約書亞記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
1:1 上主命令約書亞去征服迦南地
上帝ê奴僕摩西死了後，上主吩咐嫩ê kiáⁿ約書亞，to̍h是跟tòe摩西ê，講：
1:2 「我ê奴僕摩西死à，taⁿ你tio̍h起來，kah眾人過chitê約旦河，去我所賞賜以色列人ê地。
1:3 見若lín ê腳掌所踏ê地，我lóng賞賜hō͘ lín，照我對摩西所講ê。
1:4 Τùi曠野kah chitê黎巴嫩到大河，to̍h是幼發拉底河，赫人ê全地，koh到大海，ǹg日落ê所在，lóng beh做lín ê境界。
1:5 你一世人，一定無一个人ēkhiā-tiâu tī你ê面前。我án怎kah摩西同在，mā beh ánne kah你同在；我一定bē離開你，mā bē放sak你。
1:6 你tio̍h勇敢壯膽，因為你beh hō͘ chiahê人民得tio̍h hitê地做產業，to̍h是我對in ê祖先所chiùchōa beh hō͘ in ê。
1:7 總是，你tio̍h勇敢大大壯膽，執守我ê奴僕摩西所命令你一切ê律法，來照ánne行，m̄ thang離開來偏左偏右，hō͘你無論去到tó位，lóng得tio̍h興通。
1:8 Chitê律法ê冊m̄ thang離開你ê嘴，一定tio̍h暝日思想，hō͘你執守來行chit本冊內所記載一切ê話。Án-ne，to̍h ēhō͘你ê路平坦，你mā得tio̍h大興通。
1:9 我kám無命令你？你tio̍h勇敢壯膽，m̄免驚，mā m̄ thang懍，因為你無論去到tó位，上主—你ê上帝lóngē kah你同在。」
1:10 約書亞命令民眾
就ánne，約書亞命令人民ê官長，講：
1:11 「Lín tio̍h遍行營中，命令人民，講：『Lín tio̍h準備食物，因為三日內，lín beh過chitê約旦河，入去得tio̍h上主—lín ê上帝所beh hō͘ lín得tio̍h ê地。』」
1:12 約書亞吩咐流便人、迦得人kah 瑪拿西半支族，講：
1:13 「Lín tio̍h ē記得上帝ê奴僕摩西所命令lín ê話，講：『上主—lín ê上帝已經hō͘ lín平安，mā ē kā chitê地賞賜hō͘ lín。』
1:14 Lín ê bó͘，lín ê gín-á，lín ê chengseⁿ，lóng tio̍h tòa tī約旦河 chit pêng，摩西所hō͘ lín ê地；獨獨lín中間所有大氣力ê勇士，lóng tio̍h帶軍器，tī lín兄弟ê頭前過去，kā in幫贊；
1:15 直到上主hō͘ lín ê兄弟kah lín相siâng lóng得tio̍h平安，直到in mā得tio̍h上主—lín ê上帝所賞賜hō͘ in ê地，hit時lín chiah thang tńg去lín所得tio̍h ê地，kā它承接來做產業，to̍h是上帝ê奴僕摩西所hō͘ lín tī約旦河chit pêng ǹg日出ê所在。」
1:16 In應約書亞講：「見若你所命令阮ê，阮beh行；你所差阮ê，阮lóng beh去做。
1:17 阮以前tī所有ê tāichì lóng ánne遵thàn摩西，taⁿ mā beh ánne遵thàn你；獨獨願上主—你ê上帝kah你同在，親像祂以前kah摩西同在。
1:18 無論啥人違背你ê命令，m̄聽你ê話，照你一切所命令ê，to̍h beh hō͘伊死。總是，你tio̍h勇敢壯膽！」
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。