民數記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
32:1 約旦河東岸ê支族
(申3：12-22)
流便ê kiáⁿ孫kah迦得ê kiáⁿ孫，in ê chengseⁿ非常chē；in看tio̍h雅謝ê地kah基列ê地，是thang飼chengseⁿ ê所在。
32:2 迦得ê kiáⁿ孫kah流便ê kiáⁿ孫，to̍h來見摩西kah祭司以利亞撒，以及會眾ê首領，kā in講：
32:3 「A-tāi-lio̍k、底本、雅謝、Lêng-la̍h、希實本、以利亞利、Sī-pan、尼波、Pí-ún，
32:4 to̍h是上主tī以色列會眾ê面前所征服ê地，是thang飼chengseⁿ ê地，你ê奴僕mā有chengseⁿ。」
32:5 Koh講：「阮若tī你ê面前得tio̍h恩典，求你用chitê地hō͘你ê奴僕做產業，m̄ thang chhōa阮過約旦河。」
32:6 摩西對迦得ê kiáⁿ孫kah流便ê kiáⁿ孫講：「總無lín ê兄弟去爭戰，lín mā坐tī chia；
32:7 lín ná ē hō͘以色列人餒志，無ài入去上主所賞賜hō͘ in hitê地？
32:8 我以前tùi 加低斯巴尼亞差lín ê老父去探看hitê地，in mā是ánne去做。
32:9 因為in去以實各ê山谷去看hitê地ê時，有hō͘以色列人餒志，無ài入去上主所賞賜hō͘ in ê地。
32:10 Hit日上主發出受氣，to̍h chiùchōa講：
32:11 「見若tùi埃及起來二十歲以上ê人，絕對bē tàng看tio̍h我對亞伯拉罕、以撒、雅各，chiùchōa應允ê地，因為in無專心跟tòe我。
32:12 獨獨Ki-nî-sé族，耶孚尼ê kiáⁿ迦勒kah嫩ê kiáⁿ約書亞thang看tio̍h，因為in有專心tòe上主。
32:13 上主對以色列人受氣，hō͘ in tī曠野漂流四十年，thèng候hit代tī上主ê面前行pháiⁿ ê人lóng消滅。
32:14 你看，lín起來續接lín ê老父，加添罪人ê數額，hō͘上主koh khah對以色列受氣。
32:15 Lín若oa̍t倒tńg無tòe祂，祂ēkoh kā in放sak tī曠野，lín to̍h是滅亡chiahê眾人。
32:16 In óa近摩西講：「阮beh tī chia為阮ê chengseⁿ做稠，為阮ê gín-á起城。
32:17 總是，阮本身beh帶軍器，行tī以色列人ê頭前，thèng候阮chhōa in到in ê所在；因為tòa chitê地ê人民ê緣故，獨獨阮ê gín-á會tòa tī堅固ê城內。
32:18 阮m̄ tńg去阮厝，阮beh thèng候以色列人ta̍k个lóng得tio̍h伊ê產業。
32:19 阮無beh kah in tī約旦河hit-pêng koh去ê地得tio̍h產業，因為阮ê產業是在tī約旦河東pêng chit pêng。」
32:20 摩西對in講：「Lín若beh ánne行，tio̍h tī上主ê面前帶軍器出去交戰，
32:21 lín所有帶軍器ê人，若tī上主ê面前過約旦河，thèng候祂tùi祂ê面前趕出祂ê對敵。
32:22 Hitê地已經hō͘上主khah贏，然後lín thang tńg來；tī上主kah以色列ê面前，lín to̍h無罪，chitê地ē tī上主ê面前hō͘ lín做產業。
32:23 設使lín無ánne行，to̍h是得罪上主，lín tio̍h知lín ê罪ē kā lín jiok。
32:24 Taⁿ tio̍h kā lín ê gín-á起城，kā lín ê羊群做稠，照lín ê嘴所講ê去行。」
32:25 迦得ê kiáⁿ孫kah流便ê kiáⁿ孫對摩西講：「你ê奴僕beh照我ê主所吩咐ê去行。
32:26 阮ê gín-á，阮ê bó͘，阮ê羊群，阮ê chengseⁿ，lóng beh留tī基列chiahê城。
32:27 總是，你ê奴僕，見若帶軍器ê lóngē照我ê主所講ê話，tī上主ê面前過去交戰。」
32:28 摩西to̍h為tio̍h in吩咐祭司以利亞撒，kah嫩ê kiáⁿ約書亞，以及以色列眾支族ê族長。
32:29 摩西對in講：「迦得ê kiáⁿ孫kah流便ê kiáⁿ孫，in若kah lín過約旦河，ta̍k人gia̍h ke-si tī上主ê面前去交戰，hitê地hō͘ lín khah贏，lín to̍htioh8用基列 地hō͘ in做產業。
32:30 設使in m̄帶軍器kah lín過去，in to̍hti7迦南地tùi lín中間得tio̍h產業。」
32:31 迦得ê kiáⁿ孫kah流便ê kiáⁿ孫應講：「上主對阮所講ê，你ê奴僕就ánne行。
32:32 阮會帶軍器，tī上主ê面前過去入迦南地，獨獨約旦河外，阮所得tio̍h做產業ê地，猶原歸阮。」
32:33 摩西to̍h kā亞摩利王西宏ê國kah巴珊王噩ê國，hitê地kah它境內chiahê城，to̍h是四箍圍chiahê城，lóng hō͘迦得ê kiáⁿ孫kah流便ê kiáⁿ孫，以及約瑟ê kiáⁿ瑪拿西ê半支族。
32:34 迦得ê kiáⁿ孫所起底本、A-tha-lio̍k、亞羅珥、
32:35 A-tha-lio̍k-sok-hoán、雅謝、Iok-pí-hap、
32:36 Pek-lêng-la̍h kah Pek-hap-lân，lóng是堅固ê城；in koh有起羊椆。
32:37 流便ê kiáⁿ孫所起希實本、以利亞利、基列亭、
32:38 尼波、Ba-al-me-óng(已經換in ê名，) koh起西比瑪；in用新ê名來號所起chiahê城。
32:39 瑪拿西ê kiáⁿ瑪吉，伊ê kiáⁿ孫去基列佔hitê地，趕出hit所在ê亞摩利人。
32:40 摩西kā基列hō͘瑪拿西ê kiáⁿ瑪吉，伊to̍htoa3 tī hia。
32:41 瑪拿西ê kiáⁿ 睚珥去佔hiahê庄頭，to̍h kā伊稱做Hap-úi-te̍k-gāi-jíⁿ。
32:42 Lô-pa去佔基納kah基納chiahê庄頭，就照kakī ê名kā伊稱做Lô-pa。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。