列王紀上 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
5:1 所羅門準備起造聖殿
(代下2：1-18)
推羅王希南差伊ê奴僕去見所羅門，因為伊聽tio̍h人用油kā伊抹來續接伊ê老父做王；因為希南平時疼大衛。
5:2 所羅門mā差人去見希南，講：
5:3 「你知我ê老父大衛，因為四箍圍四方ê交戰，bē tàng為上主—伊ê上帝ê名起殿，一直到上主kā對敵hē tī伊ê腳前。
5:4 Taⁿ上主—我ê上帝已經賞賜我四方平安，致使無對敵，無災禍。
5:5 我ê意思是beh為上主—我ê上帝ê名起殿，是照上主應允我ê老父大衛ê話，祂講：『我beh hō͘你ê kiáⁿ續接你，坐你ê位，伊beh為我ê名起殿。』
5:6 所以，請你命令人，tī黎巴嫩kā我剉柏香柴，我ê奴僕ē kah你ê奴僕做伙做，我mā ē照見若你所定tio̍h ê，kā你ê奴僕ê工錢交hō͘你，因為你知，tī阮中間無人親像西頓人hiah gâu剉樹。」
5:7 希南聽tio̍h所羅門ê話，to̍h真歡喜，講：「今á日應該oló上主，因為祂賞賜大衛一个有智慧ê kiáⁿ，來治理chiah chē ê人民。」
5:8 希南差人去見所羅門講：「你差人所對我講ê tāichì，我有聽tio̍h；講tio̍h柏香柴kah松樹ê柴，我ē照你ê心願來做。
5:9 我ê奴僕ē tùi黎巴嫩kā它運落海，我ēká kui排浮tī海裡，到你所kā我指定ê所在，我ētī hia拆開，你thang接收；你用食物hō͘我ê家，成我ê心願。」
5:10 希南to̍h用柏香柴kah松樹ê柴，照伊一切所愛ê hō͘所羅門。
5:11 所羅門hō͘希南二萬歌珥ê小麥，二十歌珥ê清油，做伊厝內ê食物。所羅門ta̍k年照ánne hō͘希南。
5:12 上主照祂所應允ê，賞賜智慧hō͘所羅門。希南kah所羅門ê中間有和平，in兩人做伙立約。
5:13 所羅門王tùi以色列人民ê中間派人工，所派ê人工共三萬。
5:14 伊ta̍k月日輪流派一萬人到黎巴嫩；所以in一月日tī黎巴嫩，兩月日tī厝內。A-to-nî-lâm是負責督工ê。
5:15 所羅門有擔工七萬，有八萬人tī山裡phah石。
5:16 Chiahê以外，所羅門有用督工ê大官三千三百人，in監督hiahê做工ê人。
5:17 王出令，in to̍h運大石kah寶貝ê石，用phah好ê石來hē做厝ê地基。
5:18 所羅門ê師傅kah希南ê師傅，以及Ge-bal人lóng phah石，koh準備柴料kah石，來起聖殿。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。