士師記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
7:1 基甸Phah贏米甸人
耶路巴力to̍h是基甸，伊kah所有tòe伊ê人早早起來，tī Ha-lot水泉邊紮營。米甸營tī in北pêng ê山谷，óa近Mó͘-leh山。
7:2 上主對基甸講：「我用米甸交tī人民ê手，m̄ koh，tòe你ê人siuⁿ chē，恐驚以色列人對我來kakī 誇口，講：『是我kakī ê手救我。』
7:3 Taⁿ你tio̍h宣布hō͘人民聽，見若驚惶懍neh ê人，thang離開基列山倒tńg去。就ánne，人民中有二萬兩千人倒tńg去，iáu有chhun一萬人。
7:4 上主對基甸講：「人iáu koh siuⁿ chē，你tio̍h chhōa in落去到水邊，我ētī hia kā in試探。見若我kí啥人對你講：『Chitê人thang kah你去』，hitê人to̍h thang kah你去；我kí啥人kā你講：『Chitê人m̄ thang kah你去。』hitê人to̍h m̄ thang去。」
7:5 基甸to̍h chhōa人民落去到水邊，上主對基甸講：「見若用舌nà水，親像狗teh nà，hitê人tio̍h hō͘伊另外khiā ·leh；見若跪落去lim水ê，mā tio̍h hō͘伊另外khiā ·leh。」
7:6 用手óa嘴來nà水ê有三百人，其他hiahê人民lóng跪落去lim水。
7:7 上主kā基甸講：「我beh用chiahê nà水ê三百人救lín，kā米甸人交tī你ê手中，眾人lóng thang倒tńg去伊ê所在。」
7:8 人民手裡就帶乾糧kah in ê哨角；基甸差以色列人民ta̍k人tńg去in ê布棚，只有留chit三百人。米甸ê營紮tī伊下面ê山谷。
7:9 Siâng hit暝，上主kā基甸講：「起來，落去到hitê營房，因為我已經kā伊交tī你ê手中。
7:10 你若m̄敢落去，你kah你ê奴僕Phó͘-la̍h tio̍h落去hitê營房。
7:11 你ē聽tio̍h in所講ê，然後你to̍h有膽量落去到營房。」基甸to̍h kah伊ê奴僕Phó͘-la̍h落去到營房，帶軍器ê人ê邊á。
7:12 米甸人、亞瑪力人kah東方ê群眾，lóng倒tī山谷，親像草蜢hiah chē。In ê駱駝算bē了，chē kah親像海岸ê沙。
7:13 基甸到位了後，有人用夢kā伊ê同伴講：「我夢見一个夢，你看，有一个大麥餅kō入去米甸ê營，到一个布棚，衝hō͘它倒，hō͘布棚péng-liàn-tńg，倒kah平地。」
7:14 伊ê同伴應講：「這m̄是別項，to̍h是以色列人，約阿施ê kiáⁿ基甸ê刀；上帝已經kā 米甸kah伊ê軍隊交tī伊ê手中。」
7:15 基甸聽tio̍h chitê夢ê話，kah伊ê解說，就敬拜上主，倒tńg來到以色列ê營中，講：「起來，因為上主已經kā 米甸ê軍隊交tī lín ê手à。」
7:16 伊to̍hka7三百人分做三隊，用哨角kah空甕交tī ta̍k人ê手，甕內lóng khǹg火把，
7:17 kā in講：「Lín tio̍h看我ê樣來做，我到hitê營房邊，我所做ê，lín mā tio̍h ánne做。
7:18 我kah hiahê kah我同在ê人pûn哨角ê時，lín mā tio̍h tī營ê四箍圍pûn哨角，講：『為tio̍h上主，mā為tio̍h基甸。』」
7:19 基甸kah tòe伊ê一百人，tī三更頭，來到營邊。Hit時，守更ê tú-á換班，in to̍hpun5哨角，摃破手裡ê甕。
7:20 三隊ê人to̍h lóng pûn哨角，摃破甕，倒手gia̍h火把，正手gia̍h哨角，來pûn，來hoah：「上主kah基甸ê刀。」
7:21 In tī營ê四箍圍ta̍k个khiā kakī ê位，全營ê人lóng走，喝喊 hō͘ in逃走。
7:22 Pûn三百支哨角ê時，上主hō͘全營ê人ta̍k个用刀相thâi，軍隊走到Che-lī-la̍h ê Pek-hap-sī-tha，koh到A-bel-me-ho-lah ê界，近tī Tha-pa。
7:23 以色列人to̍h tùi拿弗他利、亞設kah 瑪拿西聚集，來jiok米甸人。
7:24 基甸差人遍行以法連ê山地，講：「Lín落來攻擊米甸，趁in iáu未到，把守hiahê渡頭，一直到Pek-pa-la̍h，to̍h是約旦。」就ánne，以法連ê群眾聚集，把守hiahê渡頭，一直到Pek-pa-la̍h，to̍h是約旦，
7:25 mā掠tio̍h米甸ê兩 个首領，Gô-li̍p kah Se-i-pek；tī Gô-li̍p ê石磐thâi死Gô-li̍p ，tī Se-i-pek ê酒窟hiathâi死Se-i-pek，koh jiok米甸人，帶Gô-li̍p kah Se-i-pek ê頭殼到約旦河hit-pêng，基甸hia。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。