申命記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
31:1 設立約書亞做摩西ê繼承人
摩西用chiahê話去kā以色列人民講，
31:2 對in講：「我今á日一百二十歲，bē koh照常出入；上主mā bat對我講：『你bē tàng過chitê約旦。』
31:3 上主—你ê上帝ē chhōa你過去，ē tī你ê面前滅亡chiahê國，你beh承接in。約書亞ē chhōa你過去，親像上主所bat講ê。
31:4 上主ē款待in，親像前日款待祂所滅亞摩利人兩 个王—西宏kah噩，以及in ê地。
31:5 上主ē kā in交tī lín ê面前，lín tio̍h照我所吩咐lín一切ê命令來款待in。
31:6 Lín tio̍h勇敢壯膽，m̄免驚in，mā m̄ thang懍（lún）in，因為上主—你ê上帝kah你做伙去，祂無離開你，mā無放sak你。」
31:7 摩西叫約書亞來，tī以色列人民ê面前對伊講：「你tio̍h勇敢壯膽，因為你beh kah chiahê人民做伙去，入去上主對in祖先chiùchōa beh hō͘ in ê地，你mā ē hō͘ in得tio̍h它來做產業。
31:8 上主ē行tī你ê面前，祂ē kah你同在，祂bē離開你，mā bē放sak你。M̄免驚，mā m̄ thang懍。」
31:9 Tio̍h每七年公開宣讀律法書
摩西寫chitê律法，交hō͘扛上主約櫃ê祭司，利未ê kiáⁿ孫kah以色列ê眾長老。
31:10 摩西命令in講：「每七年ê路尾，to̍h是tī tháu放ê年定tio̍h ê期，Tòa棚節ê時，
31:11 以色列人民來到上主—你ê上帝ê面前，tī祂所揀選ê所在，hit時你tio̍h tī以色列人民ê面前讀chitê律法hō͘ in聽。
31:12 你tio̍h聚集人民，chapo͘，chabó͘，gín-á，以及你城門內ê出外人，hō͘ in聽，hō͘ in學習，thang敬畏上主—lín ê上帝，執守來行chitê律法一切ê話；
31:13 mā hō͘ in m̄知影ê kiáⁿ兒ē tàng聽tio̍h，to̍h tī lín過約旦河所承接ê地，照lín tòa tī hia一切ê日，thang學習敬畏上主—lín ê上帝。」
31:14 上主hō͘摩西ê最後教示
上主對摩西講：「你看，你死ê期teh beh到；你召約書亞來，做伙tòa tī會幕中，我beh用職任命令伊。」摩西to̍h kah約書亞去做伙tòa tī會幕中。
31:15 上主tī會幕內kah雲柱中顯現，雲柱停tī會幕門ê頂面。
31:16 上主koh對摩西講：「你看，你ē kah你祖先做伙睏；chiahê人民ē起來，行邪淫來趁伊所beh去tòa hit所在外面ê神明，離開我，違背我kah伊所立ê約。
31:17 Hit時，我ē對in發出受氣，我mā ē離開in，掩面m̄看in，in ē受吞滅，tú tio̍h真chē災禍患難。Hit日in ē講：『咱tú tio̍h災禍患難，kám m̄是因為咱ê上主無tī咱ê中間？』
31:18 Hit日，因為in偏ǹg別个神明所行一切ê pháiⁿ，所以，我絕對掩我ê面。
31:19 「Taⁿ lín kakī tio̍h寫chitê歌，用hitê教示以色列ê kiáⁿ孫，hō͘ in ê嘴念，hō͘ chitê歌tī以色列ê kiáⁿ孫kā我做見證。
31:20 因為我chhōa in入去我對in ê祖先所chiùchōa hitê流奶kah蜜ê地，in得tio̍h食koh飽足，身軀肥，to̍h beh偏ǹg別个神明來服事in，看輕我，違背我ê約。
31:21 到in tú tio̍h真chē災禍患難ê時，chitê歌ē tī in ê面前做見證來見證in，因為in ê kiáⁿ孫ê嘴beh念，無bē記得。因為現今我iáu未chhōa in到我所chiùchōa ê地，in所存ê念頭，我已經知。」
31:22 當hit日，摩西to̍h寫chitê歌，用來教示以色列ê kiáⁿ孫。
31:23 上主吩咐嫩ê kiáⁿ約書亞講：「你tio̍h勇敢壯膽，因為你beh chhōa以色列人入去我所chiùchōa hō͘ in ê地，我beh kah你同在。」
31:24 摩西kā chitê律法ê話寫tī冊裡，全部寫了後，
31:25 摩西to̍h吩咐扛上主約櫃ê利未人，講：
31:26 Kā chitê律法ê冊hē tī上主—lín ê上帝ê約櫃邊，thang tī hia做你ê見證。
31:27 因為我知你是悖逆ê，是頷頸硬ê。你看，我今á日iáu活kah lín同在，lín尚且悖逆上主，何況我死了後？
31:28 Tio̍h聚集lín chiahê支族ê長老kah官長lóng來，我beh講chiahê話hō͘ in聽，mā beh叫天叫地hō͘ in做見證。
31:29 因為我知我死了後，lín會全然敗壞，歪chhoa̍h我所命令lín行ê道路，日後lín會tú tio̍h災禍，因為línē行上主所看做是pháiⁿ ê tāichì，用lín ê手所做ê來惹祂ê受氣。」
31:30 摩西ê詩歌
摩西kā chitê歌ê話，頭到尾講hō͘以色列全會眾聽。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。