列王紀上 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
21:1 拿伯ê葡萄園
Chiahê tāichì了後，耶斯列人拿伯有葡萄園tī耶斯列，近撒馬利亞王亞哈ê王宮。
21:2 亞哈kā拿伯講：「你kā你ê葡萄園hō͘我，我thang做菜園，因為是近tī我ê王宮；我ē用koh khah好ê園kah你換，á是你若ài銀，我to̍h照價錢hō͘你。」
21:3 拿伯kā亞哈講：「Kā我ê祖先所留ê產業hō͘你，chitê tāichì願上主禁止我。」
21:4 亞哈因為耶斯列人拿伯所講ê話，就鬱卒無歡喜，倒tńg去伊ê厝，因為拿伯bat講：「我m̄ kā我ê祖先業hō͘你。」亞哈to̍h倒tī眠床，面ǹg內面，mā m̄食。
21:5 王后耶洗別來到伊hia，問伊講：「你ê心內憂悶soah m̄食，是啥緣故？」
21:6 伊kā她講：「因為我對耶斯列人拿伯講：『你kā你ê葡萄園hō͘我，我用銀hō͘你，á是你若ài，我to̍h用葡萄園換hō͘你。』伊講：『我ê葡萄園，我m̄ hō͘你。』」
21:7 王后耶洗別kā伊講：「你chit-chūn是teh管理以色列國á m̄是？做你起來食，hō͘你ê心歡喜，我ē kā耶斯列人拿伯ê葡萄園hō͘你。」
21:8 她to̍h用亞哈ê名寫phoe，用王ê印來tǹg，寄hiahê phoe hō͘拿伯ê內城hiahê kah伊tòa做伙ê長老貴族。
21:9 她寫tī phoe裡ánne講：「Lín tio̍h宣布禁食，hō͘拿伯坐tī人民中間ê高位；
21:10 koh設兩 个匪類tī伊ê面前做見證，告伊講：『你譭謗上主kah王！』然後kā伊拖出去，用石頭kā伊tìm死。」
21:11 伊城內ê人，to̍h是tòa tī hitê城ê長老kah貴族，就照耶洗別所寫ê話，to̍h是照伊寄hō͘ in ê phoe所寫ê來行。
21:12 In宣布禁食，hō͘拿伯坐tī人民中間ê高位。
21:13 Hit兩 个匪類入去，坐tī伊ê面前，匪類當人民ê面前做見證告拿伯，講：「拿伯譭謗上主kah王！」Into̍h kā伊拖出城外，用石頭kā伊tìm死。
21:14 然後to̍h差人去kā耶洗別講：「拿伯已經hō͘石頭tìm死à。」
21:15 耶洗別聽tio̍h拿伯hō͘石頭tìm死，to̍h kā亞哈講：「你起來掌管耶斯列人拿伯m̄肯為tio̍h價錢hō͘你ê葡萄園，因為拿伯已經死，無命à。」
21:16 亞哈聽tio̍h拿伯已經死，to̍h起來，落去耶斯列人拿伯ê葡萄園hia，beh來掌管。
21:17 上主ê話臨到提斯比人以利亞，講：
21:18 「你起來，去見tòa tī撒馬利亞ê以色列王亞哈。伊落去拿伯ê葡萄園teh beh掌管，chit-chūn伊tī hia。
21:19 你tio̍h kā伊講：『上主ánne講：你kám有thâi死人koh掌管伊ê產業？』Koh tio̍h kā伊講：『上主ánne講：狗tī啥物所在舐拿伯ê血，狗mā ētī hia舐你ê血，to̍h是你本身ê血。』」
21:20 亞哈kā以利亞講：「我ê對敵，你kám chhōeē tio̍h我？」伊應講：「我chhōe tio̍h你，因為你出賣kakī ，行上主看做pháiⁿ ê tāichì。
21:21 上主講：『我ē降災禍hō͘你，beh kā你全部除滅。見若屬亞哈ê chapo͘丁，無論受拘束ê á是自由ê，lóng tī以色列中kā伊剪除。
21:22 我ē hō͘你ê家親像尼八ê kiáⁿ耶羅波安ê家，koh親像亞希雅ê kiáⁿ巴沙ê家，因為你有悖逆激動我受氣ê tāichì，koh hō͘以色列犯罪。』
21:23 講tio̍h耶洗別，上主mā有講：『狗會食耶洗別tī耶斯列ê外城。
21:24 屬亞哈ê人，死tī城內ê，狗ē kā伊食，死tī田野ê，空中ê鳥ē kā伊食。』」
21:25 (總是，無人親像亞哈，因為伊出賣kakī ，行上主看做pháiⁿ ê tāichì，是tùi伊ê王后耶洗別kā伊使弄ê。
21:26 伊行大可惡ê tāichì，因為伊tòe hiahê偶像，親像上主tī以色列人ê面前所趕出ê亞摩利人ánne。)
21:27 亞哈聽tio̍h chiahê話，to̍h拆裂衫，身軀穿粗麻布，禁食，睏mā倒tī粗麻布，koh勻勻á行。
21:28 上主ê話臨到提斯比人以利亞講：
21:29 「亞哈ná ē tī我ê面前kakī 謙卑，你kám有看tio̍h？因為伊kakī tī我ê面前謙卑，所以，我無beh tī伊活leh ê日降chitê災禍，是beh tī伊ê kiáⁿ ê日，降chitê災禍tī伊ê家。」
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。