士師記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
8:1 Phah贏米甸人
以法連人對基甸講：「你去kah米甸人交戰，無叫阮kah你去，ná ē ánne款待阮？」Into̍h kah伊大大計較。
8:2 基甸對in講：「我所行ê kám ē比得lín？以法連拾葡萄屑，kám無khah贏亞比以謝挽葡萄？
8:3 上主已經kā米甸ê首領Gô-li̍p kah Se-i-pek交tī lín ê手，我所行ê kám ē比得lín？」伊講chiahê話了後，in ê受氣to̍h消。
8:4 基甸kah tòe伊ê三百人來到約旦河過渡，雖然厭倦，iáu koh teh jiok。
8:5 基甸對疏割人講：「請你用餅供給跟tòe我ê人民，因為in厭倦，我mā teh jiok米甸兩 个王—西巴kah撒慕拿。」
8:6 疏割hiahê首領應講：「西巴kah撒慕拿ê手已經tī你ê手中，阮kám chiah tio̍h用餅hō͘你ê軍隊？」
8:7 基甸講：「上主kā西巴kah撒慕拿交tī我ê手了後，我to̍h beh用曠野ê刺kah刺á phah傷lín ê肉。」
8:8 伊tùi hia上去毗努伊勒，mā對in ánne講。毗努伊勒人kā伊應，mā kah疏割人所應ê相同。
8:9 基甸對毗努伊勒ê人講：「我平安倒tńg來ê時，我beh拆chitê台。」
8:10 Hit時，西巴kah撒慕拿，以及跟tòe伊ê軍隊，lóng tī Ka-kok，差不多有一萬五千人，to̍h是東方軍隊所chhun落來ê，因為已經死十二萬人，lóng是gia̍h刀ê。
8:11 基甸to̍h tùi Lô-pa kah Iok-pí-hap東pêng，tùi tòa布棚ê ê路上去，phah贏in ê軍隊，因為in ê軍隊安然無koh樣。
8:12 西巴kah撒慕拿逃走，基甸kā in jiok，掠tio̍h米甸兩 个王西巴kah撒慕拿，hō͘ in軍隊tio̍h驚逃走。
8:13 約阿施ê kiáⁿ基甸tùi Hi-lia̍t-su ê山坪，tùi戰陣倒tńg來。
8:14 掠tio̍h疏割一个少年人，問伊，伊to̍h寫疏割hiahê首領kah長老ê名，共七十七人hō͘伊。
8:15 基甸來到疏割，對hia ê人講：「Lín以前為tio̍h西巴kah撒慕拿kā我khau洗講：『西巴kah撒慕拿ê手已經tī你ê手中，阮chiah tio̍h用餅hō͘你厭倦ê人？』Taⁿ lín來看。」
8:16 to̍h掠城內ê長老，用曠野ê刺kah刺á來教督疏割人；
8:17 koh拆毗努伊勒ê台，thâi死hitê城內ê人。
8:18 to̍h問西巴kah撒慕拿講：「Lín tī他泊山所thâi ê人啥物款？」應講：「In親像你，ta̍k人lóng有王ê kiáⁿ ê容貌。」
8:19 伊講：「In是我siâng母ê兄弟，我指上主ê永遠ê活命來講，lín以前若留in ê性命，我taNto̍h無beh kā lin2thâi。」
8:20 to̍h對伊ê大kiáⁿ益帖講：「起來thâi in！」總是，少年人無拔刀，因為伊iáu少年，真驚。
8:21 西巴kah撒慕拿講：「你kakī 起來thâi阮，因為人án怎，氣力mā是ánne。」基甸to̍h起來thâi死西巴kah撒慕拿，取in駱駝頷頸ê打扮，款式親像月眉。
8:22 以色列人對基甸講：「你已經救阮脫離米甸人ê手，願你kah你ê kiáⁿ，你ê孫，來管理阮。」
8:23 基甸講：「我無beh管理lín，我ê kiáⁿ mā無beh管理lín，獨獨上主beh做lín ê王。」
8:24 基甸koh對in講：「我有一項求lín，請lín ta̍k人kā所搶ê耳環hō͘我。」(因為對敵是以實瑪利ê人，chiah有chit款金ê耳環。)
8:25 In講：「阮甘願hō͘你。」to̍h chhu一領外衫，ta̍k人kā所搶ê耳環hiat tī hit頂面。
8:26 基甸所討ê金耳環，重一千七百舍客勒ê金á。Chitê以外koh有月眉ê打扮、耳墜kah紫色ê衫褲，米甸王所有ê，kah駱駝頷頸ê鍊á。
8:27 基甸用chitê製造一个祭司服，hē tī伊ê本城俄弗拉。後來，以色列人lóng去hia行邪淫kā伊拜，這是做害基甸kah伊全家ê羅網。
8:28 Án-ne，米甸屈服tī以色列人，bē tàng koh gia̍h起頭殼。基甸ê日，hitê所在太平四十年。
8:29 基甸死去
約阿施ê kiáⁿ耶路巴力tńg去kakī ê厝tòa。
8:30 基甸有七十個親生kiáⁿ，因為伊有娶真chē ê bó͘。
8:31 Tī示劍，伊ê細姨 mā kā伊生一个kiáⁿ，伊to̍hka7 chitê kiáⁿ號名叫做亞比米勒。
8:32 約阿施ê kiáⁿ基甸年老歲chē，就死，埋葬tī亞比以謝族ê俄弗拉，tī伊ê老父約阿施ê墓。
8:33 基甸死了後，以色列人oa̍t tńg去行淫，tòe chiahê巴力，用Pa-le̍k-pí-lī-thó͘做in ê神明。
8:34 以色列人bē記得上主—in ê上帝，to̍h是救in脫離四箍圍ê對敵ê手ê hit位。
8:35 Mā無好款待耶路巴力，to̍h是基甸ê家，照伊所行tī以色列ê恩惠。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。