民數記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
21:1 戰贏迦南人
Tòa tī南方ê迦南人，亞拉得王聽tio̍h以色列人tùi A-tha-lîm hit-pêng來，to̍h kah以色列人交戰，kā in幾nā个人掠起來。
21:2 以色列人對上主發願，講：「祢若真正kā chiahê人民交tī我ê手，我to̍hē kā in ê城全部剿滅。」
21:3 上主聽以色列人ê聲，kā迦南人交帶in；in to̍hka7迦南人kah in ê城全部消滅。Hit所在ê名to̍h叫做何珥瑪。
21:4 用銅鑄ê蛇
In tùi何珥山出發，tùi紅海ê路去，beh se̍h過以東ê地。人民為tio̍h所行ê路，心不止餒志，
21:5 就嫌上帝kah摩西講：「Lín ná ē chhōa阮出埃及，hō͘阮死tī chitê曠野？因為無餅，無水，阮ê心討厭chitê無味無素ê食物。」
21:6 上主to̍h差火蛇入去人民ê中間咬人民，以色列人死真chē。
21:7 人民來到摩西hia，講：「阮有犯罪，因為阮有嫌上主kah你。請你求上主hō͘ chiahê蛇離開阮。」摩西to̍h替人民求上主赦免。
21:8 上主對摩西講：「你做一尾火蛇，掛tī旗桿ê頂面；見若hō͘伊咬tio̍h ê人一下看，to̍h ē活。」
21:9 摩西to̍h做一尾銅蛇，掛tī旗桿頂；見若hō͘蛇咬tio̍h ê人，一下看tio̍h chitê銅蛇，to̍h ē活起來。
21:10 Tùi何珥山到摩押ê山谷
以色列人出發，紮營tī O-po̍k。
21:11 Koh tùi O-po̍k出發，紮營tī Í-iâ-a-pa-lîm，to̍h是ǹg日出ê所在kah摩押相對ê曠野。
21:12 Tùi hia出發，紮營tī Sat-lia̍t ê山谷。
21:13 Tùi-hia出發，紮營tī亞嫩ê hit-pêng，to̍h是tī曠野，tùi亞摩利ê地界出來；因為亞嫩是摩押ê交界，tī摩押kah亞摩利ê中間。
21:14 所以，上主交戰ê冊有講：So͘-hoat ê Oa-hap-pek kah亞嫩hiahê山谷，
21:15 以及chiahê山谷ê水泉，to̍h是ǹg亞珥tòa ê所在，óa近摩押ê境界。
21:16 In tùi hia到比珥；這to̍h是上主bat對摩西所講起ê井，講：「你聚集人民，我beh用水hō͘ in lim。」
21:17 Hit時，以色列人唱歌，講：井ah，chhèng出來！Lín tio̍h對它唱歌。
21:18 Chit口井是首領開ê，人民尊貴ê人，用權柄，用in ê柺á掘ê。 In tùi曠野去Má-tha-ná，
21:19 tùi Má-tha-ná到Ná-ha̍p-lia̍t，tùi Ná-ha̍p-lia̍t到Pa-boa̍t；
21:20 tùi Pa-boat到摩押地ê山谷，到hitê看落去，會看tio̍h曠野ê毗斯迦ê山頂。
21:21 戰贏亞摩利王kah巴珊王
以色列人差使者去見亞摩利人ê王西宏，講：
21:22 「求你容允我tùi你ê地經過，阮無偏tī田園kah葡萄園；阮mā無beh lim井裡ê水，獨獨行大路，直直經過你ê地界。」
21:23 西宏m̄准以色列人經過伊ê境界，伊to̍h聚集伊ê群眾出來到曠野，beh抵敵以色列人，來到雅雜kah以色列人交戰。
21:24 以色列人用刀kā伊thâi，佔伊ê地，tùi亞嫩到雅博，直直到亞捫人hia，因為亞捫人ê地界真堅固。
21:25 以色列人kā它征服所有ê城，以色列人mā tòa亞摩利ê城，tī希實本kah她所有ê城。
21:26 Chitê希實本是亞摩利王西宏ê城，伊bat kah摩押前ê王交戰，tùi伊ê手搶全地，一直到亞嫩。
21:27 所以，做詩ê人念，講：Lín tio̍h來希實本，願西宏ê城得tio̍h起造，koh堅固。
21:28 因為有火tùi希實本出，有火焰tùi西宏ê城發，燒毀摩押ê亞珥kah亞嫩高地ê主。
21:29 摩押，你有災禍！基抹ê人民，lín滅亡ā！Hō͘伊ê chapo͘丁做逃走ê，chabó͘ kiáⁿ做受掠ê，交hō͘亞摩利王西宏。
21:30 阮kā in射，希實本到底本全部毀滅，阮hō͘地拋荒，一直到Lô-hoat，to̍h是到米底巴。
21:31 Án-ne，以色列人to̍htoa3 tī亞摩利人ê地。
21:32 摩西差人去探看雅謝，就取in hiahê庄頭，kā tòa hia ê亞摩利人趕出去。
21:33 以色列oat tùi巴珊ê路去，巴珊王噩kah伊ê群眾lóng出來kā in抵敵，tī 以得來kah in交戰。
21:34 上主對摩西講：「M̄免驚in，因為我已經kā伊kah伊ê群眾，以及伊ê地lóng交tī你ê手；你tio̍h kā伊款待，kah你bat款待tòa tī希實本ê亞摩利王西宏相siâng。」
21:35 Into̍h kā伊kah伊hiahê kiáⁿ，以及伊ê人民phah，無kā伊留kah一个，to̍h得tio̍h伊ê地。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。