約書亞記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
19:1 西緬支族分tio̍h ê土地
第二pái拈鬮是為tio̍h西緬，to̍h是為tio̍h西緬人ê支族，照in ê宗族。In ê產業是tī偤大人ê產業ê中間。
19:2 In所得tio̍h ê產業，to̍h是別是巴、示巴、Mô͘-la-tah、
19:3 Ha-chal-siu-al、巴拉、E-chém、
19:4 I-lī-to-la̍h、Pí-thó͘-le̍k、何珥瑪、
19:5 洗革拉、Biat-mal-ka-bo͘t、Hap-sat-so͘-sat、
19:6 Pek-lī-pa-bu̍t、Sa-ló͘-hiám，共十三座城，kah她ê庄頭。
19:7 A-in、Lī-bûn、以帖、A-siang，共四座城，kah她ê庄頭；
19:8 kah chiahê城四箍圍一切ê庄頭，一直到Ba-lat-be-el南pêng ê拉瑪。這是西緬人ê支族所得tio̍h ê產業，照in ê宗族。
19:9 西緬人ê產業是tùi偤大人ê產業中間得tio̍h ê，因為偤大人ê份額siuⁿ chē，所以，西緬人tī in ê產業中間得tio̍h業。
19:10 西布倫支族分tio̍h ê土地
第三pái拈鬮是為tio̍h西布倫人，照in ê宗族。
19:11 In ê產業ê地界是到Sat-li̍p，in ê界西pêng一直去到Má-la̍h-la̍h，透到Tāi-pa-siat，koh透到Iok-niām頭前ê溪；
19:12 koh tùi Sat-li̍p oat tùi東pêng，ǹg日出ê所在，到Kiat-su-lio̍k-tha-po̍k ê交界，koh thàng到Tāi-pi-la̍h，一直到雅非亞。
19:13 Tùi hia ǹg東去到Gat-he-huil，koh到E-te̍l-ka-sìn，koh出去臨門，thàng到Nî-a；
19:14 hitê界tùi北方se̍h過去，到Han-na-tòng，thàng到I-hut-tha-i-le̍k ê山谷為止。
19:15 Ιáu有Ka-tha、Na-ha-lal、伸崙、Í-tāi-la̍h、伯利恆，共十二座城，kah in ê庄頭。
19:16 Chiahê城kah in ê庄頭，to̍h是西布倫人所得tio̍h ê產業，照in ê宗族。
19:17 以薩迦支族分tio̍h ê土地
第四pái拈鬮是為tio̍h以薩迦，to̍h是為tio̍h以薩迦人，照in ê宗族。
19:18 In ê地界有耶斯列、Ki-so͘-lu̍t、Su-liām、
19:19 Hal-ho͘l-liân、Sī-àn、A-ná-hap-la̍h、
19:20 La̍h-phek、基善、El-biat、
19:21 Lī-bia̍t、Ún-kan-lêng、Ún-hap-tāi、Pek-phàⁿ-siat，
19:22 hitê交界到他泊、Sa-hap-sé-má、伯示麥，in ê界ê極頭是tī約旦，共十六座城，kah in ê庄頭。
19:23 Chiahê城kah in ê庄頭，to̍h是以薩迦人ê支族所得tio̍h ê產業，照in ê宗族。
19:24 亞設支族分tio̍h ê土地
第五pái拈鬮是為tio̍h亞設人ê支族，照in ê宗族。
19:25 In ê地界是Hek-kah、Hap-lī、Pí-tiân、Ap-soah、
19:26 A-la̍h-bí-le̍k、A-boa̍t、BÍ-sa-le̍k，ǹg西pêng到迦密，koh到Hi-hat-li̍p-la̍p，
19:27 oat ǹg日出ê所在，到Pek-tāi-kún，thàng到西布倫，oat北pêng到I-hut-tha-i-le̍k山谷，到Pek-í-be̍k kah Nî-gia̍p，mā thàng到Ka-bul ê倒pêng。
19:28 Koh到Gī-pek-lûn、利合、Ham-móng、迦拿，一直到西頓 ê大城。
19:29 Hitê界oat到拉瑪kah堅固ê城推羅；hitê界koh se̍h到何薩，它ê極頭到tī海，近Ak-chip一帶ê所在；
19:30 koh有O͘-má、亞弗、利合，共二十二座城，kah她ê庄頭。
19:31 Chiahê城kah in ê庄頭，to̍h是亞設人ê支族所得tio̍h ê產業，照in ê宗族。
19:32 拿弗他利支族分tio̍h ê土地
第六pái拈鬮是為tio̍h拿弗他利人，to̍h是拿弗他利ê人，照in ê宗族。
19:33 In ê界是tùi Hi-lī-hut，tùi Sat-ná-im ê橡樹，tùi A-tāi-bí-nî-kiat kah Ngá-pí-liap，一直到La̍h-kiōng，thàng到約旦河；
19:34 hitê界oat ǹg西pêng，到A-su-la̍p-tha-po̍k，tùi hia出去到Hok-kok，南pêng到西布倫，西pêng到亞設，koh ǹg日出ê所在，透到約旦河hia，到偤大。
19:35 堅固ê城to̍h是Se-teng、Chhek-jíⁿ、Ham-mat、La̍h-kah、基尼烈、
19:36 A-tāi-má、拉瑪、夏瑣、
19:37 基低斯、以得來、Ún-hā-só、
19:38 Í-lī-ún、Bi̍t-tāi-i-le̍k、Hô-liân、Pek-a-la̍p、伯示麥，共十九座城，kah in ê庄頭。
19:39 Chiahê城kah in ê庄頭，to̍h是拿弗他利人ê支族所得tio̍h ê產業，照in ê宗族。
19:40 但支族分tio̍h ê土地
第七pái拈鬮是為tio̍h 但ê kiáⁿ孫ê支族，照in ê宗族。
19:41 In ê產業ê地界是瑣拉、以實陶、I-jíⁿ-sī-be̍k、
19:42 Sa-la̍h-pin、亞雅崙、I-thê-la̍h、
19:43 以倫、Têng-ná-tha、以革倫、
19:44 I-lī-thê-ki、Gip-be-thòng、巴拉、
19:45 I-ô͘-tek、Pí-nî-pí-la̍h、Gat-lim-móng、
19:46 Bí-iâ-khun、La̍h-khun kah約帕對面ê地界。
19:47 但ê kiáⁿ孫ê地界pôaⁿ過in ê本業，因為但ê kiáⁿ孫去攻擊Lī-siān來征服她，用刀thâi城內ê人，得tio̍h hitê城，用in祖先但ê名kā Lī-siān叫做但。
19:48 Chiahê城kah in ê庄頭，to̍h是但ê kiáⁿ孫ê支族所得tio̍h ê產業，照in ê宗族。
19:49 最後分配ê土地
In照地界分地做產業已經完成，以色列人to̍h tī in中間kā地 hō͘嫩ê kiáⁿ約書亞做產業。
19:50 照上主ê命令，kā伊所求ê城hō͘伊，to̍h是以法連山地ê Têng-ná-se-la̍h，伊to̍h起hitê城，tòa tī hit中間。
19:51 Chiahê to̍h是祭司以利亞撒kah嫩ê kiáⁿ約書亞，以及以色列人支族中ê族長，tī示羅，tī會幕門口，上主ê面前，拈鬮所分ê產業，ánne in分完hitê地。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。