約書亞記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
18:1 其他土地ê分配
以色列人ê全會眾lóng聚集tī示羅，搭會幕tī hia，因為in已經征服hi̍t地方。
18:2 以色列人中，iáu有七支族bē tàng得tio̍h in ê產業。
18:3 約書亞對以色列人講：「上主—lín祖先ê上帝所賞賜hō͘ lín ê地，lín延chhiân m̄去取，beh到tang時？
18:4 Lín ta̍k支族tio̍h揀三个人，我beh差in去，in to̍h出發遍行hitê地，照in ê份額畫圖，to̍h tńg來我chia。
18:5 In tio̍h kā地分做七份，偤大猶原tī南方，tòa tī伊ê境內；約瑟家猶原tī北方，tòa tī伊ê境內。
18:6 Lín tio̍h kā地分做七份，畫圖the̍h來我chia。我to̍h ētī上主—咱ê上帝ê面前kā lín拈鬮。
18:7 獨獨利未人tī lín中間無份，因為上主祭司ê職to̍h是in ê產業。迦得、流便kah瑪拿西半支族，已經tī約旦河hit-pêng東pêng得tio̍h地做產業，to̍h是上帝ê奴僕摩西所hō͘ in ê。」
18:8 Hiahê人出發去，約書亞命令hiahê去beh畫地圖ê人，講：「Lín去遍行hitê地，畫圖倒tńg來我chia。我beh tī示羅chia，上主ê面前，kā lín 拈鬮。」
18:9 Into̍h去，遍行hitê地，照in ê城畫做七份，記tī冊裡，倒tńg到示羅ê營中，見約書亞。
18:10 約書亞to̍h tī示羅上主ê面前，kā in 拈鬮。約書亞tī hia分地hō͘以色列人，照in ê宗族。
18:11 便雅憫支族分tio̍h ê土地
Kā便雅憫ê支族拈鬮，照in ê宗族所得tio̍h ê地，hitê界是tī偤大ê kiáⁿ孫，約瑟ê kiáⁿ孫ê中間。
18:12 In北pêng ê界，是tùi約旦河起；伊ê界一直去到耶利哥城邊á ê北pêng，koh再去，pôaⁿ過山，ǹg西pêng去，直直到伯亞文ê曠野。
18:13 Hitê界tùi hia去到路斯，到路斯南pêng ê邊á (路斯to̍h是伯特利)，伊ê界koh落去到A-tha-lio̍k-a-ta̍t，óa近下面ê伯和崙南pêng ê山；
18:14 伊ê界tùi西pêng oat落南，tùi Pak-hô-lûn頭前南pêng ê山，一直到偤大人ê城Ki-lia̍t-pa-le̍k(to̍h是基列耶琳)，這是in西pêng ê界。
18:15 南pêng是tùi基列耶琳ê極頭起，伊ê界tùi西pêng開始，一直到Nî-hut-to-a ê水泉；
18:16 伊ê界koh落去到便欣嫩山谷對面ê山邊，to̍h是利乏音山谷北pêng ê山，koh落去到Hin-nóm山谷，到耶布斯ê南pêng，koh落去到Ian-lo-gel；
18:17 koh tùi北pêng出去，到Ún-sī-le̍k，出去到A-to͘-bêng山坪對面ê Ki-lī-lio̍k，koh落去到流便ê kiáⁿ Pho-hán ê石磐。
18:18 Koh去亞拉巴對面北pêng ê邊á，落去到亞拉巴；
18:19 伊ê界到Pek-hat-la̍h北pêng ê邊á，chitê界直直到鹽海北pêng ê海灣，to̍h是約旦河南pêng ê河口，這是它南pêng ê界。
18:20 東pêng ê界到約旦河。這是便雅憫人ê產業，照in ê宗族，in四箍圍ê交界。
18:21 便雅憫ê支族照in ê宗族所得tio̍h ê城，to̍h是耶利哥城、Pek-hat-la̍h、I-be̍k-ki-sek、
18:22 Bia̍t-a-la̍h-bah、Che-má-láim、伯特利、
18:23 亞捫、巴拉、俄弗拉、
18:24 Ke-phal-am-mô͘-nî、Gô-hut-nî、迦巴，共十二座城，kah她ê庄頭。
18:25 Koh有基遍、拉瑪、Pí-lo̍k、
18:26 米斯巴、Ke-hui-la̍h、Mo-chah、
18:27 Lī-kian、Tha-lī-pì-le̍k、Tha-la̍h-la̍h、
18:28 洗拉、Í-lī-hut、耶布斯（to̍h是耶路撒冷）、基比亞、基列，共十四座城，kah她ê庄頭。這是便雅憫人所得tio̍h ê產業，照in ê宗族。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。