民數記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
34:1 上主賜迦南地ê境界
上主吩咐摩西講：
34:2 「你tio̍h命令以色列人，kā in講：Lín到迦南地ê時，to̍h是歸hō͘ lín做產業ê迦南，照她四箍圍ê地：
34:3 lín ê南方tio̍h tùi尋ê曠野沿以東ê邊界，lín ê南界tio̍h tùi鹽海東pêng ê極頭。
34:4 Lín ê界tio̍h到A-khek-la̍h-piⁿ ê山坪ê南pêng，續到尋，直直thàng到加低斯巴尼亞 ê南pêng，koh thàng到Hap-sat-a-ta̍t，續到Ap-bûn。
34:5 Chitê境界tio̍h tùi Ap-bûn oat到埃及ê溪，thàng到海為止。
34:6 「西pêng tio̍h用大海做界，這to̍h是lín西pêng ê界。
34:7 「Lín北pêng ê界tio̍h tùi大海，劃到何珥山。
34:8 Tùi何珥山劃到哈馬ê路口，thàng到Che-ta̍t。
34:9 Koh thàng到Se-húi-lûn，一直到Hap-sat-í-lân為止，這beh做lín北pêng ê界。
34:10 「Lín tio̍h tùi Hap-sat-í-lân，劃到Sī-hoan做lín東pêng ê界。
34:11 Chitê界tio̍h tùi Sī-hoan落去到A-iân東pêng ê利比拉，koh落去到基尼烈湖ê東pêng。
34:12 Chitê界tio̍h落去到約旦河，thàng到鹽海為止。Chit四箍圍ê界內beh做lín ê地。」
34:13 摩西命令以色列人講：「這是照lín所拈鬮做teh beh續接做業ê地，上主所命令hō͘九個支族koh半支族ê。
34:14 因為流便kiáⁿ孫ê支族照in ê宗族，koh有迦得kiáⁿ孫ê支族照in ê宗族，已經得tio̍h產業；瑪拿西半支族mā有得tio̍h。
34:15 Chit兩支族，koh有半支族，已經tī約旦河外，耶利哥城ê東pêng，ǹg日出ê所在得tio̍h產業。」
34:16 負責分地ê首領
上主koh吩咐摩西講：
34:17 「Beh kā lín分地做產業ê人ê名字記tī下底：是祭司以利亞撒kah嫩ê kiáⁿ約書亞。
34:18 Lín tio̍h tùi ta̍k支族揀一个首領，分hitê地做產業。
34:19 Chiahê人ê名記tī下底：偤大ê支族，有耶孚尼ê kiáⁿ迦勒。
34:20 西緬kiáⁿ孫ê支族，有亞米忽ê kiáⁿ Sa-mú-el。
34:21 便雅憫ê支族，有Ki-su-lûn ê kiáⁿ Í-lī-ta̍t。
34:22 但ê kiáⁿ孫ê支族，有首領Iok-lī ê kiáⁿ布基。
34:23 約瑟ê kiáⁿ孫，瑪拿西kiáⁿ孫ê支族，有首領以笏 ê kiáⁿ Hàn-liap。
34:24 以法連kiáⁿ孫ê支族，有首領Li̍p-hut-tàn ê kiáⁿ Ke-mu-el。
34:25 西布倫kiáⁿ孫ê支族，有首領Phàⁿ-la̍p ê kiáⁿ I-lī-sat-hoan。
34:26 以薩迦kiáⁿ孫ê支族，有首領A-chàn ê kiáⁿ Phàⁿ-thiah。
34:27 亞設kiáⁿ孫ê支族，有首領Sī-lô-bí ê kiáⁿ A-hi-hut。
34:28 拿弗他利kiáⁿ孫ê支族，有首領亞米忽ê kiáⁿ Pí-tāi-hek。
34:29 Chiahê人to̍h是上主所命令tī迦南地kā產業分hō͘以色列人ê。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。