民數記 線上收聽:中文和合本 現代中文譯本修訂版 現代台語 台語聖經 客語 希伯來文讀經 下載檔案 關於語音聖經
33:1 Tùi Ai-gi̍p Kàu Mô͘-ap
I-su-la-el lâng chiàu kun-tūi, tī Mô͘-se kah A-lông ê chhiú-hā, chhut Ai-gi̍p tē só͘ kiâⁿ ê lō͘-thêng, kì tī ē-bīn.
33:2 Mô͘-se chiàu Siōng-chú ê bēng-lēng kì-chài in chhut-hoat só͘ kiâⁿ ê lō͘-thêng, in chhut-hoat kiâⁿ ê lō͘-thêng to̍h-sī ánne.
33:3 Chiaⁿ-goe̍h kan, tī chiaⁿ-.goe̍h cha̍p-gō͘, to̍h-sī Pôaⁿ-kòe-cheh ê tē-jī ji̍t, I-su-la-el lâng tùi Lâm-sek chhut-hoat, tī Ai-gi̍p kûn-chiòng ê ba̍k-chiu chêng, khò tōa koân-lêng ê chhiú chhut-.khì.
33:4 Hit sî, Ai-gi̍p lâng teh bâi-chòng in só͘-ū ê tōa-kiáⁿ, to̍h-sī Siōng-chú tī in tiong-kan só͘ phah-sí ê; Siōng-chú mā khián-chek in hiahê sîn-bêng.
33:5 I-su-la-el lâng tùi Lâm-sek chhut-hoat, chat iâⁿ tī Su-kot.
33:6 Tùi Su-kot chhut-hoat, chat iâⁿ tī kīn khòng-iá ê E-thám.
33:7 Tùi E-thám chhut-hoat, oa̍t-tńg kàu Pi-hap-hi-lio̍k, to̍h-sī tī Pa-le̍k-sé-hun ê tùi-bīn, chiū chat iâⁿ tī Mik-tol ê thâu-chêng.
33:8 Tùi Pí-hap-hi-lio̍k tùi-bīn chhut-hoat, keng-kòe hái tiong kàu khòng-iá, koh tī Í-thóng ê khòng-iá kiâⁿ saⁿ ji̍t ê lō͘-thêng, chiū chat iâⁿ tī Mah-la̍h.
33:9 In tùi Mah-la̍h chhut-hoat, lâi-kàu E-lîm; E-lîm ū cha̍p-jī tiâu chúi-chôaⁿ, chhit-cha̍p châng chó chhiū, chiū tī hia chat iâⁿ.
33:10 Tùi E-lîm chhut-hoat, chat iâⁿ tī Âng-hái kîⁿ.
33:11 Tùi Âng-hái kîⁿ chhut-hoat, chat iâⁿ tī Sìn ê khòng-iá.
33:12 Tùi Sìn ê khòng-iá chhut-hoat, chat iâⁿ tī Thoat-ka.
33:13 Tùi Thoat-ka chhut-hoat, chat iâⁿ tī A-lio̍k.
33:14 Tùi A-lio̍k chhut-hoat, chat iâⁿ tī Le-hui-tim; tī hia bô chúi thang hō͘ jîn-bîn lim.
33:15 Tùi Le-hui-tim chhut-hoat, chat iâⁿ tī Si-nái ê khòng-iá.
33:16 Tùi Si-nái ê khòng-iá chhut-hoat, chat iâⁿ tī Ki-bú-lo̍t-hat-ta-bah.
33:17 Tùi Ki-bú-lo̍t-hat-ta-bah chhut-hoat, chat iâⁿ tī Ha-che-lot.
33:18 Τùi Ha-che-lot chhut-hoat, chat iâⁿ tī Lī-thê-má.
33:19 Tùi Lī-thê-má chhut-hoat, chat iâⁿ tī Lîm-bûn-phàⁿ-lia̍t.
33:20 Tùi Lîm-bûn-phàⁿ-lia̍t chhut-hoat, chat iâⁿ tī Lip-nah.
33:21 Tùi Lip-nah chhut-hoat, chat iâⁿ tī Le̍k-sat.
33:22 Tùi Le̍k-sat chhut-hoat, chat iâⁿ tī Ki-hi-la̍h-tha.
33:23 Tùi Ki-hi-la̍h-tha chhut-hoat, chat iâⁿ tī Sa-húi soaⁿ.
33:24 Tùi Sa-húi soaⁿ chhut-hoat, chat iâⁿ tī Hap-la̍h-tāi.
33:25 Tùi Hap-la̍h-tāi chhut-hoat, chat iâⁿ tī Ma-kiat-hi-lio̍k.
33:26 Tùi Ma-kiat-hi-lio̍k chhut-hoat, chat iâⁿ tī Tha-hat.
33:27 Tùi Tha-hat chhut-hoat, chat iâⁿ tī Tha-la̍h.
33:28 Tùi Tha-la̍h chhut-hoat, chat iâⁿ tī Mil-kah.
33:29 Tùi Mil-kah chhut-hoat, chat iâⁿ tī Hap-mô͘-ná.
33:30 Tùi Hap-mô͘-ná chhut-hoat, chat iâⁿ tī Mô͘-se-lio̍k.
33:31 Tùi Mô͘-se-lio̍k chhut-hoat, chat iâⁿ tī Bi-ne-ah-kan.
33:32 Tùi Bi-ne-ah-kan chhut-hoat, chat iâⁿ tī Hat-hap-ki̍p-kah.
33:33 Tùi Hat-hap-ki̍p-kah chhut-hoat, chat iâⁿ tī Iok-pa-tha.
33:34 Tùi Iok-pa-tha chhut-hoat, chat iâⁿ tī A-phok-ná.
33:35 Tùi A-phok-ná chhut-hoat, chat iâⁿ tī E-chióng-ge-bel.
33:36 Tùi E-chióng-ge-bel chhut-hoat, chat iâⁿ tī Chîn ê khòng-iá, to̍h-sī Ka-té-si.
33:37 Tùi Ka-té-si chhut-hoat, chat iâⁿ tī Hol soaⁿ, E-tóm tē ê pian-kài.
33:38 Pian-kài
I-su-la-el lâng chhut Ai-gi̍p tē ê sì-cha̍p nî, gō͘-goe̍h chhe-it, chè-si A-lông chun-thàn Siōng-chú ê bēng-lēng, chiūⁿ Hol soaⁿ, chiū sí tī hia.
33:39 A-lông sí tī Hol soaⁿ ê sî, chi̍t-pah jī-cha̍p saⁿ hòe.
33:40 Tòa tī Ka-nân tē lâm-hong ê Ka-nân lâng A-la̍t ông, i thiaⁿ tio̍h I-su-la-el lâng lâi à.
33:41 I-su-la-el lâng tùi Hol soaⁿ chhut-hoat, chat iâⁿ tī Sat-mô͘-ná.
33:42 Tùi Sat-mô͘-ná chhut-hoat, chat iâⁿ tī Phó͘-lùn.
33:43 Tùi Phó͘-lùn chhut-hoat, chat iâⁿ tī O͘-biat.
33:44 Tùi O͘-biat chhut-hoat, chat iâⁿ tī Í-iâ-a-pa-lîm, Mô͘-ap ê pian-kài.
33:45 Tùi Í-ìn chhut-hoat, chat iâⁿ tī Tí-pún-ka-tek.
33:46 Tùi Tí-pún-ka-tek chhut-hoat, chat iâⁿ tī A-bûn-te-pí-la̍h-thài-im.
33:47 Tùi A-bûn-te-pí-la̍h-thài-im chhut-hoat, chat iâⁿ tī Ne-bó tùi-bīn ê A-bá-lîm soaⁿ.
33:48 Tùi A-bá-lîm soaⁿ chhut-hoat, chat iâⁿ tī Mô͘-ap ê pêng-goân, Iol-tàn hô piⁿ, I-é-lī-kho siâⁿ tùi-bīn.
33:49 In chat iâⁿ tī Iol-tàn hô ê hô piⁿ, tùi Pak-iâ-se-boat kàu A-pek-si̍p-têng, tī Mô͘-ap pêng-goân.
33:50 Kòe Iol-tàn Hô Chêng ê Chí-sī
Siōng-chú tī Mô͘-ap pêng-goân, Iol-tàn hô piⁿ, I-é-lī-kho siâⁿ tùi-bīn, hoan-hù Mô͘-se kóng,
33:51 " Lí tio̍h hoan-hù I-su-la-el lâng, kā in kóng: Lín kòe Iol-tàn hô ji̍p-khì Ka-nân tē ê sî,
33:52 tio̍h tùi lín bīn-chêng kóaⁿ-chhut só͘-ū tòa tī hia ê jîn-bîn, kā in húi-bia̍t it-chhè phah-chiâⁿ ê chio̍h-siōng, koh kā in húi-bia̍t it-chhè iûⁿ-chù ê ngó͘-siōng, koh thiah-húi in só͘-ū ê soaⁿ-thâu tôaⁿ.
33:53 Lín tio̍h chiàm hit só͘-chāi, mā tio̍h tòa tī hia, in-ūi Góa kā hit só͘-chāi siúⁿ-sù hō͘ lín chò sán-gia̍p.
33:54 Lín tio̍h chiàu tāi-ke liam-khau sêng-chiap hit-ê tē, lâng chē ê tio̍h pun sán-gia̍p khah chē hō͘ in, lâng chió ê tio̍h pun sán-gia̍p khah chió hō͘ in; khòaⁿ lâng liam tio̍h siáⁿ-mi̍h só͘-chāi, hit só͘-chāi chiū kui i; chiàu lín chó͘-sian ê chi-cho̍k, lín tio̍h lâi kā i sêng-chiap.
33:55 Siat-sú lín bô kóaⁿ-chhut tòa tī hit só͘-chāi ê jîn-bîn, lín só͘ iông-ín i tòa-teh ê jîn-bîn, chiū ē chò lín ba̍k-chiu tiong ê chhì, hia̍p-ē ê chháu-chhì; in mā ē tī lín só͘ tòa ê tē kā lín pek-hāi.
33:56 Jî-chhiáⁿ Góa ē kā lín khoán-thāi, chhin-chhiūⁿ Góa bat siūⁿ beh khoán-thāi in ê khoán-sit. "
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。