申命記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
9:1 以色列人M̄順服上帝
「以色列人，你tio̍h聽！你今á日beh過約旦河，入去承接hiahê比你khah大koh khah猛ê國，得tio̍h闊大koh堅固到抵天ê城。
9:2 Hitê人民大koh lò，是亞納ê族，lín所知ê，mā bat聽tio̍h有人teh指in講：『啥人tī亞納族ê面前khiāē tiâu？』
9:3 今á日你tio̍h知，上主—你ê上帝做你ê頭前過去，親像烈烈ê火，祂ē kā in滅亡，hō͘ in tī lín ê面前大大thâi輸。Lín tio̍h kā in趕出去，hō͘ in趕緊滅亡，照上主所對lín講ê。
9:4 「上主—你ê上帝tùi你ê面前kā in趕出去了後，你心內m̄ thang想講：『上主chhōa我入來承接chitê地，是因為我ê義行。』其實上主是為tio̍h hiahê國ê pháiⁿ，chiah tùi你ê面前kā in趕出去。
9:5 你入去承接in ê地，並m̄是因為你ê義行，mā m̄是因為你ê心正直，to̍h是因為chiahê國ê pháiⁿ，上主—你ê上帝chiah tùi你ê面前kā in趕出去，koh因為上主beh堅固祂對你ê祖先亞伯拉罕、以撒、雅各所chiùchōa ê話。
9:6 「你tio̍h知，上主—你ê上帝用súi ê地賞賜hō͘ lín做產業，m̄是因為你ê義行，因為你是頷頸硬ê人民。」
9:7 拜金牛悖逆上主
「你tio̍h ē記得，m̄ thang bē記得，你tī曠野惹tio̍h上主—你ê上帝ê受氣。Tùi lín出埃及地hit日到lín來到chitê所在，lín tiāⁿ-tiāⁿ 悖逆上主。
9:8 Lín tī何烈山koh惹上主受氣，致使上主對lín受氣，beh kā lín滅亡。
9:9 Hit當時，我上山，beh領受石碑，to̍h是上主kah lín立約ê 碑。Hit時，我tiàm tī山裡四十工四十暝，無食餅mā無lim水。
9:10 上主用兩塊石碑交帶我，是上主用指頭á寫ê。Hit頂面所寫ê，是照上主tī大會ê日，tī山頂，tī火中，對lín所講一切ê話。
9:11 四十工四十暝了後，上主kā hit兩塊石碑，to̍h是約碑，交帶我。
9:12 「上主對我講：『你起來，趕緊tùi chia落去，因為你ê人民，你tùi埃及chhōa出來ê，已經敗壞kakī ，in快快偏歪我所命令ê路，因為in為kakī 鑄一sian偶像。』
9:13 「上主koh吩咐我講：『我看chiahê人民，你看，是頷頸硬ê人民。
9:14 你chhut-chāi我，我beh kā in消滅，tùi天下擦消in ê名，我beh hō͘你成做一國比in khah強khah大。』
9:15 我to̍h oa̍t-tńg身落山，山hō͘火燒to̍h，兩塊約碑tī我ê兩支手裡。
9:16 我一下看，lín已經得罪上主—lín ê上帝，為kakī 鑄一隻牛á，真緊to̍h歪chhoa̍h上主所命令lín ê路。
9:17 我kā hit兩塊碑tùi我ê雙手hiat落去，phah斷tī lín ê目chiu 前。
9:18 我仆tī上主ê面前，親像以前ê款，四十工四十暝，無食餅mā無lim水，因為lín所犯一切ê罪，行上主看做是pháiⁿ ê tāichì，惹祂受氣。
9:19 Hit時，上主大m̄甘願，對lín受氣，我to̍h真驚，因為祂受氣beh kā lín消滅；總是，hit pái上主有koh聽我。
9:20 上主mā受氣亞倫，beh kā伊滅掉，siâng hit時，我mā替亞倫祈禱。
9:21 Hit時，我用lín犯罪ê物，to̍h是lín所鑄ê牛á，用火燒掉，koh kā它研kah幼幼，幼kah親像土沙粉，我kā chitê土沙粉掖tī tùi山頂流落來ê溪。
9:22 「Lín mā tī他備拉，tī瑪撒，tī基博羅哈他瓦，koh激起上主ê受氣。
9:23 上主差lín離開加低斯巴尼亞，講：『Lín上去承接我所賞賜hō͘ lín ê地。』Hit時，lín違背上主—lín ê上帝ê誡命，m̄信祂，mā m̄聽祂ê話。
9:24 Tùi我bat lín ê hit日起，lín to̍h tiāⁿ-tiāⁿ 悖逆上主。
9:25 「我因為上主講beh kā lín消滅，to̍h仆tī上主ê面前仆teh四十工四十暝。
9:26 我對上主祈禱講：『至koân上主ah，求祢m̄ thang滅亡祢ê子民。伊ê產業，to̍h是祢用大氣力贖回ê，用大權能ê手chhōa出埃及ê。
9:27 求祢tio̍h ē記得祢ê奴僕亞伯拉罕、以撒、雅各，m̄ thang記念chiahê人民ê硬心kah in ê pháiⁿ，in ê罪，
9:28 恐驚祢chhōa阮出來hit所在ê人ē講：上主因為bē tàng chhōa in入去祂所應允in ê地，koh怨恨in，所以，chhōa in出去，beh tī曠野kā in滅亡。
9:29 M̄ koh，in是祢ê子民，祢ê產業，是祢用祢ê大權能，用祢伸出來ê手，所chhōa出來ê。」
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。