申命記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
4:1 摩西勸以色列人Tio̍h順服
「以色列人，taⁿ我所教示lín ê律例kah法度，lín tio̍h聽來遵thàn，thang hō͘ lín活leh，入去得tio̍h上主—lín ê祖先ê上帝所beh賞賜hō͘ lín ê地。
4:2 我所命令lín ê話，lín m̄ thang加添，mā m̄ thang kā它減少，thang hō͘ lín執守上主—lín ê上帝ê誡命，to̍h是我所命令lín ê。
4:3 上主因為巴力毗珥ê tāichì所行ê，lín親目看tio̍h。因為見若遵thàn巴力毗珥ê人，上主—你ê上帝lóngē tùi lín中間kā in除滅。
4:4 獨獨lín kah上主—lín ê上帝結聯ê，今á日lóng活leh。
4:5 「你看，我mā bat用律例kah法度教示lín，照上主—我ê上帝所命令我ê，hō͘ lín遵thàn tī lín所beh入去承接ê地。
4:6 所以，lín tio̍h執守來行；這to̍h是lín tī列國ê面前ê智慧kah聰明。In一下聽tio̍h這一切ê律例，ē講：『Chitê大國真正是有智慧koh聰明ê人民。』
4:7 「Tó一个大國有神明kah伊親近，親像上主—咱ê上帝，tī咱見若求叫祂ê時ē kah咱親近？
4:8 Koh有啥物大國有律例kah法度，親像我今á日tī lín ê面前所傳一切ê律法hiahni̍h公義？
4:9 「所以，lín tio̍h kakī 謹慎，mā tio̍h謹慎保守你ê心，免得你bē記得親目所看tio̍h ê tāichì，koh免得chiahê tāichì tī你活leh ê時離開你ê心，mā tio̍h用chitê來教示lín hiahê kiáⁿ kah hiahê孫。
4:10 你tī何烈山khiā tī上主—你ê上帝ê面前，hit日上主對我講：『你kā我招集人民，我beh hō͘ in聽tio̍h我ê話，hō͘ in活tī世間ê日，thang學習敬畏我，koh thang教示in ê kiáⁿ兒。』
4:11 「Hit時，lín近óa來，khiā tī山腳，山裡有火焰chhèng到天頂，mā有密雲烏烏暗暗。
4:12 上主tùi火焰中kah lín講話，lín聽tio̍h講話ê聲，無看tio̍h啥物影像，只有聲niā-niā。
4:13 祂kā所命令lín tio̍h遵守ê約指示lín，to̍h是十條誡，mā kā它寫tī兩塊石碑。
4:14 Hit時，上主koh命令我，tio̍h kā律例kah法度教示lín，hō͘ lín tī所beh過去來得tio̍h做產業ê地thang遵thàn來行。」
4:15 警告人民M̄-thang拜偶像
「所以，lín tio̍h kakī 特別謹慎，因為上主tī何烈山tùi火中kah lín講話hit日，lín無看tio̍h啥物形像。
4:16 恐驚lín敗壞kakī ，為kakī 雕刻偶像，仿啥物形狀，無論是男á是女ê形像，
4:17 á是地chiūⁿ走獸ê像，
4:18 á是空中飛鳥ê像，á是地chiūⁿteh趖（sô）ê物ê像，á是地下水中魚類ê像。
4:19 Koh恐驚你gia̍h頭ǹg天看上主—你ê上帝所分派hō͘天下萬國ê日、月、星，to̍h是天頂ê萬象，你就受引誘，去敬拜服事in。
4:20 總是，上主帶lín出埃及，脫離鑄鐵ê爐，beh做祂kakī 產業ê子民，親像今á日ê款式。
4:21 上主koh因為lín ê緣故對我受氣，chiùchōa m̄ hō͘我過約旦河，mā m̄ hō͘我入去上主—你ê上帝所beh賞賜hō͘你做產業ê súi地。
4:22 我tio̍h死tī chitê地，我bē tàng過約旦河；總是，lín ē tàng過去得tio̍h hitê好ê地。
4:23 Lín tio̍h kakī 謹慎，恐驚lín bē記得上主—lín ê上帝kah lín所立ê約，為kakī 仿造啥物物來雕刻偶像，to̍h是上主—你ê上帝所禁止ê。
4:24 因為上主—你ê上帝to̍h是烈烈ê火，絕對m̄容允有別个神明。
4:25 「後來，lín真久tòa tī hitê地來生kiáⁿ傳孫，就雕刻偶像，仿造啥物物ê像，phah-pháiⁿ你ê心思，行上主—你ê上帝目chiu 中看做是pháiⁿ ê tāichì，惹祂受氣。
4:26 我to̍h今á日叫天叫地來見證，línē tī過約旦河得tio̍h做產業ê地，真緊to̍h消滅了了！Lín ê日子bē tàng tī hit所在得tio̍h久長，會全部除滅。
4:27 上主ēhō͘ lín四散tī列邦，tī上主所chhōa lín到hiahê國，lín chhun落來ê人額無chē。
4:28 Tī hia línē服事人ê手所造ê神明，to̍h是柴ê á是石ê，bē tàng看，bē tàng聽，bē tàng食，bē tàng鼻ê。
4:29 總是，lín tī hia若beh 走chhōe上主—你ê上帝，若用盡心盡性chhōe祂，to̍h ē tú tio̍h。
4:30 日後lín tú tio̍h苦難，所講chiahê tāichì臨到你，你ē歸向上主—你ê上帝，來聽祂ê話。
4:31 因為上主—你ê上帝是憐憫ê上帝，祂無beh放sak你，無beh剿滅你，mā無bē記得祂kah你ê祖先所chiùchōa ê約。
4:32 「請問tī你出世以前到taⁿ，tùi上主創造人tī世間hit日以來，tùi天ê chit pêng到天ê hit-pêng，kám有親像hit款ê大事？Kám bat聽tio̍h有ánne？
4:33 Bat有啥物人聽過上帝tùi火中講話ê聲，親像你有聽tio̍h，mā iáu活leh？
4:34 Á是bat有啥物神明試過ánne做，用試煉、神跡、奇事、交戰kah大權能ê手，伸出ê手骨kah大koh thang驚ê tāichì，為kakī tùi別國中取一國，親像上主—lín ê上帝tī埃及tī lín ê目chiu 前，為lín所行一切ê tāichì？
4:35 「用這顯現tī你，hō͘你知上主祂是上帝，祂以外無有別个。
4:36 祂tùi天hō͘你聽tio̍h祂ê聲，為tio̍h beh教示你，koh tī地面上hō͘你看tio̍h祂ê大火，koh hō͘你聽tio̍h祂ê話tùi火中出來。
4:37 因為祂疼你ê祖先，所以，揀選in ê kiáⁿ孫，用大權能親身chhōa你出埃及，
4:38 beh tùi你ê面前趕出比你khah大koh khah猛ê人民，beh chhōa你入去，用in ê地賞賜hō͘ lín做產業，親像今á日相siâng。
4:39 所以，今á日你tio̍h知，心mā tio̍h想，天頂地下只有上主，祂是上帝，以外無別个。
4:40 所以，你tio̍h遵守祂ê律例誡命，to̍h是我今á日所命令你ê，hō͘你kah你ê kiáⁿ孫thang得tio̍h福氣，koh加添你ê日子久長，tī上主—你ê上帝所賞賜hō͘你ê地，直到永遠。」
4:41 約旦河東岸逃閃ê城
「Hit時，摩西tī約旦河外，ǹg日出ê所在分別三个城，
4:42 hou7thâi死人ê人，to̍h是平時無結怨，失誤thâi死伊ê厝邊ê，thang逃走去hia，若已經走入去chiahê城ê人，to̍h ē tàng得tio̍h活：
4:43 to̍h是曠野平原ê 比色，為tio̍h流便人設ê；基列ê Lah-boa̍t，為tio̍h迦得人設ê；巴珊ê Ko-lân，為tio̍h 瑪拿西人設ê。」
4:44 排列ê律法
Chitê是摩西tī以色列人ê面前所排列ê律法，
4:45 chiahê是摩西tī以色列人出埃及了後，所傳hō͘ in ê證據、律例kah法度。
4:46 Tī約旦河外，Pek-pí-jíⁿ對面ê山谷中，tī希實本tòa亞摩利王西宏ê地，to̍h是摩西kah以色列人出埃及了後所phah敗ê。
4:47 In得tio̍h伊ê地kah巴珊王噩ê地，to̍h是兩 个亞摩利王，tī約旦河外，ǹg日出ê所在。
4:48 Τùi亞嫩山谷邊ê亞羅珥，一直到Se-hûn山，to̍h是黑門山，
4:49 以及約旦河外，東pêng亞拉巴ê全地，一直到亞拉巴ê海，óa近毗斯迦ê山腳。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。