民數記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
16:1 可拉、大坍kah亞比蘭ê造反
利未ê干á孫，哥轄ê孫，以斯哈ê kiáⁿ可拉，kah流便ê kiáⁿ孫中以利押 ê kiáⁿ大坍、亞比蘭，kah Pe-liat ê kiáⁿ An，做伙結一黨，
16:2 kah以色列中ê人，to̍h是會中ê首領兩百五十人，是有名望受揀召赴會ê人，做伙起來tī摩西ê面前。
16:3 In聚集攻擊摩西kah亞倫講：「Lín僭權，全會眾ta̍k人lóng是聖，上主mā tī in中間，lín ná ē驕傲pôaⁿ過上主ê會眾？」
16:4 摩西聽tio̍h chitê話to̍h仆tī地裡，
16:5 對可拉kah伊ê全黨ê人講：「到明á早起，上主ē指示啥人是屬祂ê，啥人是聖，to̍h ēhō͘ hitê人親近祂；祂所揀選ê人beh hō͘ in親近祂。
16:6 Lín tio̍h ánne行，可拉kah伊ê黨tio̍h the̍h香爐。
16:7 明á載tī上主ê面前，用火貯tī hit內面，hē香tī hit頂面；上主所揀選ê人，伊beh做聖；lín利未ê kiáⁿ孫僭權！」
16:8 摩西koh對可拉講：「利未ê kiáⁿ孫，lín tio̍h聽，
16:9 以色列ê上帝對以色列ê會中kā lín分別出來，hō͘ lín親近祂，辦上主ē幕ê tāichì，mā khiā tī會眾ê面前來做in ê差用。
16:10 祂koh hō͘你，kah你所有ê兄弟—利未ê kiáⁿ孫，做伙親近祂，lín kám掠這做小khóa？Lín kám iáu koh要求祭司ê職？
16:11 所以，你kah你ê黨聚集，是teh攻擊上主。亞倫是啥物，lín竟然對伊哀怨？」
16:12 摩西差人去叫以利押ê kiáⁿ大坍kah亞比蘭，in講：「阮m̄去！
16:13 你chhōa阮tùi tiāⁿ-tiāⁿ 流奶kah蜜ê地起來，beh tī曠野kā阮thâi死，這kám是小khóa？你iáu koh beh kakī 設立做君王來kā阮管轄？
16:14 而且你無影chhōa阮到流奶kah蜜ê地，mā無用田園kah葡萄園hō͘阮做產業。總無你beh搤chiahê人ê目chiu ？阮無beh去！」
16:15 摩西非常受氣，對上主講：「求祢m̄ thang鑒納in所獻ê；我並無牽in一隻驢á，mā無害in一个人。」
16:16 摩西對可拉講：「你kah你ê黨hiahê人，kah亞倫，明á載lóng tio̍h來khiā tī上主ê面前。
16:17 Lín ta̍k人帶kakī ê香爐，共兩百五十個，hē香tī hit頂面，ta̍k人帶伊kakī ê香爐來到上主ê面前。你kah亞倫mā各帶kakī ê香爐。
16:18 就ánne，in ta̍k人the̍h伊kakī ê香爐，貯火tī hit內面，hē香tī hit頂面，kah摩西kah亞倫khiā tī會幕門口。
16:19 可拉招集會眾到會幕門口，kā in攻擊；上主ê榮光顯現tī會眾。
16:20 上主吩咐摩西kah亞倫講：
16:21 「Lín tio̍h離開chitê ē中，我thang tī一目nih久ê中間kā in剿滅。」
16:22 Into̍h仆tī地裡，講：「上帝ah，賞賜活命hō͘見若有肉體ê上帝ah，一个人犯罪，祢kam2to̍h beh受氣全會眾？」
16:23 上主吩咐摩西講：
16:24 「你tio̍h吩咐會眾，對in講：『Lín tio̍h離開可拉、大坍kah亞比蘭ê布棚ê四箍圍。』」
16:25 摩西起來去大坍kah亞比蘭hia，以色列ê長老mā tòe伊去。
16:26 伊吩咐會眾講：「Lín tio̍h離開chiahê pháiⁿ人ê布棚，in ê物件lóng m̄ thang摸，恐驚lín mā受滅tī in ê罪中。」
16:27 Into̍h離開可拉、大坍kah亞比蘭ê布棚ê四箍圍。大坍、亞比蘭kah in ê bó͘，in ê kiáⁿ，in ê細漢gín-á，lóng出來khiā tī in kakī ê布棚門口。
16:28 摩西講：「上主差我行這一切ê tāichì，lín 就ánne thang知，因為我m̄是硬硬beh ánne做。
16:29 設使chiahê人死去親像平常人ê死，in所tú tio̍h親像平常人所tú ·tio̍h ê，上主to̍h無差我。
16:30 設使上主做一項新ê tāichì，hō͘地開嘴，kā in kah所有屬in ê物件lóng吞落去，hō͘ in活活墮落陰間，lín to̍h知chiahê人是teh藐視上主。
16:31 摩西tú-á講soah chiahê話，in下面ê地to̍h裂開。
16:32 地to̍h開嘴，kā in kah in ê家眷，以及一切屬可拉ê人丁、財物，lóng吞落去。
16:33 Hiahê人kah所有屬in ê，lóng活活落陰間；地to̍h koh合óa tī in ê頂面，in to̍htui3會中滅亡。
16:34 Tī in四箍圍ê以色列人，聽tio̍h in大聲hoah，to̍h lóng逃走，講：「恐驚地mā kā咱吞落去。」
16:35 Koh有火tùi上主hia發出，吞滅hiahê獻香ê兩百五十人。
16:36 香爐
上主吩咐摩西講：
16:37 「你tio̍h吩咐祭司亞倫ê kiáⁿ以利亞撒，tùi火中拾hiahê香爐起來，kā hia ê火phah散，因為hiahê香爐已經是聖。
16:38 用hiahê犯罪害kakī ê性命ê人ê香爐，鎚做kui片，來an祭壇。因為in獻tī上主ê面前，所以，是聖ê，thang hō͘以色列人做鑑戒。
16:39 祭司以利亞撒就the̍h hiahê人所獻ê銅爐，搥做kui片，來an祭壇，
16:40 hō͘以色列人做鑑戒，hō͘外面ê人m̄是屬亞倫ê kiáⁿ孫ê，bē tàng óa近上主來燒香，免得in親像可拉kah伊ê黨。這是照上主託摩西所命令ê。
16:41 亞南救民眾
隔tńg工，以色列全會眾lóng哀怨摩西kah亞倫，講：「Lín害死上主ê子民。」
16:42 會眾聚集攻擊摩西kah亞倫ê時，ǹg會幕看，你看，有雲蓋teh，上主ê榮光顯現。
16:43 摩西kah亞倫to̍h來到會幕前。
16:44 上主吩咐摩西講：
16:45 「Lín tio̍h離開chitê ē中，hō͘我thang tī一目nih久ê中間kā in滅亡。In兩人to̍h仆tī地裡。
16:46 摩西對亞倫講：「The̍h hitê香爐，用壇頂ê火貯tī hit中間，hē香tī hit頂面，趕緊帶到會眾hia，kā in贖罪；因為有大受氣tùi上主發出，瘟疫已經teh發作。」
16:47 亞倫照摩西所講ê the̍h來，走到會中；你看，瘟疫已經發tī人民中。伊to̍hhe7香，kā人民贖罪。
16:48 伊khiā tī活人kah死人ê中間，瘟疫to̍h soah。
16:49 除去因為可拉ê tāichì死去ê以外，tú tio̍h瘟疫來死ê，總共有一萬四千七百人。
16:50 亞倫tńg來到摩西hia，來到會幕門口，瘟疫chiah soah。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。