民數記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
22:1 摩押王召見巴蘭
以色列人出發，紮營tī摩押ê平原，tī約旦河外，耶利哥城ê對面。
22:2 西撥ê kiáⁿ巴力看tio̍h以色列人對亞摩利人所行一切ê tāichì。
22:3 摩押真驚hiahê人民，因為in真chē，摩押因為以色列人民，心to̍h tio̍h急。
22:4 摩押kā米甸ê長老講：「Taⁿ chit群人beh全部食咱四箍圍所有ê，親像牛食田裡ê草一樣。」Hit時，西撥 ê kiáⁿ巴勒做摩押王。
22:5 伊差使者去大河邊ê Pî-toat，到比珥ê kiáⁿ巴蘭ê本所在叫伊來，講：「你看，有一个民族tùi埃及出來；你看，in jia滿地面，mā tòa tī我ê對面。
22:6 Taⁿ請你來，kā我咒詛chiahê人民，因為in比我khah強；kiámchhái我ēphah贏in，kā in趕出chitê所在；因為我知你所祝福ê，to̍h得tio̍h福氣，你所咒詛ê，就受咒詛。」
22:7 摩押長老kah米甸ê長老to̍h出發，手帶卜卦ê禮，去到巴蘭 hia，kā巴勒ê話對伊講。
22:8 伊對in講：「今暝lín歇chia；照上主所吩咐我ê，我ē kā lín回覆。」摩押ê首領就歇tī巴蘭hia。
22:9 上帝臨到巴蘭，問伊講：「kah你tòa做伙hiahê人是啥人？」
22:10 巴蘭應上帝講：「是摩押王西撥 ê kiáⁿ差人來到我chia，講：
22:11 『你看，有人民tùi埃及出來，jia滿地面；請你來替我kā in咒詛，kiámchhái我ēthâi贏in，kā in趕出去。』」
22:12 上帝對巴蘭講：「你m̄ thang kah in去，mā m̄ thang咒詛chiahê人民，因為in是得tio̍h福氣ê。」
22:13 巴蘭透早起來，對巴勒ê首領講：「Lín tńg去lín ê所在，因為上主m̄准我kah lín去。」
22:14 摩押ê首領to̍h起來，tńg去巴勒hia，講：「巴蘭m̄肯kah阮來。」
22:15 巴勒koh差首領，比以前khah chē，khah尊貴ê。
22:16 In到巴蘭hia，對伊講：「西撥 ê kiáⁿ巴勒ánne講：『求你m̄ thang hō͘啥物tāichì阻擋你無來我chia。
22:17 因為我beh hō͘你得tio̍h極大ê尊貴。見若你對我講啥物，我ē照ánne行；所以，請你來，kā我咒詛chiahê人民。』」
22:18 巴蘭對巴勒chiahê人臣講：「巴勒若用滿厝ê金銀hō͘我，我mā m̄敢pôaⁿ過我ê上帝ê誡命，來加減行。
22:19 請lín今暝koh歇chia，thèng候我看上主ēkoh kā我講啥物。」
22:20 Hit暝，上帝臨到巴蘭hia，講：「Chiahê人若來叫你，你to̍h起來kah伊去，總是，我所kā你講ê，你tio̍h遵thàn。
22:21 巴蘭早起起來，準備驢á，kah摩押ê首領做伙去。
22:22 巴蘭kah伊ê驢á
上帝因為巴蘭去，就受氣；上主ê使者khiā tī路裡來kā伊抵敵；伊騎驢á，兩 个奴僕跟tòe伊。
22:23 驢á看tio̍h上主ê使者khiā tī路裡，手裡拔刀；驢a2to̍h對路裡siám入去園內；巴蘭就phah驢á beh hō͘伊歸原路。
22:24 上主ê使者to̍h khiā tī葡萄園ê狹路，chit pêng有牆，hit-pêng mā有牆。
22:25 驢á看tio̍h上主ê使者，就閃óa hitê牆，kā巴蘭ê腳kheh tī牆裡；巴蘭to̍h koh kā牠phah。
22:26 上主ê使者koh進前去，khiā tī狹狹ê所在，雙pêng無路thang oat。
22:27 驢á看tio̍h上主ê使者，to̍h仆tī巴蘭ê下底，巴蘭受氣，to̍h用柺á phah驢á。
22:28 上主開驢á ê嘴，驢á對巴蘭講：「我對你做啥物，你竟然phah我三pái？」
22:29 巴蘭對驢á講：「因為你kā我戲弄；我恨手裡無刀；若有，我to̍hē kā你thâi死。」
22:30 驢á對巴蘭講：「我kám m̄是你ê驢á，你一生所騎ê？我平時kám bat對你ánne做？」巴蘭講：「M̄-bat。」
22:31 Hit時，上主開巴蘭ê目chiu ，伊to̍h看tio̍h上主ê使者khiā tī路裡，手拔刀；巴蘭就àⁿ頭仆tī地裡。
22:32 上主ê使者對伊講：「你ná ē三pái phah你ê驢á？你看，我出來抵敵你，因為你tī我ê面前所行ê是悖逆。
22:33 驢á看tio̍h我，就閃避我三pái；設使驢á無閃避我，我已經kā你thâi死，hō͘驢á活leh。」
22:34 巴蘭對上主ê使者講：「我有犯罪à，我m̄知你khiā tī路裡阻擋我；你若無歡喜我去，我to̍h倒tńg去。」
22:35 上主ê使者對巴蘭講：「你kah chiahê人去！總是，你只有thang講我所beh對你講ê。」巴蘭to̍h kah巴勒ê首領做伙去。
22:36 巴勒歡迎巴蘭
巴勒聽tio̍h巴蘭來，to̍h去摩押城kā伊迎接；chitê城是tī邊界ê極頭，tī亞嫩ê邊á。
22:37 巴勒對巴蘭講：「我kám m̄是迫切差人到你hia去叫你？你ná ē無來我chia？我kám bē真正hō͘你尊貴？」
22:38 巴蘭應巴勒講：「我taⁿ來到你chia，我kám有權thang講啥物？上帝用啥物話交帶我，我to̍hánne講。」
22:39 巴蘭kah巴勒做伙行，來到Ki-lia̍t-ô͘-só。
22:40 巴勒thâi牛羊獻祭，to̍h送hō͘ 巴蘭以及kah伊tī hia ê首領。
22:41 巴蘭第一pái ê預言
到隔工早起，巴勒chhōa 巴蘭到巴勒ê高位；巴蘭tùi hia看以色列人民極頭ê所在。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。