民數記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
11:1 叫做他備拉ê所在
人民nga̍uh-nga̍uh念，in ê pháiⁿ話來到上主ê耳孔，上主聽tioh8to̍h大受氣。上主ê火tī in中間to̍h起來 ，燒到營ê邊角。
11:2 人民對摩西哀求，摩西就祈求上主，hitê火就熄。
11:3 Hit所在to̍h叫做「他備拉」，因為上主ê火燒tī in中間。
11:4 摩西挑選七十个長老
In中間雜色人大大興起貪慾ê心，以色列人koh啼哭講：「啥人hō͘阮ē tàng有肉thang食？
11:5 阮ē記得tī埃及ê時，食魚免錢，mā ē記得有黃瓜、西瓜、韭菜、蔥á kah蒜á。
11:6 Taⁿ阮ê精力乾去，無半項物件；除了嗎哪以外，tī阮ê目chiu 前ê無別項物件。
11:7 （Chitê嗎哪親像芫荽仁，親像珍珠ê款式。
11:8 人民四界行來拾嗎哪，有ê用石磨來磨，有ê用臼來舂，tī鼎裡煏做餅，滋味親像調和油ê食物。
11:9 暗時露水落tī營中，嗎哪mā tòe teh落。）
11:10 摩西聽tio̍h人民大家tī kakī ê布棚門口teh啼哭，上主大受氣，摩西mā無歡喜。
11:11 摩西對上主講：「祢ná ē pháiⁿ款待祢ê奴僕？我án怎無tī祢ê面前得tio̍h恩典？祢竟然用chiahê人民ê枷擔hē tī我ê身上！
11:12 Chiahê人民kám是我懷孕ê？Kiám是我生ê？祢竟然對我講：『Kā in抱tī胸前，親像養飼gín-á ê老父teh抱食奶ê嬰á，到tī祢chiùchōa賞賜hō͘ in ê祖先ê地？』
11:13 我beh tùi tó位得tio̍h肉hō͘ chiahê人民食？因為in lóng對我啼哭講：『你tio̍h the̍h肉hō͘阮，hō͘阮thang食！』
11:14 Chiahê人民ê枷擔siuⁿ重，我kakī 擔當bē起。
11:15 祢若ánne款待我，我若tī祢ê面前得tio̍h恩典，求祢隨時kā我thâi死，免得hō͘我看tio̍h本身ê苦情。」
11:16 上主對摩西講：「你tio̍h聚集以色列ê長老七十人來我chia，to̍h是你所知做人民ê長老kah官長ê，chhōa in到會幕來，hō͘ in kah你khiā tī hia。
11:17 我beh降臨tī hia kah你講話，mā beh kā降落tī你頂面ê靈mā降落tī in中間，into̍h ēkah你做伙擔當人民ê枷擔，免得你kakī 一个人擔當。
11:18 你mā tio̍h kā人民講：『Lín tio̍h hō͘ kakī 做聖，準備明á載thang食肉，因為lín有啼哭hō͘上主聽tio̍h lín講：啥人hō͘阮食肉？因為阮tī埃及真好。所以，上主beh hō͘ lín肉，hō͘ lín thang食。
11:19 Lín m̄是食一工，兩工，五工，十工，二十工，
11:20 lín會食到一月日滿，到肉 tùi lín ê鼻孔出來，hō͘ lín討厭，因為lín棄sak tiàm tī lín中間ê上主，tī祂ê面前啼哭講：阮ná ē出埃及？』」
11:21 摩西講：「Chiahê kah我tòa ê人民，行路ê大人有六十萬，祢mā有講：『我beh hō͘ in食肉，hō͘ in thang食到一月日滿。』
11:22 祢kám ē為inthâi羊群、牛群，hō͘ in食夠額？Á是為tio̍h in聚集海內所有ê魚，hō͘ in食夠額？」
11:23 上主對摩西講：「上主ê手kám是短？Taⁿ你ē看tio̍h我ê話有對你應驗á無。」
11:24 摩西出去kā上主ê話對人民講，mā招集人民ê長老七十人，hō͘ in khiā tī布棚ê四箍圍。
11:25 上主tī雲中降臨，對摩西講話，kā降落tī伊頂面ê聖神，mā降落tī七十个長老中間；聖神臨到in ê時，in to̍h講先知ê話，以後to̍h無koh講。
11:26 總是，有兩 个人猶原tī營內，一个名叫做I-lī-ta̍t，一个名叫做Bí-ta̍t，in mā有記名在內，m̄ koh，無到布棚hia；聖神臨到in，in to̍hti7營內講先知ê話。
11:27 有一个少年人走來kā摩西講：「I-lī-ta̍t kah Bí-ta̍t tī營內teh講先知ê話。」
11:28 跟tòe摩西ê嫩ê kiáⁿ約書亞，to̍h是受揀選ê一个人講：「請我ê主摩西kā in禁止。」
11:29 摩西對伊講：「你kám是為tio̍h我ê緣故teh嫉妒？願上主ê子民lóng做先知，上主kā祂ê聖神降落tī in ê頂面。」
11:30 摩西kah以色列ê長老to̍h tńg去營內。
11:31 上主降鵪鶉
有風tùi上主出來，kā鵪鶉tùi海裡吹來，落tī營邊，chit pêng差不多一日ê路程，hit-pêng差不多一日ê路程，tī營ê四箍圍四界lóng是，離地差不多有兩肘。
11:32 人民起來，kui日kui暝，kah隔tńg工ê kui日，掠鵪鶉，siōng少ê mā掠十賀梅珥，為kakī 排列tī營ê四箍圍。
11:33 肉tī in ê嘴齒，iáu食bōe了，上主to̍h對人民受氣，上主降大災禍來phah人民。
11:34 Hitê所在號名叫做基博羅哈他瓦，因為tī hia有埋葬貪慾ê人民。
11:35 人民tùi基博羅哈他瓦行到哈洗錄，to̍h tī哈洗錄tòa落來。
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。