章節 | 全民台語聖經漢羅經文 | 註釋 |
26:1 | 奉獻農產物「你來到上主—你ê上帝所賞賜hō͘你做產業ê地,承接來tòa tī hia, | 註釋 串珠 盧俊義 康來昌 原文 典藏 |
26:2 | to̍h tio̍h tùi上主—你ê上帝賞賜hō͘你ê地,kā所收成ta̍k項起頭熟ê農產物,the̍h淡薄,hē tī筐裡,去上主—你ê上帝所beh揀選安置祂ê名ê所在。 | 註釋 串珠 盧俊義 康來昌 字典 原文 典藏 |
26:3 | Τio̍h去見當時做祭司ê,kā伊講:『我今á日對上主—你ê上帝講明,我已經來到上主對咱ê祖先chiùchōa賞賜hō͘咱ê地。』 | 註釋 串珠 盧俊義 康來昌 原文 典藏 |
26:4 | 「祭司to̍h tùi你ê手接hit筐,來hē tī上主—你ê上帝ê壇前。 | 註釋 串珠 盧俊義 康來昌 字典 原文 典藏 |
26:5 | 你tio̍h tī上主—你ê上帝ê面前講:『我ê祖先是一个teh beh死ê亞南人,落去埃及tī hia寄腳。人額少少tī hia成做一个大koh強ê國,人額koh chē。 | 註釋 串珠 盧俊義 康來昌 原文 典藏 |
26:6 | 埃及人pháiⁿ款待阮,kā阮苦毒,叫阮做苦工。 | 註釋 串珠 盧俊義 康來昌 原文 典藏 |
26:7 | Τùi hit時起,阮哀求上主—阮祖先ê上帝,上主有聽tio̍h阮ê聲,看tio̍h阮ê痛苦,阮ê勞苦,阮ê受壓迫, | 註釋 串珠 盧俊義 康來昌 原文 典藏 |
26:8 | 上主to̍h用大權能ê手,kah伸出ê手骨,kah大koh thang驚ê tāichì,kah神跡、奇事,chhōa阮出埃及, | 註釋 串珠 盧俊義 康來昌 原文 典藏 |
26:9 | koh chhōa阮來到chit所在,kā chitê地賞賜hō͘阮,to̍h是流奶kah蜜ê地。 | 註釋 串珠 盧俊義 康來昌 原文 典藏 |
26:10 | 你看,chitê地起頭熟ê,上主ah,祢所賞賜我ê,我taⁿ已經帶來。』「後來,你tio̍h kā它hē tī上主—你ê上帝ê面前,tī上主—你ê上帝ê面前,kā祂敬拜。 | 註釋 串珠 盧俊義 康來昌 原文 典藏 |
26:11 | 你kah利未人,以及lín中間ê出外人,tio̍h因為上主—你ê上帝所賞賜hō͘你kah你ê家眷一切ê福份來歡喜。 | 註釋 串珠 盧俊義 康來昌 原文 典藏 |
26:12 | 「Ta̍k pái到第三年,to̍h是十份抽一份ê年,你抽所有農產物ê十分之一,分hō͘利未人、出外人kah孤兒、寡婦,hō͘ in tī你ê城門,thang得tio̍h食飽。 | 註釋 串珠 盧俊義 康來昌 字典 原文 典藏 |
26:13 | 你koh tio̍h tī上主—你ê上帝ê面前,講:『我已經tùi我ê厝the̍h出聖物,koh hō͘利未人、出外人kah孤兒、寡婦,是照你所命令我一切ê誡命。祢ê誡命我lóng無犯tio̍h,mā無bē記得。 | 註釋 串珠 盧俊義 康來昌 原文 典藏 |
26:14 | 居喪ê時,我m̄ bat食hiahê聖物;無清氣ê時,我mā m̄ bat the̍h起來食,mā無用來做對死人ê祭物。我遵thàn上主—我ê上帝ê話,lóng是照祢一切所命令我ê來行。 | 註釋 串珠 盧俊義 康來昌 原文 典藏 |
26:15 | 求祢tùi天頂,tùi祢tòa ê聖所,àⁿ落來看,賜福祢ê子民—以色列人,kah祢所賞賜hō͘阮ê地,照祢所對阮ê祖先chiùchōa ê,to̍h是流奶kah蜜ê地。』」 | 註釋 串珠 盧俊義 康來昌 原文 典藏 |
26:16 | 上主聖潔ê子民「今á日,上主—你ê上帝命令你行chiahê律例kah法度,所以,你tio̍h盡心盡性執守,來照ánne行。 | 註釋 串珠 盧俊義 康來昌 原文 典藏 |
26:17 | 今á日,你承認上主做你ê上帝,一定ē行祂ê道路,守祂ê律例、誡命kah法度,遵thàn祂ê話。 | 註釋 串珠 盧俊義 康來昌 字典 原文 典藏 |
26:18 | 上主今á日mā承認你做祂kakī 特別ê子民,照祂所應允你ê,hō͘你守祂一切ê誡命, | 註釋 串珠 盧俊義 康來昌 原文 典藏 |
26:19 | koh hō͘你tī榮光、名聲、尊貴,pôaⁿ過祂所創造萬國ê人民,hō͘你歸tī上主—你ê上帝,做聖潔ê子民,照祂所講ê。」 | 註釋 串珠 盧俊義 康來昌 原文 典藏 |