創世記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
27:1 以撒祝福雅各
以撒年老，目chiu 花看bē tio̍h，to̍h叫伊ê大kiáⁿ以掃來，kā伊講：「我ê kiáⁿ。」以掃應講：「我tī chia。」
27:2 以撒講：「我taⁿ老ā，m̄知tó一日ē死。
27:3 Taⁿ gia̍h你ê ke-si，to̍h是箭袋kah弓，去山裡，為我phah獵。
27:4 照我所kah意ê，煮hō͘它有好滋味，phâng來hō͘我食，hō͘我tī未死chìn前，kā你祝福。」
27:5 以撒kā伊ê kiáⁿ以掃講話ê時，利百加聽tio̍h。以掃去山裡beh phah獵，thang帶野味tńg來。
27:6 利百加to̍h對她ê kiáⁿ雅各講：「你看，我聽tio̍h lín老父kā你ê阿兄以掃講：
27:7 『你kā野獸帶來，kā牠煮好滋味，hō͘我食。我beh tī未死chìn前，tī上主ê面前kā你祝福。』
27:8 Taⁿ我ê kiáⁿ，你tio̍h聽我ê話，照我所吩咐你ê去做。
27:9 你去羊群hia，kā我掠兩隻肥ê山羊á來，我beh照你ê老父所kah意ê，kā牠煮好食。
27:10 你phâng去lín老父hia，hō͘伊食，hō͘伊tī未死chìn前kā你祝福。」
27:11 雅各對伊ê老母利百加講：「M̄ koh，我ê阿兄以掃身軀有毛，我ê是光滑。
27:12 設使我ê老父摸tio̍h我，ē kā我看做是欺騙人ê，我to̍h ē惹來咒詛，bē得tio̍h祝福。」
27:13 伊ê老母講：「我ê kiáⁿ，你惹來ê咒詛歸tī我。做你聽我ê話，去掠山羊á來hō͘我。」
27:14 雅各to̍h去掠山羊á來hō͘伊ê老母，老母就照老父所kah意ê，煮好滋味ê食物。
27:15 利百加koh hiaⁿh大kiáⁿ以掃收tī伊厝內ê súi衫，hō͘她ê細漢kiáⁿ雅各穿，
27:16 用山羊á皮包雅各ê手kah伊頷頸光滑ê所在，
27:17 koh kā她所煮好ê食物kah餅，hē tī她ê kiáⁿ雅各ê手。
27:18 雅各來到in老父hia，講：「我ê阿爸。」伊講：「我tī chia。我ê kiáⁿ，你是啥人？」
27:19 雅各對伊ê老父講：「我是你ê大kiáⁿ以掃，我已經照你所吩咐我ê去做。請你起來坐，食我所phah tio̍h ê，好thang kā我祝福。」
27:20 以撒對伊ê kiáⁿ講：「我ê kiáⁿ，你án怎chiah緊to̍h phah tio̍h？」伊講：「因為你ê上帝—上主hō͘我有遭遇chiah來得tio̍h。」好
27:21 以撒kā雅各講：「我ê kiáⁿ，你óa來我chia，我beh摸你，看你真正是我ê kiáⁿ以掃，á m̄是。」
27:22 雅各to̍h óa近伊ê老父以撒，伊to̍h摸雅各，講：「聲是雅各ê聲，手是以掃ê手。」
27:23 以撒分別bē明，因為伊ê手有毛，親像伊ê阿兄以掃ê手，to̍h kā伊祝福。
27:24 伊koh講：「你kám真正是我ê kiáⁿ以掃？」伊講：「我是。」
27:25 以撒講：「phâng來hō͘我，我beh食我ê kiáⁿ所得tio̍h ê野味，thang好kā你祝福。」雅各就phânghou7伊，伊to̍h食，ma7phâng酒hō͘伊，伊to̍hlim。
27:26 伊ê老父以撒對伊講：「我ê kiáⁿ，進前來chim我。」
27:27 伊to̍h進前，chim伊ê老父；伊ê老父鼻tio̍h伊ê衫ê芳味，to̍h kā伊祝福講：我ê kiáⁿ ê芳味，親像上主賜福ê田ê芳味。
27:28 願上帝賞賜hō͘你天頂ê甘露，世上ê肥地，五穀kah新ê酒真chē。
27:29 眾人服事你， 列國跪拜你， 你做你兄弟ê主， 你ê老母ê kiáⁿ kā你跪拜； 咒詛你ê受咒詛， 祝福你ê得tio̍h福氣。
27:30 以掃求以撒祝福
以撒kā雅各祝福了後，當雅各tútú tùi伊ê老父以撒hia出來ê時，伊ê阿兄以掃phah獵tńg來。
27:31 伊mā煮好滋味ê食物，phâng來hō͘伊ê老父，講：「我ê阿爸，請起來食kiáⁿ所phah tio̍h ê，thang好kā我祝福。」
27:32 伊ê老父以撒kā伊講：「你是啥人？」以掃講：「我是你ê kiáⁿ，to̍h是你ê大kiáⁿ以掃。」
27:33 以撒大驚，phi̍h-phi̍h chhoah，講：「He是啥人？你iáu未來ê chìn前，phâng伊所phah tio̍h ê來hō͘我。我食了，koh kā伊祝福，伊一定beh得tio̍h福氣。」
27:34 以掃聽tio̍h老父ê話，開聲叫苦大哭，對伊ê老父講：「我ê阿爸，我，你mā tio̍h kā我祝福。」
27:35 以撒講：「你ê小弟用詭計，來搶你ê福份。」
27:36 以掃講：「伊ê名叫做雅各，kám無真合？伊欺騙我兩pái。前搶我大kiáⁿ ê名分，你看，taⁿ伊koh搶我ê福份。」伊koh講：「你Kám無留一份祝福hō͘我？」
27:37 以撒應以掃講：「我已經立伊做你ê主，mā kā伊ê眾兄弟hō͘伊做奴僕，mā用五穀新酒kā伊養飼。我ê kiáⁿ，taⁿ我iáu ē tàng kā你做啥物？」
27:38 以掃kā伊ê老父講：「阿爸，你ê祝福kám只有一pái？我ê阿爸，我，你mā tio̍h kā我祝福。」
27:39 以掃出聲啼哭。伊ê老父以撒應伊講：「你所tòa ê所在bē有世上ê肥地，mā無天頂ê甘露。
27:40 你tio̍h óa靠刀劍生活，koh tio̍h服事你ê小弟；到你奮興ê時，chiah ētùi你ê頷頸脫開伊ê枷擔。」
27:41 以掃因為伊ê老父kā雅各祝福，就怨恨雅各。心內想講：「為老父辦喪事ê時近là，到hit時，我behthâi死我ê小弟雅各。」
27:42 有人kā伊ê大kiáⁿ以掃ê話kā利百加講，她to̍h差人去叫她ê細漢kiáⁿ雅各來，kā伊講：「你ê阿兄以掃behthâi你，來消伊ê怨恨。
27:43 Taⁿ我ê kiáⁿ，你tio̍h聽我ê話。起來，走去哈蘭，我ê阿兄拉班hia，
27:44 kah伊tòa幾日，thèng候你ê阿兄受氣消去。
27:45 到你ê阿兄受氣soah，bē記得你對伊所做ê tāichì，hit時我to̍h差人chhōa你tùi hia tńg來。我ná ē一日內同時失去lín兩人？」
27:46 利百加kā以撒講：「我因為chiahê赫人ê chabó͘ kiáⁿ，連性命都無ài。設使雅各mā娶chit所在ê chabó͘ kiáⁿ做bó͘，親像赫人ê chabó͘ kiáⁿ hit款，ánne，我活leh有啥物路用？」
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。