士師記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
12:1 耶弗他kah以法連人
以法連人聚集到北方，對耶弗他講：「你過去kah亞捫人交戰，án怎無叫阮kah你去？阮beh用火燒你kah你ê厝。」
12:2 耶弗他對in講：「我kah我ê人民kah亞捫人大計較，我招lín來，lín竟然無救我脫離in ê手。
12:3 我看tio̍h lín無來救我，我to̍h拚命進前去攻擊亞捫人，上主kā in交tī我ê手中，lín今á日ná ē來我chia beh kah我交戰？
12:4 耶弗他to̍h聚集基列ê群眾，去kah以法連人交戰。基列人phah死以法連人，因為in講：「Lín基列人tī以法連kah瑪拿西ê中間，只不過是以法連逃走ê人。」
12:5 基列人tī以法連人ê頭前把守約旦河ê渡口，以法連逃走ê人若講：「請hō͘阮過去。」基列人to̍h問伊講：「你是以法連人á m̄是？」
12:6 伊若講：「M̄是。」to̍h kā伊講：「你講 "Sī-pò͘-lia̍t"。」伊講做 "Se-pò͘-lia̍t"，因為in ê音講bē正，in to̍hka7伊掠起來，tī約旦河ê渡口kā伊thâi死。Hit時，以法連人受thâiê有四萬兩千人。
12:7 耶弗他做以色列ê士師六年。基列人耶弗他死，埋葬tī基列ê一个城。
12:8 以比讚、以倫，押頓
耶弗他了後，有伯利恆人以比讚做以色列ê士師。
12:9 伊有三十個kiáⁿ，koh三十個chabó͘ kiáⁿ嫁過tī外口，mā對外口kā伊ê kiáⁿ娶三十個新婦。伊做以色列ê士師七年。
12:10 以比讚死，埋葬tī伯利恆。
12:11 以比讚了後，有西布倫人以倫做以色列ê士師，伊做以色列ê士師十年。
12:12 西布倫人以倫死，埋葬tī西布倫地ê A-iah-lūn。
12:13 以倫了後，有Pí-la̍h-tûn人，Hi-lia̍t ê kiáⁿ押頓，做以色列ê士師。
12:14 伊有四十個kiáⁿ，三十個孫，騎七十隻驢á，伊做以色列ê士師八年。
12:15 比拉頓人Hi-lia̍t ê kiáⁿ押頓死，埋葬tī以法連地ê 比拉頓，tī亞瑪力人ê山地。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。