約翰福音 四福音合參 線上收聽:中文和合本 現代中文譯本修訂版 現代台語 台語聖經 台語(長老會傳播中心授權） 客語 現代客語 福州話 粵語和合本 希臘文(WH-NT) 下載檔案 關於語音聖經
9:1 耶穌醫好出世To̍h Chheⁿ-mê ê人
耶穌行過ê時，看tio̍h一个出世to̍h chheⁿmê ·ê人。
9:2 祂ê門徒問講：「老師，chitê人出世to̍h chheⁿmê，是啥人犯罪？是伊本身á是伊ê父母？」
9:3 耶穌應講：「Chitê人無犯罪，伊ê父母mā無；是beh通過伊來顯明上帝ê作為。
9:4 趁iáu日時，咱tio̍h做差派我來ê hit位ê工；暗時一下到，to̍h無人ē tàng做工。
9:5 我tī世間ê時，我是世間ê光。」
9:6 Chiahê話講了，就phùi瀾tī土腳，用嘴瀾攪土來糊chheⁿmê人ê目chiu ，koh kā伊講：
9:7 「去西羅亞池洗你ê目chiu 。」(西羅亞ê意思是「奉差遣」)。伊to̍h去洗，tńg來ê時已經會看見。
9:8 伊ê厝邊kah平時bat看tio̍h伊以前做乞食ê人講：「Chitê kám m̄是不時坐teh做乞食hitê人？」
9:9 有人講：「to̍h是伊。」有人講：「M̄是，是kahná親像伊。」伊kakī 講：「我to̍h是。」
9:10 眾人to̍h問伊講：「你ê目chiu án怎變會看見？」
9:11 伊應講：「Hitê名叫做耶穌ê人攪土糊我ê目chiu ，kā我講：『去西羅亞池洗。』我隨時去洗，to̍h變會看見。」
9:12 大家問伊講：「Hitê人tī tó位？」伊應講：「我m̄知。」
9:13 法利賽派ê人質問Hitê Chheⁿ-mê ê人
In chhōa hitê前chheⁿmê ê人去見法利賽派ê人。
9:14 耶穌攪土來開伊ê目chiu ê日是安息日。
9:15 所以，法利賽派ê人koh問伊ná ē看見。伊to̍hka7 in講：「祂用土糜糊我ê目chiu ，我去洗，to̍h有看見。
9:16 法利賽派ê人中間有ê講：「Chitê人無守安息日，m̄是tùi上帝來ê。」有ê講：「有罪ê人ná ē行chit款神跡？」In就ánne意見分裂。
9:17 In koh kā chheⁿmê ·ê講：「祂已經開你ê目chiu ，你講祂是啥物款人？」伊應講：「祂是先知。」
9:18 偤太人m̄信伊以前chheⁿmê，chitmáē koh看見，to̍h叫伊ê父母來，
9:19 問in講：「Chitê是lín講出世to̍h chheⁿmê ê kiáⁿ，是無？Taⁿ伊ná ē有看見？」
9:20 伊ê父母應講：「阮知伊是阮ê kiáⁿ，阮mā知伊出世to̍h chheⁿmê。
9:21 Taⁿ伊ná ē koh看見，阮m̄知。啥人開伊ê目chiu ，阮mā m̄知。伊已經大漢à，lín去kā伊問，伊ē曉kakī 講。」
9:22 伊ê父母ánne講，是因為驚偤太人，因為偤太人已經有約束好勢，若有人認耶穌做基督，tio̍h beh kā伊tùi會堂趕出去。
9:23 所以，伊ê父母講：「伊已經大漢à，lín去問伊kakī 。」
9:24 Into̍h koh叫hitê以前chheⁿmê ·ê來，問伊講：「Tī上帝ê面前tio̍h照實講。阮知hitê人是有罪ê人。」
9:25 伊應講：「祂是有罪ê人á m̄是，我m̄知。我kantaⁿ知一項tāichì：以前我chheⁿmê，taⁿ我ē看見。」
9:26 Into̍h問伊講：「Hitê人kā你做啥物？祂án怎開你ê目chiu ？」
9:27 伊應講：「我已經kā lín講過，lín m̄聽，chitmá ná ē beh koh聽？Lín mā想beh做祂ê門徒，是無？」
9:28 Into̍h kā伊罵，講：「你chiah是hitê人ê門徒，阮是摩西ê門徒。
9:29 阮知上帝有對摩西講話；獨獨chitê人tùi tó位來，阮m̄知。」
9:30 Hitê人應講：「這to̍h真奇怪à，祂醫好我ê目chiu ，lín iáu koh m̄知祂tùi tó位來。
9:31 咱知上帝無聽罪人ê祈求，獨獨人若敬拜上帝來遵照祂ê旨意，上帝to̍h ē聽伊ê祈求。
9:32 Tùi古早以來，m̄ bat聽過有人hō͘出世to̍h chheⁿmê ·ê人ēkoh看見。
9:33 Chitê人若m̄是tùi上帝hia來，to̍h無可能做chit款tāichì。」
9:34 Into̍h對伊講：「你出世to̍h有罪，tī罪惡中大漢，顛倒beh教示阮？」Into̍h對會堂kā伊趕出去。
9:35 心靈ê Chheⁿ-mê
耶穌聽tio̍h in kā伊趕出會堂。後來，chhōe tio̍h伊，to̍h kā伊問講：「你有信人子無？」
9:36 伊應講：「先生ah，啥人是人子？請祢kā我講，thang hō͘我信祂。」
9:37 耶穌kā伊講：「你bat看tio̍h祂；chitmá kah你teh講話ê to̍h是。」
9:38 伊to̍h講：「主ah，我信。」伊to̍h跪落去kā祂拜。
9:39 耶穌講：「我為tio̍h審判臨到chit世間，hō͘無看見ê人ē看見，mā hō͘有看見ê人變做chheⁿmê。」
9:40 一kóa法利賽派ê人聽tio̍h chiahê話，to̍h問耶穌講：「總無阮mā是chheⁿmê ·ê，是無？」
9:41 耶穌應講：「Lín若chheⁿmê，to̍h無罪；taⁿ lín講：『阮有看見』，ánne，lín原在iáu koh有罪。」
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。