。」
10:4 In真驚，做伙講：「你看，兩 个王tī伊ê面前尚且khiā bē tiâu，咱ná khiāē tiâu？」
10:5 管家ê kah城守，以及hiahê長老，kah扶養hiahê kiáⁿ ê，差人去見耶戶，講：「阮是你ê奴僕，見若你所kā阮講ê，阮lóng ē去行，阮無beh設立人做王，你所看做好ê，thang照ánne行。」
10:6 耶戶koh寫phoe hō͘ in講：「Lín若為我，遵thàn我ê話，tio̍h取lín ê主人hiahê kiáⁿ ê頭殼，明á載chit時來耶斯列我chia。」王ê kiáⁿ七十人kah城內尊貴ê人，to̍h是扶養in ê，做伙tòa。
10:7 Phoe一下到，in to̍h掠王ê kiáⁿ七十人，全部thâi死，kā頭殼hē tī筐裡，送到tī耶斯列ê耶戶hia。
10:8 有一个使者來kā伊講：「In帶王hiahê kiáⁿ ê頭殼來。」耶戶講：「Kā in疊做兩堆，hē tī城門口，直到明á早起。」
10:9 隔工早起，耶戶出來，khiā ·leh，kā眾人講：「Lín lóng是公義ê，你看，我背叛我ê主人，thâi死伊；總是，thâi死chiahê群眾ê是啥人？
10:10 Taⁿ thang知上主ê話，to̍h是上主關係亞哈ê家所講ê，無一句phah ka-la̍uh，因為上主託祂ê奴僕以利亞所講ê話，lóng有做成。」
10:11 屬亞哈ê家，tī耶斯列所chhun落來ê人，kah伊ê大臣、親密ê朋友、祭司，耶戶全部kā inthâi死，無留kah半個。
10:12 亞哈謝ê親族Hong5thâi死
耶戶起來，去到撒馬利亞。
10:13 Tī路裡來到牧者剪羊毛ê厝，tú tio̍h偤大王亞哈謝ê兄弟，問in講：「Lín是啥人？」In應講：「阮是亞哈謝ê兄弟，taⁿ beh落去kā王ê kiáⁿ kah王后ê kiáⁿ請安。」
10:14 伊講：「Kā in活活掠起來！」Into̍h kā in活活掠起來，tī剪羊毛ê厝ê坑á邊kā inthâi死，共四十二人，無留kah半個。
10:15 亞哈其他親族Hong5thâi死
耶戶tùi hia去，tú tio̍h利甲ê kiáⁿ約拿達來接伊，耶戶kā伊請安，對伊講：「你ê心正直ǹg我，親像我ê心ǹg你ê心á無？」約拿達應講：「是。」耶戶講：「若是ánne，伸你ê手hō͘我。」伊to̍h伸手hō͘伊，伊to̍h牽伊上車。
10:16 耶戶講：「你kah我做伙去，看我為tio̍h上主ê熱心。」to̍h hō͘伊坐tī伊ê車頂。
10:17 來到撒馬利亞就thâi死見若屬亞哈所chhun tī撒馬利亞ê，全部kā伊滅掉，照上主對以利亞所講ê話。
10:18 拜巴力ê人Hong5thâi死
耶戶招集眾人，kā in講：「亞哈服事巴力iáu是小khóa，耶戶會大大kā伊服事。
10:19 所以，tio̍h召巴力ê眾先知kah所有服事巴力ê，以及伊所有ê祭司來我chia，m̄ thang減一个人，因為我beh獻大ê祭祀hō͘巴力，見若無來ê lóng bē tàng活。」耶戶 ánne行是用詭計，beh全部thâi死拜巴力ê人。
10:20 耶戶講：「Tio̍h為巴力宣布嚴肅會。」Into̍h宣布。
10:21 耶戶差人遍行以色列地，拜巴力ê人lóng chiâu到，無kah一个無來。Into̍h入去巴力ê廟，tī巴力ê廟內，tùi chit pêng到hit-pêng人滿滿。
10:22 耶戶吩咐掌禮服ê人講：「The̍h禮服出來hō͘所有拜巴力ê人穿。」伊to̍htheh8禮服出來hō͘ in。
10:23 耶戶kah利甲ê kiáⁿ約拿達，入去巴力ê廟，kā拜巴力ê人講：「Lín tio̍h查看，tī lín ê中間m̄ thang有服事上主ê人，kantaⁿ拜巴力ê人niā-niā。」
10:24 In入去beh獻祭祀燒祭。耶戶tāi先安置八十人tī外面，講：「我kā chiahê人交tī lín ê手，若有一个人走去，放伊走ê人，伊ê命tio̍h賠命！」
10:25 耶戶獻燒祭了後，to̍h kā護衛兵kah hiahê軍長講：「Lín入去kā inthâi，m̄ thang容允一个人出來！」Into̍h用刀kā inthâi，護衛兵kah軍長hiat身屍出去，to̍h去到巴力廟ê城。
10:26 In kā巴力廟內ê柱像the̍h出來燒。
10:27 In毀壞巴力ê柱像，毀壞巴力ê廟，用它做廁池到今á日。
10:28 Án-ne，耶戶tī以色列中滅亡巴力。
10:29 總是，耶戶無離開尼八ê kiáⁿ耶羅波安ê罪，to̍h是伊所hō͘以色列犯罪ê，to̍h是拜伯特利kah但所有金ê牛á。
10:30 上主kā耶戶講：「因為你行好koh chiâⁿ我所看做好ê，照我ê心意款待亞哈ê家，你ê kiáⁿ孫會坐以色列ê國位經過四代。」
10:31 總是，耶戶無專心遵守來行上主—以色列ê上帝ê律法，無離開耶羅波安ê罪，to̍h是所用來hō͘以色列人犯罪ê。
10:32 耶戶ê死亡
Hit時，上主開始分割以色列國，hō͘她khah細。哈設攻擊以色列ê四箍圍，
10:33 tùi約旦河東pêng基列ê全地，以及迦得人、流便人、瑪拿西人ê地，tùi近亞嫩山谷ê亞羅珥，to̍h是基列kah巴珊。
10:34 耶戶其他ê tāichì，見若伊所行ê kah伊ê能力，kám無lóng記tī以色列chiahê王ê記錄？
10:35 耶戶kah伊ê祖先同睏，in kā伊埋葬tī撒馬利亞。伊ê kiáⁿ約哈斯續接伊做王。
10:36 耶戶tī撒馬利亞做以色列王ê時，歷過二十八年。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。