約書亞記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
21:1 利未人ê城
Hit時，利未人chiahê族長來見祭司以利亞撒kah嫩ê kiáⁿ約書亞，以及以色列人支族chiahê族長，
21:2 tī迦南地ê示羅kā in講：「前上主託摩西hō͘阮有城thang tòa，有郊野thang做飼chengseⁿ ê路用。」
21:3 以色列人to̍h照上主所命令ê，對kakī ê產業中，kā下面所記chiahê城，kah in ê郊野，hō͘利未人。
21:4 為哥轄chiahê族拈鬮，利未人中祭司亞倫ê kiáⁿ孫，tùi偤大支族，西緬支族，便雅憫支族，拈tio̍h十三座城。
21:5 哥轄其他ê kiáⁿ孫，tùi以法連支族ê宗族，tùi但ê支族，tùi瑪拿西半支族，拈tio̍h十座城。
21:6 革順ê kiáⁿ孫，tùi以薩迦支族ê宗族，tùi亞設ê支族，tùi拿弗他利ê支族，tùi tòa tī巴珊ê瑪拿西半支族，拈tio̍h十三座城。
21:7 米拉利ê kiáⁿ孫，照in ê宗族，tùi流便ê支族，tùi迦得ê支族，tùi西布倫ê支族，得tio̍h十二座城。
21:8 以色列人照上主託摩西所命令ê，kā chiahê城kah in ê郊野，拈鬮分hō͘利未人。
21:9 Koh tùi偤大kiáⁿ孫ê支族，西緬kiáⁿ孫ê支族，下面記名hiahê城hō͘ in，
21:10 to̍h是hō͘利未kiáⁿ孫中，哥轄宗族中，亞倫ê kiáⁿ孫，因為hō͘ in tāi先拈鬮，
21:11 kā偤大山地ê基列亞巴，(to̍h是希伯崙)kah它四箍圍ê郊野hō͘ in。亞巴是亞納族ê祖先。
21:12 獨獨hitê城ê田kah她ê庄頭，in hō͘耶孚尼ê kiáⁿ迦勒做產業。
21:13 Koh用希伯崙kah她ê郊野，to̍h是thâi死人逃閃ê城，以及立拿kah她ê郊野，hō͘祭司亞倫ê kiáⁿ孫，
21:14 koh hō͘ in Ia-thel kah她ê郊野，E-si-te-mo͘h kah她ê郊野，
21:15 何倫kah她ê郊野，底璧kah她ê郊野，
21:16 A-in kah她ê郊野，U-tha kah她ê郊野，伯示麥kah她ê郊野，共九座城，lóng是tùi chit兩支族hō͘ in。
21:17 Koh tùi便雅憫ê支族，hō͘ in Ki-piàn kah她ê郊野，迦巴kah她ê郊野，
21:18 A-ná-tu̍t kah她ê郊野，Al-móng kah她ê郊野，共四座城。
21:19 亞倫ê kiáⁿ孫做祭司ê所得tio̍h ê城共十三座城，kah她ê郊野。
21:20 利未人哥轄kiáⁿ孫ê宗族，to̍h是哥轄其他ê kiáⁿ孫，拈鬮所得tio̍h ê城是tùi以法連支族中間分出來ê。
21:21 Koh用以法連山地ê示劍，to̍h是thâi死人ê逃閃ê城kah in ê郊野，以及基色kah她ê郊野，
21:22 Ki-pek-sian kah她ê郊野，伯和崙kah她ê郊野hō͘ in，共四座城。
21:23 Koh tùi但ê支族中，hō͘ in I-lī-thê-ki kah她ê郊野，Gip-be-thòng kah她ê郊野，
21:24 亞雅崙kah她ê郊野，Gat-lim-móng kah她ê郊野，共四座城。
21:25 Koh tùi瑪拿西半支族中間hō͘ in 他納kah她ê郊野，以及Gat-lim-móng kah她ê郊野，共兩座城。
21:26 哥轄ê kiáⁿ孫其他ê宗族，所得tio̍h ê城，共十座kah in ê郊野。
21:27 Koh tùi瑪拿西半支族ê產業中間，kā巴珊ê Ko-lân，to̍h是thâi人ê逃閃ê城kah她ê郊野，以及Pí-si-thê-la̍h kah她ê郊野，共兩座城，hō͘利未宗族革順ê kiáⁿ孫。
21:28 Koh tùi以薩迦支族ê產業中間，用基善kah她ê郊野，Ta-be-lat kah她ê郊野，
21:29 耶末kah她ê郊野，Ún-kan-lêng kah她ê郊野，共四座城hō͘ in。
21:30 Koh tùi亞設支族ê產業中間，用Bí-sa-le̍k kah她ê郊野，押頓 kah她ê郊野，
21:31 Hel-kat kah她ê郊野，利合kah她ê郊野，共四座城hō͘ in。
21:32 Koh tùi拿弗他利支族ê產業中間，用加利利ê基低斯，to̍h是thâi人ê逃閃ê城kah她ê郊野，以及Ham-mo͘-to͘l kah她ê郊野，Kal-thàn kah她ê郊野，共三座城hō͘ in。
21:33 革順人ê城照伊ê宗族，共十三座城kah她ê郊野。
21:34 Tùi西布倫支族ê產業中間，kā Iok-niām kah她ê郊野，Ka-jíⁿ-tha kah她ê郊野，
21:35 Teng-ná kah她ê郊野，Na-ha-lal kah她ê郊野，共四座城，hō͘其他ê利未人，to̍h是米拉利kiáⁿ孫ê宗族。
21:36 Koh tùi流便支族ê產業中間，用比色 kah她ê郊野，雅雜kah她ê郊野，
21:37 Ke-ti-mo͘t kah她ê郊野，Me-hoa-at kah她ê郊野，共四座城hō͘ in。
21:38 Koh tùi迦得支族ê產業中間，kā基列ê拉末，to̍h是thâi死人ê逃閃ê城，kah她ê郊野，以及瑪哈念kah她ê郊野，
21:39 希實本kah她ê郊野，雅謝kah她ê郊野，共四座城hō͘ in。
21:40 利未人其他ê宗族，to̍h是米拉利ê kiáⁿ孫，照in ê宗族，拈鬮所得tio̍h chiahê城，共十二座城。
21:41 利未人tī以色列ê產業中間所得tio̍h ê城，共四十八座城，kah in ê郊野。
21:42 Chiahê城四箍圍lóng有它ê郊野，ta̍k个lóng是ánne。
21:43 以色列擁有ê土地
Án-ne，上主kā祂前chiùchōa beh hō͘ in祖先ê全地，hō͘以色列人，in to̍h得tio̍h做產業，tòa tī hia。
21:44 上主照祂對in ê祖先一切所chiùchōa ê，hō͘ in四箍圍平安；in ê對敵，無一个人ēkhiā-tiâu tī in ê面前；上主kā in ê對敵lóng交tī in ê手。
21:45 見若上主對以色列ê子民所講ê好話，無kah一句落空，lóng有應驗。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。