希伯來書 線上收聽:中文和合本 現代中文譯本修訂版 現代台語 台語聖經 台語(長老會傳播中心授權） 客語 現代客語 福州話 粵語和合本 希臘文(WH-NT) 下載檔案 關於語音聖經
11:1 Lūn Sìn-sim
Sìn sī só͘ ǹg-bāng ê tāichì ê pîn-kì, sī só͘ bōe khòaⁿ-.tio̍h ê tāichì ê khak-kì.
11:2 Kó͘-chá lâng in-ūi ū chit-ê sìn-sim, chiah tit tio̍h Siōng-tè ê chiap-la̍p.
11:3 Lán ū chit-ê sìn-sim, chiah liáu-kái ú-tiū sī tùi Siōng-tè ê ōe chhòng-chō ê. Án-ne kóng-khí-.lâi, lán só͘ khòaⁿ ē tio̍h ê sī tùi khòaⁿ bē tio̍h ê lâi chō-sêng ê.
11:4 A-bel in-ūi ū sìn-sim chiah hōng-hiàn pí Kai-ín khah hó ê chè-mi̍h hō͘ Siōng-tè, i chiū ánne tit tio̍h Siōng-tè ê chiap-la̍p, koh jīm-tēng i chò gī lâng; i sûi-jiân í-keng kòe sin, iáu teh kóng ōe.
11:5 Ê-no͘k in-ūi ū sìn-sim chiah bô sí-.khì, i siū thê-seng khì-kàu Siōng-tè hia, só͘-í, bô lâng chhōe ē tio̍h i. (chù, CSK 5:24) i siū thê-seng chìn-chêng to̍h hō͘ Siōng-tè hoaⁿ-hí chiap-la̍p.
11:6 Lâng nā bô sìn sim chiū bē tàng hō͘ Siōng-tè hoaⁿ-hí chiap-la̍p. Beh chhin-kīn Siōng-tè ê lô͘-po̍k, it-tēng tio̍h siong-sìn Siōng-tè ê chûn-chāi, koh siong-sìn I ē pò-siúⁿ hiahê cháu-chhōe I ê lâng.
11:7 Nó͘-ah in-ūi ū sìn-sim, tùi iáu-bōe khòaⁿ-.tio̍h ê tāichì í-keng thiaⁿ tio̍h Siōng-tè ê be̍k-sī, chiū chûn kèng-ùi ê sim lâi chún-pī chi̍t tâi tōa chûn thang kiù i ê choân ke; i chiū ánne lâi tēng sè-kan lâng ê chōe, kakī mā tùi Siōng-tè niá-siū in-ūi chit-ê sìn-sim lâi tit tio̍h chheng-gī.
11:8 A-bu-la-hàm siū-tiàu khì sêng-chiap chò i sán-gia̍p ê tē ê sî, sûi-jiân m̄-chai beh khì tó-ūi, in-ūi ū sìn-sim chiū sūn-chiông bēng-lēng chhut-.khì.
11:9 I óa-khò sìn-sim tòa tī èng-ín ê tē, ná chhin-chhiūⁿ tòa tī gōa-kok kah sêng-chiap kāng-khoán èng-ín ê Í-sak, Iâ-kop chò-hóe tòa tī pò͘-pêⁿ.
11:10 In-ūi A-bu-la-hàm teh kî-thāi Siōng-tè só͘ siat 計 khí-chō hit-ê ū tē-ki ê siâⁿ.
11:11 A-bu-la-hàm sûi-jiân nî lāu, Sa-la̍h mā chhiau-kòe seng-sán ê nî-hòe, iáu koh ē-tàng chò lāu-pē, in-ūi i khak-sìn Siōng-tè ē siú I ê èng-ín.
11:12 Si̍t-chè-siōng, A-bu-la-hàm ná chi̍t-ê teh beh sí ê lâng, m̄ koh i ū seⁿ-thòaⁿ kiáⁿ-sun, chhin-chhiūⁿ thiⁿ-téng ê chheⁿ hiahni̍h chē, chhin-chhiūⁿ hái piⁿ ê soa sǹg bē liáu.
11:13 Chiahê lâng kàu sí ûi-chí lóng ū sìn-sim, sûi-jiân in bô tit tio̍h só͘ èng-ín ê; m̄ koh in tùi hn̄g-hn̄g teh khòaⁿ, hoaⁿ-hí tán-thāi gêng-chiap chiahê tāichì, koh sêng-jīn kakī tī tē-chiūⁿ chí-put-kò sī lâi chò lâng-kheh ê chhut-gōa lâng.
11:14 Án-ne kóng ê lâng, piáu-bêng in teh chhōe chi̍t-ê ka-hiong.
11:15 In pēng bô teh siàu-liām lī-khui hn̄g-hn̄g ê ke 鄉, nā ū, chá to̍h ū ki-hōe thang tńg-.khì.
11:16 Chóng-.sī, in him-bō͘ hit-ê thiⁿ-téng koh khah hó ê só͘-chāi, só͘-í, Siōng-tè bô in-ūi in chheng I chò Siōng-tè lâi kám-kak kiàn-siàu, in-ūi I í-keng ūi in chún-pī chi̍t-ê siâⁿ thang khiā-khí.
11:17 A-bu-la-hàm siū Siōng-tè khó-giām ê sî, in-ūi ū sìn-sim, chiah kā i ê kiáⁿ Í-sak hiàn chò chè-mi̍h; to̍h-sī kóng sêng-siū èng-ín ê A-bu-la-hàm, iáu koh goān-ì kā i ê to̍k-seⁿ kiáⁿ chò chè-mi̍h hiàn hō͘ Siōng-tè.
11:18 Siōng-tè bat tùi i kóng, " Tùi Í-sak seⁿ ê chiah thang sǹg-chò lí ê kiáⁿ-sun. " (chù, CSK 21:12)
11:19 A-bu-la-hàm siūⁿ kóng, Siōng-tè ē-tàng hō͘ Í-sak tùi sí-lâng tiong koh-oa̍h, só͘-í mā ē ēng-tit kóng, Í-sak sī sí-liáu koh tò tńg-.lâi.
11:20 Í-sak in-ūi ū sìn-sim, chiah ūi tio̍h chiong-lâi ê tāichì tùi Iâ-kop kah E-sáu chiok-hok.
11:21 Iâ-kop in-ūi ū sìn-sim, beh sí ê sî chiah kā Iô-sé-huh ê nn̄g-ê kiáⁿ chiok-hok, koh hōaⁿ tòa koái-á thâu kèng-pài Siōng-tè. (chù, CSK 47:31 LXX)
11:22 Iô-sé-huh in-ūi ū sìn-sim, beh sí ê sî chiah kóng-khí I-su-la-el lâng chhut Ai-gi̍p ê tāichì, koh ū hoan-hù chhù-lí i ê kut-hâi ê tāichì.
11:23 Mô͘-se chhut-sì ê sî, i ê pē-bú in-ūi ū sìn-sim, khòaⁿ tio̍h kiáⁿ chheng-siù, m̄-kiaⁿ ông ê bēng-lēng, to̍h kā eⁿ-á ún-chông saⁿ goe̍h-ji̍t.
11:24 Mô͘-se tióng-tōa liáu-āu, in-ūi ū sìn-sim, chiah kī-choa̍t lâng kā i kiò-chò Ai-gi̍p kong-chú ê kiáⁿ.
11:25 I khah ài kah Siōng-tè ê chú-bîn chò-hóe siū khó͘-lān, bô ài tī chōe-ok tiong hióng-siū chiām-sî ê khoài-lo̍k.
11:26 I khòaⁿ ūi tio̍h Ki-tok siū lêng-jio̍k pí Ai-gi̍p ê châi-pó khah kùi-khì, in-ūi i gióng-bōng chiong-lâi ê pò-siúⁿ.
11:27 Mô͘-se in-ūi ū sìn-sim, chiah bô kiaⁿ ông ê siū-khì, lī-khui Ai-gi̍p; i ná chhin-chhiūⁿ ū khòaⁿ tio̍h lâng só͘ khòaⁿ bē tio̍h ê Siōng-tè, só͘-í kian-chhî kàu-té, m̄-khéng tò tńg-.khì.
11:28 I in-ūi ū sìn-sim, chiah lâi siat-li̍p Pôaⁿ-kòe-cheh, hoan-hù ke-ke hō͘-hō͘ tio̍h hiù hoeh tòa mn̂g-.ni̍h, bián-tit hō͘ châu-bia̍t chiá thâi-sí I-su-la-el lâng ê tōa-kiáⁿ.
11:29 I-su-la-el lâng in-ūi ū sìn-sim, chiah ē-tàng kòe Âng-hái ná chhin-chhiūⁿ teh kiâⁿ ta tē; Ai-gi̍p lâng mā siūⁿ beh kiâⁿ-kòe, soah hō͘ chúi im-sí.
11:30 I-su-la-el lâng se̍h I-é-lī-kho siâⁿ chhit ji̍t, in-ūi ū sìn-sim, siâⁿ chhiûⁿ chiū tó lo̍h-.khì.
11:31 Kī-lí La-ha̍t in-ūi ū sìn-sim, chiah hó khoán-thāi bi̍t-thàm, só͘-í, bô kah hiahê bô sūn-ho̍k Siōng-tè ê lô͘-po̍k chò-hóe bia̍t-bông.
11:32 Góa kám tio̍h koh kóng? Góa bô sî-kan thang thê-khí Gî-tióng, Ba-la̍k, Sâm-sóng, I-é-hú-thah, Ta-bi̍t, Sa-mu-el kah chèng sian-ti ê tāichì.
11:33 Chiahê lâng khò sìn-sim thâi-iâⁿ lia̍t kok, in chò kong-gī ê tāichì lâi niá-siū Siōng-tè ê èng-ín, in kā sai ê chhùi hong ba̍t,
11:34 Phah-hoa lia̍t-hóe, siám-phiah lāi to ê sat-hāi; jio̍k-sè chiâⁿ-chò kiông-sè, tī chiàn-tiûⁿ ióng-béng, kong-phòa gōa-kok ê kun-tūi.
11:35 Ū chi̍t-kóa hū-jîn-lâng óa-khò sìn-sim, chiap in hiahê tùi sí koh-oa̍h ê chhin-lâng tńg-.lâi, mā ū chi̍t-kóa lâng ūi tio̍h khah hó ê koh-oa̍h, soah m̄-goān siū sio̍k-hôe tháu-pàng, kam-goān siū khok-hêng lâi sí.
11:36 Koh ū chi̍t-kóa lâng siū hì-lāng, piⁿ-phah, mā ū lâng siū khún-pa̍k koaiⁿ-kaⁿ.
11:37 Koh ū lâng hō͘ lâng ēng chio̍h-thâu tìm, ēng kì-á kì, ēng to thâi-sí. Mā ū lâng chhēng mî-iûⁿ-á-.sī soaⁿ-iûⁿ ê phôe, sì-kè phun-pho, jím-siū sànchhiah, hoān-lān kah ge̍k-thāi;
11:38 In khòaⁿ-phòa sè-kan, tī khòng-iá, soaⁿ-niá, chio̍h-tōng á-.sī tē-hia̍t sì-kè liû-lōng.
11:39 Téng-bīn chiahê lâng lóng óa-khò in ê sìn-sim, ū tit tio̍h Siōng-tè ê jīm-tēng, m̄ koh, bô niá-siū Siōng-tè só͘ èng-ín ê.
11:40 In-ūi Siōng-tè kā lán an-pâi koh khah hó ê kè-ōe, Siōng-tè ê chí-ì to̍h-sī, chiahê lâng tio̍h kah lán chò-hóe chiah ē-tàng oân-choân.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。