撒母耳記下 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
15:1 押沙龍圖謀造反
Chit時了後，押沙龍為kakī 準備車馬，koh有五十人行tī伊ê頭前。
15:2 押沙龍早早起來，khiā tī城門ê路邊，若有人來，有案件tio̍h hō͘王判斷ê，押沙龍to̍h叫伊來，問伊講：「你是tó一个城ê人？」伊應講：「奴僕是以色列一个支族ê人。」
15:3 押沙龍kā伊講：「你ê tāichì是好，是有情理，總是，王無交帶人聽你ê話。」
15:4 押沙龍koh講：「可惜無設立我做chitê所在ê審判官！見若有相告tio̍h判斷ê tāichì ê來到我chia，我ē照公義判決。」
15:5 見若有人近óa來kā伊拜，伊to̍h伸手kā伊牽，kā伊chim。
15:6 以色列人ê中間，見若beh去見王求判斷ê，押沙龍lóng ánne kā in款待。Αń-ne，押沙龍偷偷á得tio̍h以色列人ê心。
15:7 過四年了後，押沙龍對王講：「求你准我去希伯崙，還我對上主所下ê願。
15:8 因為奴僕tòa tī亞南ê基述ê時bat hē願，講：『上主若果然hō͘我koh tńg來耶路撒冷，我beh服事上主。』」
15:9 王kā伊講：「你thang平安去。」押沙龍to̍h起來，往希伯崙去。
15:10 押沙龍差偵探行遍以色列ta̍k支族，講：「Lín一下聽tio̍h哨角ê聲，to̍h講：『押沙龍tī希伯崙做王ā！』」
15:11 押沙龍所請hit兩百人kah伊tùi耶路撒冷去，hiahê人lóng是無意中去ê，m̄知hitê tāichì。
15:12 大衛ê謀士亞希多弗是Gi-loh人，當獻祭ê時，押沙龍差人去召伊來，tùi伊ê本城Gi-loh來。就ánne，叛逆ê勢面ná強；因為tòe押沙龍ê人民日日ná chē。
15:13 大衛逃走去耶路撒冷
有人來報大衛講：「以色列人ê心lóng歸向押沙龍à。」
15:14 大衛kā hiahê kah伊tī耶路撒冷ê人臣講：「起來，咱tio̍h逃走，若無，lóng bē tàng閃避押沙龍；咱tio̍h趕緊來去，恐驚伊ē真緊來jiok tio̍h咱，kā咱陷害，用刀thâi死城內ê人。」
15:15 王ê人臣kā王講：「你看，我ê主—我ê王所主意ê，你ê奴僕lóng ē去做。」
15:16 王出去，伊ê家眷lóng tòe伊去，王留十個嬪妃顧厝。
15:17 王出發，眾人lóng tòe伊去，來到Biat-mel-hak就歇睏。
15:18 王ê人臣lóng tī伊ê面前行過去，所有ê Ki-lī-thê人、比利提人kah迦特人，to̍h是tùi迦特tòe伊來ê六百人，mā lóng tī王ê面前行過去。
15:19 王kā迦特人以太講：「你ná ē beh kah阮去？你thang tńg去kah王做伙tòa，你是外邦人，遷徙tī外面，thang tńg去你ê本所在！
15:20 你昨昏chiah來，我今á日kám thang勞煩你kah阮去漂流？我去我所去ê所在，你thang tńg去，chhōa你ê兄弟做伙tńg去！願恩典誠實kah你同在。」
15:21 以太應王講：「我kí永遠活ê上主，kah我ê主—我ê王ê活命來chiùchōa，我ê主—我ê王或活或死，見伊所tī ·leh ê所在，你ê奴僕mā ētī hia。」
15:22 大衛kā以太講：「你去，過去！」迦特人以太kah hiahê tòe伊ê人，kah所有ê gín-a2to̍h lóng過去。
15:23 全地大聲啼哭，眾人lóng過去，王mā過汲淪溪；眾人過去，ǹg曠野teh行。
15:24 撒督kah所有tòe伊ê利未人扛上主ê約櫃來，in kā上主ê櫃hē tī hia。亞比亞他來hia，thèng候眾人tùi城內出來，lóng過去。
15:25 王kā撒督講：「你扛上主ê櫃tńg去城內，我若tī上主ê目chiu 前得tio̍h恩典，祂ēhō͘我tńg來，hō͘我koh看tio̍h祂kah祂tòa ê所在。
15:26 設使祂講：『我無kah意你。』你看，我tī chia，願祂照祂看做好ê來行tī我ê身上！」
15:27 王koh kā祭司撒督講：「你kám m̄是先見？你thang安然tńg去城內；你ê kiáⁿ亞希瑪斯kah亞比亞他ê kiáⁿ約拿單，lín chit兩 个kiáⁿ lóng thang kah你去。
15:28 你看，我tī曠野ê渡口thèng候tùi你hia有消息來，報我知影實情。」
15:29 就ánne，撒督kah亞比亞他扛上主ê櫃tńg去耶路撒冷，in to̍htoa3 tī hia。
15:30 大衛tùi上橄欖山ê路上去，ná行ná哮，罩頭殼thǹg赤腳來行。Tòe伊去ê眾人mā罩頭殼上去，ná行ná哮。
15:31 有人報大衛講：「亞希多弗mā tòe押沙龍tī叛黨ê中間。」大衛講：「上主ah，求祢hō͘亞希多弗ê計謀變做戇tāichì！」
15:32 大衛上到山頂，敬拜上主ê所在，看tio̍h亞基人戶篩，衫拆裂，頭殼sám塵埃，來kā伊迎接。
15:33 大衛kā伊講：「你若kah我去，會拖累我；
15:34 你若tńg去城內，kā押沙龍講：『王，我beh做你ê奴僕；我以前做你ê父ê奴僕，taⁿ我mā beh ánne做你ê奴僕。』你to̍h thang為我破壞亞希多弗ê計謀。
15:35 祭司撒督kah亞比亞他kám無kah你tī hia？你tùi王宮內所聽tio̍h ê，to̍h tio̍h kā祭司撒督kah亞比亞他講。
15:36 撒督ê kiáⁿ亞希瑪斯kah亞比亞他ê kiáⁿ約拿單，chit兩 个kiáⁿ mā kah in tī hia。見若lín所聽tio̍h ê，thang交託in來報我知。」
15:37 就ánne，大衛ê朋友戶篩入城；押沙龍mā入耶路撒冷。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。