路得記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
1:1 以利米勒全家搬去摩押
當士師辦政事ê時，hitê地tú tio̍h飢荒。Tī偤大伯利恆有一个人，伊kah伊ê bó͘ chhōa兩 个kiáⁿ出外去摩押地。
1:2 Hitê人名叫做以利米勒，伊ê bó͘名叫做拿俄米，伊兩 个kiáⁿ ê名叫Má-lûn、Ki-liân，in lóng是偤大伯利恆ê E-hoah-tha人。In來到摩押地，to̍h tī hia tòa。
1:3 後來，拿俄米ê丈夫以利米勒死，放她kah她兩 个kiáⁿ。
1:4 兩 个kiáⁿ娶摩押ê chabó͘ kiáⁿ做bó͘，一个名叫做O͘l-pah，一个名叫做路得，in tòa tī hia差不多有十年。
1:5 Má-lûn kah Ki-liân兩人mā死，chhun hitê chabó͘人無丈夫，mā無kiáⁿ。
1:6 她kah兩 个新婦起來，beh tùi摩押地tńg去，因為她tī摩押地聽tio̍h上主照顧祂ê子民，賞賜hō͘ in米糧。
1:7 她to̍h tùi她tòa ê所在出發，兩 个新婦kah她做伙去；in行路beh tńg去偤大地。
1:8 拿俄米kah路得Tńg去伯利恆
拿俄米kā兩 个新婦講：「Lín去，ta̍k个tńg去lín老母ê厝，願上主好好kā lín款待，親像lín款待已經死ê人kah我相siâng！
1:9 願上主賞賜hō͘ lín ta̍k人tī lín丈夫ê家得tio̍h平安！」然後，她to̍h kah in chim嘴，in to̍h出聲啼哭，kā她講：
1:10 「M̄-lah，阮beh kah你做伙tńg去你ê人民hia。」
1:11 拿俄米講：「我ê chabó͘ kiáⁿ，lín tńg去！Lín ná ē beh kah我去？我kám iáu會懷胎生kiáⁿ來做lín ê丈夫？
1:12 我ê chabó͘ kiáⁿ，lín tńg去。去lah！我已經年老，bē tàng koh有丈夫；我若講，我iáu有ǹg望，我今暝若有丈夫mā ē生kiáⁿ，
1:13 lín kám ēthèng候in大漢？Lín kám ēkakī 守寡，無嫁人？我ê chabó͘ kiáⁿ，m̄ thang ánne。我為tio̍h lín非常憂苦，因為上主伸手kā我攻擊。」
1:14 In koh出聲哭，O͘l-pah kah ta-ke chim嘴，獨獨路得kah她放bē離。
1:15 拿俄米講：「你看，你ê同姒á已經tńg去她ê人民，她ê神明hia，你mā tio̍h tòe你ê同姒á tńg去！」
1:16 路得講：「M̄-thang勸我離開你，tńg去無tòe你，因為你去hia，我mā beh去hia；你歇tī hia，我mā beh歇tī hia；你ê同胞beh做我ê同胞，你ê上帝mā beh做我ê上帝。
1:17 你死tī hia，我mā死tī hia，埋葬tī hia。除了死去以外，若有啥物hō͘你我相離，願上主加倍kā我責罰。」
1:18 Ta-ke看tio̍h她決意beh kah她去，to̍h無koh對她講啥物。
1:19 就ánne，兩人做伙行，來到伯利恆。In到伯利恆ê時，全城lóng為tio̍h in興奮起來；hiahê chabó͘人講：「這kám是拿俄米？」
1:20 她應講：「M̄-thang叫我拿俄米，tio̍h叫我瑪拉（註：「拿俄米」....「瑪拉」，希伯來文ê意思是「快樂」....「痛苦」。），因為全能ê款待我，hō͘我真艱苦。
1:21 我出去ê時滿足，上主hō͘我空空tńg來。上主已經拖磨我，全能ê已經hō͘我痛苦，lín ná ē koh叫我拿俄米？」
1:22 所以，拿俄米tńg來，她ê新婦摩押ê chabó͘ kiáⁿ路得，tùi摩押地tńg來ê，mā kah她來；in tńg來到伯利恆ê時，tú-á是開始beh收割大麥ê時。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。