民數記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
14:1 以色列人埋怨
會眾to̍h出聲，大聲hoah，hit暝人民lóng啼哭。
14:2 以色列人哀怨摩西kah亞倫，會眾對in講：「M̄值tio̍h阮死tī埃及地！M̄值tio̍h死tī chitê曠野！
14:3 上主ná ē chhōa阮到chit所在，hō͘阮倒tī刀下？阮ê bó͘ kah kiáⁿē受掠，阮tńg去埃及kám無khah好？」
14:4 In做伙講：「咱tio̍h設立一个首領，tńg去埃及！」
14:5 摩西kah亞倫to̍h仆落tī以色列全會眾ê面前。
14:6 探看地ê人ê中間，嫩ê kiáⁿ約書亞kah耶孚尼ê kiáⁿ迦勒，悲傷kah拆裂in ê衫，
14:7 對以色列全會眾講：「阮所探看ê地是極好ê地，
14:8 上主若歡喜咱，to̍h ē chhōa咱到hitê地，kā地賞賜hō͘咱；hitê地是流奶kah蜜ê地。
14:9 總是，lín m̄ thang背叛上主，mā m̄免驚hit所在ê人民，因為in是做咱ê食物；並且致蔭in ê已經離開in，koh有上主kah咱同在，咱m̄免驚in！」
14:10 總是，全會眾講：「用石頭kā in tìm死！」上主ê榮光tī會幕ǹg以色列人出現。
14:11 摩西為人民祈禱
上主對摩西講：「Chitê人民看輕我ē到tang時？我tī in中間行這一切ê神跡，in iáu koh m̄信我，beh到tang時？
14:12 我beh用瘟疫來kā in phah，hō͘ in bē tàng承接產業，hō͘你成做大國，比in khah強。」
14:13 摩西對上主講：「Án-ne，埃及人ē聽tio̍h，因為祢用祢ê權能，chhōa chiahê人民tùi in中間起來。
14:14 Inē kā chiahê tāichì對tòa tī chit所在ê人講。In已經聽tio̍h上主祢tī chiahê人民ê中間，因為上主祢當面hō͘人看tio̍h，koh再祢ê雲停tī in ê頂面，祢日時tī雲柱中，暗時tī火柱中，tī in ê面前行。
14:15 Taⁿ祢若thâi死chiahê人民，親像thâi死一个人，hiahê聽tio̍h祢ê名聲ê列國會議論講：
14:16 『因為上主bē tàng chhōa chiahê人民入去祂對in chiùchōa應允ê地，所以，tī曠野kā inthâi死。』
14:17 Taⁿ求主顯出大權能，照祢所bat講ê，講：
14:18 『上主無快受氣，koh有豐盛ê慈愛，赦免罪過過失，絕對無掠有罪ê做無罪，一定歸咎伊ê罪，tùi父到kiáⁿ，到三四代。』
14:19 求祢照祢ê大慈愛赦免chiahê人民ê罪，親像祢tùi埃及到taⁿ，tiāⁿ-tiāⁿ 赦免in相siâng。」
14:20 上主講：「我照你ê話有赦免in。
14:21 總是，我kí我ê活命來講，全地會充滿上主ê榮光。
14:22 因為chiahê人有看tio̍h我ê榮光，以及我所行tī埃及kah曠野ê神跡，iáu koh試探我十pái，m̄遵thàn我ê話，
14:23 in絕對bē得tio̍h看tio̍h我對in ê祖先所chiùchōa應允ê地。所有看輕我ê人lóng bē tàng看tio̍h。
14:24 獨獨我ê奴僕迦勒，因為伊另外有一个心志，完全tòe我，我beh chhōa伊入去伊所行到ê地，伊ê kiáⁿ孫mā ē得tio̍h hitê地做產業。
14:25 亞瑪力人kah迦南人tòa tī山谷中，明á載lín tio̍h oa̍t倒tńg，tùi紅海ê路去曠野。」
14:26 上主處罰以色列人民
上主吩咐摩西kah亞倫講：
14:27 「Chiahê pháiⁿ ê會眾對我發出怨言，我tio̍h忍耐in 到tang時？以色列人哀怨我ê怨言，我lóng有聽tio̍h à。
14:28 你tio̍h kā in講，上主講：『我kí我ê活命來講：Lín hō͘我聽tio̍h ê話，我ē照ánne kā lín款待。
14:29 Lín ê身屍ē倒tī chitê曠野，見若lín中間經過點算ê人，照它ê數額，tùi二十歲以上，對我出怨言ê，
14:30 一定bē tàng入去我chiùchōa應允lín tòa ê地；獨獨耶孚尼ê kiáⁿ迦勒kah嫩ê kiáⁿ約書亞，ē tàng入去。
14:31 總是，lín ê gín-á，to̍h是lín所講會hông掠去ê，我ēchhōa in入去，in to̍h知是lín所棄sak hitê地。
14:32 若是lín，lín ê身屍ē倒tī chitê曠野。
14:33 Lín ê kiáⁿ兒ē tī曠野漂流四十年，擔當lín淫行ê罪，一直到lín ê身屍tī曠野消滅。
14:34 照lín探看hitê地ê日子，共四十工，一日抵一年，lín tio̍h擔當lín ê罪四十年，lín to̍h ē知我棄sak lín。
14:35 我—上主已經講：我beh ánne款待這一切聚集來kah我對敵ê pháiⁿ會眾，inē tī chitê曠野消滅，死tī chia。」
14:36 摩西所差去探看hitê地ê人，倒tńg來報hit所在ê pháiⁿ消息，致使全會眾對伊哀怨。
14:37 Hiahê報hit所在pháiⁿ消息ê人，lóng tú tio̍h瘟疫，死tī上主ê面前。
14:38 探看hit所在ê人ê中間，只有嫩ê kiáⁿ約書亞kah耶孚尼ê kiáⁿ迦勒，iáu koh活leh。
14:39 頭一pái進入迦南
(申1：41-46)
摩西kā chiahê話對以色列ê群眾講，人民to̍h真憂悶。
14:40 In早早起來上去山頂，講：「你看，阮tī chia，阮beh上去上主所應允ê地，因為阮有犯罪。」
14:41 摩西講：「Lín ná ē違背上主ê命令？Chitê tāichì行bē通，
14:42 m̄ thang上去，因為上主無tī lín中間，恐驚lín會 hō͘對敵phah敗。
14:43 因為亞瑪力人kah迦南人，lóng tī lín ê頭前，lín ē倒tī in ê刀下，因為lín oa̍t頭無tòe上主，所以，上主無beh kah lín同在。」
14:44 總是，上主ê約櫃kah摩西無出營，in硬硬beh上去山頂。
14:45 就ánne，亞瑪力人kah迦南人，tòa tī山裡ê，lóng落來kā in攻擊，kā in phah敗，到tī何珥瑪。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。