列王紀下 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
1:1 以利亞kah亞哈謝王
亞哈死了後，摩押背叛以色列。
1:2 亞哈謝tùi撒馬利亞ê樓頂ê欄杆跋落來，致病；to̍h差使者kā in講：「Lín去問以革倫ê神明Ba-al-che-but ，我chitê病會好á-bē？」
1:3 總是，上主ê使者kā提斯比人以利亞講：「你起來，上去接撒馬利亞王ê使者，kā in講：『Lín去問以革倫ê神明Ba-al-che-but ，kám是因為以色列中無上帝？』
1:4 所以，上主ánne講：『你bē tàng koh落去你所上去ê眠床，一定ē死！』」以利亞to̍h去。
1:5 使者tńg來見王，王問in講：「Lín是án怎tńg來？」
1:6 使者應伊講：「有一个人tú tio̍h阮，kā阮講：『你去，lín tńg去見差lín ê王，kā伊講，上主ánne講：你差人去問以革倫ê神明Ba-al-che-but ，kám是因為以色列中無上帝？所以，你bē koh落去你所上去ê眠床，一定ē死！』」
1:7 王問in講：「來tú tio̍h lín，kā lín講chiahê話ê，伊ê形狀啥款？」
1:8 In應講：「伊穿有毛ê衫，腰縖皮帶。」王講：「這是提斯比人以利亞。」
1:9 王to̍h差排長chhōa伊hit五十人去以利亞hia，伊上去伊hia；你看，以利亞坐tī山頂。排長kā伊講：「上帝ê奴僕，王講，你tio̍h落來。」
1:10 以利亞應排長講：「我若是上帝ê奴僕，願火tùi天落來，燒你kah你hit五十人！」to̍h有火tùi天落來燒伊kah伊hit五十人。
1:11 王koh差一个排長，chhōa伊hit五十人，去以利亞hia。伊to̍hka7伊講：「上帝ê奴僕，王講，你tio̍h趕緊落來！」
1:12 以利亞應in講：「我若是上帝ê奴僕，願火tùi天落來，燒你kah你hit五十人！」to̍h有上主ê火tùi天落來，燒伊kah伊hit五十人。
1:13 王koh差第三隊ê排長chhōa伊hit五十人。Hitê第三隊ê排長上去，跪tī以利亞ê面前，懇求伊講：「上帝ê奴僕，求你掠我ê性命kah你chit五十個奴僕ê性命做寶貝！
1:14 你看，已經有火tùi天落來燒死以前兩 个排長kah in ta̍k个五十人；taⁿ求你看我ê性命做寶貝！」
1:15 上主ê使者kā以利亞講：「你kah伊落去，m̄免驚伊。」
1:16 以利亞to̍h起來，kah伊落去見王，kā伊講：「上主ánne講：『你差人去問以革倫ê神明Ba-al-che-but ，kám是因為以色列中無上帝hō͘你問祂ê話？所以，你bē koh落來你所上去ê眠床，一定tio̍h死！』」
1:17 王就死，照以利亞所傳上主ê話。王無kiáⁿ，約蘭續接王位，tī偤大王約沙法ê kiáⁿ約蘭第二年。
1:18 亞哈謝其他ê tāichì，kám無記tī以色列chiahê王ê記錄？
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。