撒母耳記上 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
9:1 掃羅Tú tio̍h撒母耳
有一个便雅憫人，名叫做基士，是便雅憫人A-húi-a ê玄孫，Pí-ko-la̍h ê干á孫，Sián-lô ê孫，A-mí-el ê kiáⁿ，是一个有大氣力ê勇士。
9:2 伊有一个kiáⁿ，名叫做掃羅，勇壯koh好看頭，tī以色列中無一个人ē比得伊ê好看頭；身軀比群眾khah koân一粒頭殼。
9:3 掃羅ê老父基士phah-m̄見幾nā隻驢母，基士kā伊ê kiáⁿ掃羅講：「你chhōa一个奴僕出發去chhōe驢母。」
9:4 伊to̍h經過以法連山地kah Sa-lī-sa ê地，lóng chhōe無；koh經過Sa-lîm ê地，mā無tī hia；koh經過便雅憫ê地，mā chhōe無。
9:5 到So͘-hut ê地，掃羅kā跟tòe伊ê奴僕講：「來，咱tńg來去，恐驚我ê老父無操煩驢á，顛倒來煩惱咱。」
9:6 奴僕講：「你看，chitê城裡有一个上帝ê奴僕，是人所尊重ê，見若伊所講ê lóng一定應驗。咱不如去伊hia，kiámchhái伊ē指示咱所tio̍h行ê路。」
9:7 掃羅kā奴僕講：「咱若去，有啥物thang送hitê人？因為咱袋á內ê食物lóng食了à，mā無禮物thang送hitê上帝ê奴僕，咱身邊iáu有啥物物無？」
9:8 奴僕koh應掃羅講：「我手裡有銀一舍客勒ê四分之一，我kā chitê來送hitê上帝ê奴僕，請伊指示咱所tio̍h行ê路。」
9:9 早前以色列中，若有人去問上帝，to̍h講：「咱來去見先見！（因為現今稱「先知」，以前稱「先見」。)
9:10 掃羅kā奴僕講：「你所講ê話真好，來，咱來去！」Into̍h去上帝ê奴僕所tòa ê城。
9:11 In上山坪beh入去城內ê時，tú tio̍h幾nā个少年ê chabó͘ gín-á出來chhiūⁿ水，問in講：「先見有tī chia無？」
9:12 Cha-bó͘ gín-á應講：「是à，tī chia。你看，伊tī你ê頭前。趕緊去！伊今á日tú-á到城，因為今á日人民tī山頭壇獻祭。
9:13 Tī伊iáu未上去山頭壇beh食桌ê chìn前，lín一下入城to̍h ētú tio̍h伊；因為伊若iáu未到，人民無tāi先食，一定thèng候伊來先祝福祭物，然後所請ê人客chiah食。Taⁿ lín緊去，chit時會tú tio̍h伊。」
9:14 兩人to̍h chiūⁿ城；入城了後，撒母耳出來，beh上koân ê所在，就tú tio̍h in。
9:15 掃羅iáu未到ê前一日，上主已經啟示撒母耳，講：
9:16 「明á載chit時，我ē差一个人tùi便雅憫地來到你chia，你tio̍h kā伊抹油做我ê子民—以色列人ê頭。伊ē救我ê子民脫離腓利士人ê手；因為我ê子民哀求ê聲有透到我chia，我beh看顧in。」
9:17 撒母耳看tio̍h掃羅ê時，上主kā伊講：「你看，chitê人to̍h是我所kā你講ê，伊beh來管理我ê子民。」
9:18 掃羅tī城門裡óa近撒母耳，講：「請kā我講，先見ê厝tī tó位？」
9:19 撒母耳應掃羅講：「我to̍h是先見，你tī我ê頭前上去koân ê所在，因為lín今á日beh kah我做伙食；明á早起我beh hō͘你去，你心內ê tāichì lóng ē kā你講。
9:20 你三日前phah-m̄見hiahê驢母，你m̄免掛意，已經chhōe ·tio̍h à。以色列人民所欣慕ê會歸啥人？Kám m̄是會歸你kah你ê老父ê家？」
9:21 掃羅應講：「我kám m̄是便雅憫人，以色列支族中極小khóa ê？便雅憫支族chiahê家ê中間，我ê家kám m̄是極微細？祢ná ē對我講chit款話？」
9:22 撒母耳chhōa掃羅kah跟tòe伊ê人入去客廳，hō͘ in tī所請ê人ê中間坐大位；所請ê差不多有三十人。
9:23 撒母耳kā廚房講：「我所交帶你tio̍h收leh hit份，taⁿ thangphâng出來。」
9:24 廚房就phânghit塊收起來khǹg ê腿肉，hē tī掃羅ê面前。撒母耳講：「你看，chitê所留beh hō͘你食ê，你tio̍h the̍h起來食。因為我請人民ê時，thiâu工kā你留teh到定tio̍h ê日。」Hit日，掃羅to̍h kah撒母耳做伙食。
9:25 In tùi koân ê所在落來入去城內，撒母耳kah掃羅tī厝頂講話。
9:26 撒母耳kā掃羅抹油設立伊做王
In早早起來，phah-phú光ê時，撒母耳tī厝頂叫掃羅，講：「起來，我beh送你tńg去。」掃羅to̍h起來，伊kah撒母耳兩人出去外面。
9:27 In落去到城ê角頭，撒母耳kā掃羅講：「Tio̍h吩咐奴僕tāi先咱去。」（奴僕to̍h去），koh講：「你且khiā ·leh，我beh hō͘你聽上帝ê話。」
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。