民數記 線上收聽:中文和合本 現代中文譯本修訂版 現代台語 台語聖經 客語 希伯來文讀經 下載檔案 關於語音聖經
33:1 Tùi埃及到摩押
以色列人照軍隊，tī摩西kah亞倫ê手下，出埃及地所行ê路程，記tī下面。
33:2 摩西照上主ê命令記載in出發所行ê路程，in出發行ê路程to̍h是ánne。
33:3 正月間，tī正月十五，to̍h是Pôaⁿ過節ê第二日，以色列人tùi蘭塞出發，tī埃及群眾ê目chiu 前，靠大權能ê手出去。
33:4 Hit時，埃及人teh埋葬in所有ê大kiáⁿ，to̍h是上主tī in中間所phah死ê；上主mā譴責in hiahê神明。
33:5 以色列人tùi蘭塞出發，紮營tī疏割。
33:6 Tùi疏割出發，紮營tī近曠野ê E-thám。
33:7 Tùi E-thám出發，oa̍t-tńg到Pi-hap-hi-lio̍k，to̍h是tī Pa-le̍k-sé-hun ê對面，就紮營tī密奪ê頭前。
33:8 Tùi Pí-hap-hi-lio̍k對面出發，經過海中到曠野，koh tī Í-thóng ê曠野行三日ê路程，就紮營tī瑪拉。
33:9 In tùi瑪拉出發，來到以琳；以琳有十二條水泉，七十欉棗樹，to̍h tī hia紮營。
33:10 Tùi以琳出發，紮營tī紅海墘。
33:11 Tùi紅海墘出發，紮營tī汛ê曠野。
33:12 Tùi汛ê曠野出發，紮營tī Thoat-ka。
33:13 Tùi Thoat-ka出發，紮營tī亞略。
33:14 Tùi亞略出發，紮營tī利非訂；tī hia無水thang hō͘人民lim。
33:15 Tùi利非訂出發，紮營tī西奈ê曠野。
33:16 Tùi西奈ê曠野出發，紮營tī基博羅哈他瓦。
33:17 Tùi基博羅哈他瓦出發，紮營tī哈洗錄。
33:18 Τùi哈洗錄出發，紮營tī Lī-thê-má。
33:19 Tùi Lī-thê-má出發，紮營tī Lîm-bûn-phàⁿ-lia̍t。
33:20 Tùi Lîm-bûn-phàⁿ-lia̍t出發，紮營tī立拿。
33:21 Tùi立拿出發，紮營tī Le̍k-sat。
33:22 Tùi Le̍k-sat出發，紮營tī Ki-hi-la̍h-tha。
33:23 Tùi Ki-hi-la̍h-tha出發，紮營tī Sa-húi山。
33:24 Tùi Sa-húi山出發，紮營tī Hap-la̍h-tāi。
33:25 Tùi Hap-la̍h-tāi出發，紮營tī Ma-kiat-hi-lio̍k。
33:26 Tùi Ma-kiat-hi-lio̍k出發，紮營tī他哈。
33:27 Tùi他哈出發，紮營tī他拉。
33:28 Tùi他拉出發，紮營tī密迦。
33:29 Tùi密迦出發，紮營tī Hap-mô͘-ná。
33:30 Tùi Hap-mô͘-ná出發，紮營tī Mô͘-se-lio̍k。
33:31 Tùi Mô͘-se-lio̍k出發，紮營tī Bi-ne-ah-kan。
33:32 Tùi Bi-ne-ah-kan出發，紮營tī Hat-hap-ki̍p-kah。
33:33 Tùi Hat-hap-ki̍p-kah出發，紮營tī Iok-pa-tha。
33:34 Tùi Iok-pa-tha出發，紮營tī A-phok-ná。
33:35 Tùi A-phok-ná出發，紮營tī 以旬迦別。
33:36 Tùi 以旬迦別出發，紮營tī尋ê曠野，to̍h是加低斯。
33:37 Tùi加低斯出發，紮營tī何珥山，以東地ê邊界。
33:38 邊界
以色列人出埃及地ê四十年，五月初一，祭司亞倫遵thàn上主ê命令，上何珥山，就死tī hia。
33:39 亞倫死tī何珥山ê時，一百二十三歲。
33:40 Tòa tī迦南地南方ê迦南人亞拉得王，伊聽tio̍h以色列人來à。
33:41 以色列人tùi何珥山出發，紮營tī Sat-mô͘-ná。
33:42 Tùi Sat-mô͘-ná出發，紮營tī Phó͘-lùn。
33:43 Tùi Phó͘-lùn出發，紮營tī俄伯。
33:44 Tùi俄伯出發，紮營tī Í-iâ-a-pa-lîm，摩押ê邊界。
33:45 Tùi Í-ìn出發，紮營tī Tí-pún-ka-tek。
33:46 Tùi Tí-pún-ka-tek出發，紮營tī A-bûn-te-pí-la̍h-thài-im。
33:47 Tùi A-bûn-te-pí-la̍h-thài-im出發，紮營tī尼波對面ê亞巴琳山。
33:48 Tùi亞巴琳山出發，紮營tī摩押ê平原，約旦河邊，耶利哥城對面。
33:49 In紮營tī約旦河ê河邊，tùi Pak-iâ-se-boat到A-pek-si̍p-têng，tī摩押平原。
33:50 過約旦河前ê指示
上主tī摩押平原，約旦河邊，耶利哥城對面，吩咐摩西講：
33:51 「你tio̍h吩咐以色列人，kā in講：Lín過約旦河入去迦南地ê時，
33:52 tio̍h tùi lín面前趕出所有tòa tī hia ê人民，kā in毀滅一切phah成ê石像，koh kā in毀滅一切鎔鑄ê偶像，koh拆毀in所有ê山頭壇。
33:53 Lín tio̍h佔hit所在，mā tio̍h tòa tī hia，因為我kā hit所在賞賜hō͘ lín做產業。
33:54 Lín tio̍h照大家拈鬮承接hitê地，人chē-ê tio̍h分產業khah chē hō͘ in，人少ê tio̍h分產業khah少hō͘ in；看人拈tio̍h啥物所在，hit所在就歸伊；照lín祖先ê支族，lín tio̍h來kā它承接。
33:55 設使lín無趕出tòa tī hit所在ê人民，lín所容允伊tòa-teh ê人民，to̍h ē做lín目chiu 中ê刺，脇下ê草刺；in mā ētī lín所tòa ê地kā lín迫害。
33:56 而且我ē kā lín款待，親像我bat想beh款待in ê款式。」
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。